Efésios 6:5 - Kaxinawá Bíblia (BR)

⁵ Escravo dayarubuũ, maturi yununũ nĩkakãwẽ. Matubunã, matũ tsuma mai anuabuki datei dayai penũ, iwanã, hatu duawakĩ haska matu yunua nĩkatã txibãkubaĩkãwẽ. Haskakinã, Cristo duawakĩ mã akawaii.

Kashinawa : Diosun Jesúswen taexun yuba bena yiniki

⁵ Esclavo dayadubuun, matu yununun ninkakanwen. Matubunan, matun tsuma mai anuabuki datei dayai penun, iwanan, jatu duawakin jaska matu yunua ninkatan chibankubainkanwen. Jaskakinan, Cristo duawakin man akawaii.

Efésios 6:5 Referencias Cruzadas

Gênesis 16:9

Senhor Deusũ nai tsumã Agar ana yuikĩ: —Hariri ana kama nenua txĩtũrikaĩwẽ. Mĩ dayashũmistũ hãtxa nĩkakĩ hawẽ yunua ashũrikubaĩtãwẽ— atã

Malaquias 1:6

Senhor Deus kushipahaira dasibi binu keyuatũ habe hawenabu hãtxashunikabu hatu yuikĩ: “Huni bakebũ hatũ epa nĩkakĩ hatu duawakubaĩmisbuki. Hawẽ tsumabũ hawẽ shanẽ ibu nĩkai haki datekubaĩmisbuki. Hakia earã, ẽ matũ Epa kayabiki. Haskakĩ ẽ hãtxa nĩkakĩ mã ea duawaismamẽ? Ha inũ, ẽ matũ shanẽ ibubiakẽ haskai ea nĩkai mã eki datekũkaĩsmamẽ? ẽ ibiaya ea danãbiakubaini hãtxa txakabukĩ yuikĩ: ‘Hawa haska wakĩ nũ mia danãmismẽ?’ mã ikaya

Mateus 6:22

—Ha inũ, matũ yura anurã, matũ berurã, bĩ txasha keskaki. Haskakiri matu yusĩnũ nĩkakãwẽ. Matũ beruwẽ mã uĩmiski. Matũ xinãwẽ matũ yura pepa haya kemuama mã shabakabi meke pewaki.

Mateus 6:24

—Ha inũ, haratura dayarũ hawẽ shanẽ ibu dabe dayashũkĩ ha dabe merabewatirumaki, betsa abukĩ txibãkĩ betsa abuama danãkĩ nĩkamarã. Habiaskari wakĩ pei inũ Deusri txibãkĩ ha dabe haska washũ mã duawatirumaki— iwanã,

Mateus 8:9

Ha inũ, hatũ ea yunumisrã, ẽ shanẽ ibu hayaki. Eãri soldadobu yunui ẽ shanẽ ibumiski. Betsa yunukĩ: “Kawe”, ẽ wa kamiski. Betsa yuikĩ: “Huwe”, ẽ wa humiski. Ẽ dayaruri yunukĩ: “Ea ashũwẽ”, ẽ wa amiski— aka

Hechos 2:46

Hanua shaba tibi Templo hemaĩtĩ anushũ kuxipa yukakĩ hiwe anushũri itxashũ hawa txĩtuãma xinã txãkãbetanã hatubetã pikĩ Jesus hatu mawashunima xinãmati misi pikĩ

Romanos 9:3

Haskakẽ enabu Israelbũ hau Cristo ikũwanũbũ hatu merabewanũ ika eã eska ẽ hatukiri xinãkubainaii. Ea kayabis Deusũ hau hatuwẽ ea kupinũ ika hatuwẽ taea Cristo dapashkatã haskatã enabu kayabi ẽ hatu merabewatiru daka ishũ hatukiri ẽ xinãkubainaii, hau enabũ Cristo ikũwanũbunã.

1 Coríntios 2:3

Hanua ẽ Jesusũ kuxipaya matu anu kaimashũ haska bebũkiri kẽkĩ kanekatsi ikama babua dateyabi huĩti shurubiashũ ẽ matu yusĩyukubainiki.

1 Coríntios 7:22

Haska huni betsã escravo dayaru mã ibianikẽ nukũ Shanẽ Ibũ matu katushũ matũ txakabu buakĩ matu haibuwaiwẽ taea escravobia Jesus mã ikũwaĩwẽ taea mã yurã escravoma keskaki. Hakia mĩ tsuã escravo dayarumabia Jesusũ mia katutã yunuawẽ taea matũ xinãwẽ mã hawẽ escravo dayaruki, Cristonarã.

2 Coríntios 1:12

Hamẽ nukukirirã, haska yurabũ Deus unãbumã xinaĩ kẽmis keskama hakia Deusũ nuku xinã betsa wamatã huĩti pepa nuku waniwẽ taeshũ haska Deusũ abumis nuku xinãmaya tsua parãma duapa bestikũkaini matuwẽ nuihairai nũ kẽkũkainaii, matuwẽ taea txanima benimairã.

2 Coríntios 7:15

Ha inũ, haska eki inũ ẽ keneki mesekĩ Tito beyawakĩ mã iakeakekĩ ẽ kene ẽ matu anu bumayama nĩkatã ẽ yunuti mã txibãmis xinaĩ matu uĩtãyamashũ Titõ ana matu abuhairakubainikiki.

Efésios 5:22

Beneyabuũ, matu yununũ nĩkakãwẽ. Nukũ Shanẽ Ibũ matu yunua nĩkashũ mã akai keska wakĩ matũ benẽ matu yunua habebis yununamei hẽ iyamama ashũkubaĩkãwẽ.

Efésios 6:24

Haska inũ, tsuabũra nukũ Shanẽ Ibu Jesus Cristo abukĩ betsa waisma hau Deus hatuwẽ nuikĩ duawakubainũwẽ. Hatiski, ẽ hãtxarã. Paulo

Filipenses 2:12

Ẽ betsabu inũ ẽ puibuũ, matuwẽ ẽ nuiaya mã ẽ hãtxa txibãmis heneama akubaĩkãwẽ, ẽ matu uĩayã mã amis keska inũ, ẽ matu uĩyama txaihaira ẽ hiwebiakẽ ea nĩkakĩ txibãriakinã. Hawa kaneama uke merã hawara matũ hiwea Cristona wamakĩ mã inãni Cristoki mesekĩ heneama hawẽ mekepakekãwẽ.

Filemom 1:16

ana mĩ dayaru keskama mĩ dayaru pepa binua mĩ abuai mĩ betsa kayabi keskarã. Eã ẽ abutxakayamabiaya miã abukĩ mĩ ea binumashanimẽkaĩ. Dayaru escravo besti hayama hakia dayaru binũa keskai mibetã Jesus ikũwaĩwẽ taea mĩ betsa keska mĩ hayashanaii.

Josué 24:14

Haskakẽ Senhor Deuski mesekubaĩshãkãwẽ. Parananãma ikũ kayabi huĩti shabakabiwẽ Deus duawakubaĩshãkãwẽ. Ukeri henewã Eufrates inũ Egito anushũ matũ shenipabũ yushĩ betsa betsapa kẽwãbiapaunibũ habu henetã Senhor Deus besti duawakĩ kẽwãkubaĩshãkãwẽ.

1 Pedro 3:2

Deuski mesei pe hiwekĩ mã hatu uĩmakubainaiwẽ taeshunã.