Efésios 6:20 - Kaxinawá Bíblia (BR)

²⁰ Haska inũ, Deusũ ea katushũ hawẽ kuxipaya hãtxashunika ea wani ẽ hawẽ kakape yusĩbaũmiswẽ taeshũ habũ nenu ea iweimashũ ea bitxikĩ akawaimabu nenushũ ẽ bika tenebiakĩ hawa dateama nukũ Shanẽ Ibukiri hãtxai ẽ txanikũkaĩnũ ea Deus yukashũkãwẽ.

Kashinawa : Diosun Jesúswen taexun yuba bena yiniki

²⁰ Jaska inun, Diosun ea katuxun jawen kushipaya janchaxunika ea wani en jawen kakape yusinbaunmiswen taexun jabun nenu ea iweimaxun ea bichikin akawaimabu nenuxun en bika tenebiakin jawa dateama nukun Xanen Ibukidi janchai en chanikunkainun ea Dios yukaxunkanwen.

Efésios 6:20 Referencias Cruzadas

Provérbios 13:17

Hãtxa bunika txakabunã, hatũ hãtxa txani peama hatu txakabu tueshũmiski. Hakia hãtxa bunika pepã hatũ hãtxa pepa txanikĩ hatu daewakĩ benimawamisbuki.

Isaías 33:7

Nĩkakãwẽ. Huni detenamenikabu kushipabu bai tanabirani sai sai ikaibu habu haki sinataibube unanuma hiwenũ ika hatube yubakabiatãshina ha shanẽ ibu hãtxashunikabu ma kashakanikiki.

Isaías 58:1

Senhor Deusũ ana ea yuikĩ: “Dateama sai itxakayamatãwẽ, mimawati trombeta txã akai keska wakĩ mĩ hui kaĩmakinã. Enabũ kanekĩ txakabuwamisbu ha akĩ Jacó enabu hatũ txakabu hatu txitekĩ ha atãwẽ.

Jeremias 1:17

Miarã, ibubis kushipawe, hawa dateamarã. Hatu anu kashũ ẽ hãtxa dasibi mia yuikĩ ẽ mia yunushu hatu yuikubaĩtãwẽ. Haska ẽ mia yunuai mĩ betsa waya hatu bebũshũ ẽ mia saki saki imatiruwẽ taea hatuwẽ dateyamashãwẽ.

Hechos 21:33

hanushũ soldado shanẽ ibu Pauloki kematã hawẽ soldadobu yunua haki niri iki keyutã mane dispi txiwetameya dabewẽ meneshkĩ huneshaibũ shanẽ ibũ hatu yukakĩ: —Narã, tsuamẽ? Hawa matu txakabuwaimẽkaĩ?— hatu wa

Hechos 26:29

Paulõ ana yuikĩ: —Hawaira kasmai txipu kasmai mia inũ dasibibũ natiã habũ ea nĩkaibu ẽ ikũwaĩ keskakĩ mã Jesus haibu warianũ Deusũ hau matu kenarianũwẽ, hakia na ẽ ika keskai mane dispiwẽ matu tsuã meneshamarã— hatu wa

Hechos 28:20

Haskawẽ taeshũ mã ea uĩ ebe hãtxai benũbũ ẽ matu kenaxinaki. Nũ Israelbũ ha Deusũ nuku yubani nũ manakaibuwẽ taeshũ haskarawẽ dabanã ea mane dispi txiwetameyawẽ soldadobe ea meneshxinabumẽkaĩ, mã eki nukuyununã— hatu wa

Hechos 28:31

Tsuã hawa nemama Deus shanẽ ibushanaikiri shabakabi hatu yusĩkĩ Deusũ Messias Jesus Cristo mekenãkiri Paulõ hatu yusĩpakekubainiki, tsuã hawa bika tenemamarã. Teófiloõ, hatiski, Jesuskiri hawẽ tsuma kuxipayabu dayakubainibukiri hãtxarã. Lucas

Hechos 5:29

haskaibũ Pedro inũ Jesusũ kuxipaya betsabũ hatu kemakĩ: —Haska Deusũ xinaĩ nũ txibanũ nuku yunumis nũ akatsis ikaii. Hunibũ yunuawẽ taea nũ beshteketirubumaki— iki

2 Coríntios 3:12

Eska Israelbũ Moisés besu uĩkĩ hawara txashahaira maĩ beshmasai hau uĩyamanũbũ Moisés tari tuashwẽ hawẽ besu hunei bepukukũkaini keskama haska nukũri nũ ikũwaĩbu Cristo manakakĩ nukũ hãtxa hakiri huneama hawa dateama shabakabi nũ yusĩkubainaii.

2 Coríntios 5:20

Haskakẽ Cristõ kuxipa nũ hayawẽ taea nũ hawẽ hãtxa bushunikabuki. Nukuwẽ Deus hãtxai keskaya Cristo ea ashũkĩ nũ matu yukashũmiski. Eskaki. Matu yuinũ nĩkakãwẽ. Nukuwẽ taeshũ Deusũ hãtxa ikũwaĩ Cristo matu mawashuniwẽ Deus daewai habe haibunamekãwẽ.

Efésios 3:1

Jesusũ ea yunua mã judeubuma Jesus Cristokiri ẽ matu yusĩayã matuwẽ taeshũ ẽ hawamabiakẽ nenu ea nitxĩmashũ mekeyuabuki.

Efésios 4:1

Nenu eska ẽ bika tenei hiweyushũ meairã, nukũ Shanẽ Ibũ ea yununi ẽ akubainaiwẽ taeshũ ea atxitã ea mekeimashũ ea heneabumakẽ hau mã ikũwaĩbu Deusũ matu kenani hiwei pepai haskakĩ mã unãkubainũbũ ẽ matu yunuai xinaĩrakubaĩkãwẽ.

Efésios 6:19

Eska ẽ matu yukaii. Hau Deusũ ea merabewakĩ hari hãtxati ea inãkĩ inũ ẽ hãtxa ea kuxipa waya haskawẽ taeshũ haska Deusũ uatiã huneni shabakabi hawẽ bakekiri ẽ hatukiri txanikũkaĩnũ ekiriri Deus yukashũkubaĩkãwẽ.

Filipenses 1:20

Haska inũ, Deus dayashuni tsuki ẽ dakeamaki, hatũ ea mekeawẽ taearã. Haskakẽ tsuabũra berubi hawa hakiri dakeama natiã ẽ hiweawẽ inũ ẽ mawashũshanaiwẽ Cristo kuxipahaira ewẽ dasibibu ẽ hatu uĩmayukatsis ikaii.

Filipenses 1:7

Txanima eã ẽ matukiri pe xinaĩnã, matuwẽ nuikĩ ẽ matu abuhairaii. Maturi dasibi mã ewẽ nuiaya Deusũ matuwẽ ea duawaikiki. Natiã ea bitximabu keska nia shanẽ ibubu bebũ hawa hatũ yunutikiri ẽ hãtxaisma eska besti yui ẽ txakabuisma pekiri hãtxai Deusũ kakape Jesus Cristokiri hatu unãmakĩ hakiri shabakabi ẽ txanikũkainaya mã ea merabewai ebetã teneai keskakubaĩkanaii.

Colosenses 4:3

Haska inũ, nukukiriri Deus nuku yukashũriakãwẽ, hau nukũ Shanẽ Ibũ nuku merabewaya hakiri hawẽ kakape Cristokiri Deusũ huneni shabakabi mae betsa betsapanu nũ hatu yusĩkĩ hatu unãmabaunũbunã, na haska hakiri ea nemakĩ bitxikĩ akawanibu ẽ niakirirã.

Colosenses 4:4

Ha inũ, haska Deusũ abuai eã ẽ hatu shabakabi Cristokiri unãmakĩ ẽ hatu yusĩ kanũ ea yukashũrikãwẽ.

1 Tesalonicenses 2:2

Ha inũ, matu anu nũ hikiriamakẽ Filipos anushũ nuku itxakawakĩ nuku nuitapawaimabu mã unãriaii. Nuku bika tenemabiaibũ Deusũ nuku kuxipa wakubaina hawẽ kakape nũ matu yusĩkubainimaki.

2 Timóteo 1:16

Ea haska wabiaibũ nenu Roma anu ẽ bikai hiwebiakẽ nukũ haibu Onesíforõ Roma anu hikituxitã hawa huĩrukuãma ea betxinũ ika ea benatxakayamakĩ atimas ea betximaki. Ẽ mane dispi txiwetameyawẽ ẽ meneshekeaki dakeama hawẽtxaĩs ea merabewakĩ ea xinã txãkãwãbirãbiranimaki. Ea haska waimakẽ Deusũri hawenabuswẽ nuikĩ hau hatu merabewakubainũwẽ.

2 Timóteo 2:9

Jesus Cristokiri ẽ yusĩkubaũmiswẽ taeshũ ea itxakawabu tenekĩ ẽ meaii. Huni atimapa hawaki dateama txakabuwai betxitã amisbu keska wakĩ ea nemakĩ mane dispiwẽ ea meneshabu keska wariakĩ Deusũ hãtxa kakape yuikĩ ẽ datã amisrã, ha tsuã nemakĩ neshatirubumaki.

Filemom 1:10

Haskawẽ taeshũ mia daewakĩ mia anu Onésimo ẽ nitxiaiĩ, hau mia dayashũri kanunã. Nenu ea meneshimabu anu hiweshũ Onésimo Jesus Cristo ikũwãmakĩ ẽ xinã betsa wamaimawẽ taea mĩ dayaru escravo ẽ bake keskaki.

Filemom 1:9

haskakiri ẽ mia xinãma hakia nui nũ haibunameaiwẽ taeshũ ẽ mia ea akaii. Earã, ẽ ma mestebuaii. Haskabiakẽ Jesus Cristo ẽ dayashũkũkainaiwẽ taeshũ natiã ea bitxikĩ akawashũ ea meneshimabuki.

1 João 3:16

Nũ nui kayabi haya nũ tapĩtirurã, haska Jesus Cristo nukuwẽ dabanã hawẽ hiwea nuku inãni nũ xinãtirubuki. Haskawẽ taea nukubũri nukũ betsabu nũ hatu abukayabiai nũ hatu uĩmatirubuki.

Judas 1:3

Ẽ betsabu inũ ẽ puibuũ, matuwẽ nuikĩ haska Jesus Cristõ matu inũ ea nuku pashawakatsi hãtxanikiri matu keneshũkatsi ibiakĩ ha akama eskaibukiri hatu uĩkĩ habukiri xinãkĩ Deusũ kakape nũ matu Deusunabuwakĩ yusĩni habũ betsa wakĩ matu bika tenemakĩ inũ yura betsabu hau hatu parãyamarianũbũ mã hatu nemakubainũ haskakiri keneshũ ẽ matu bumai uĩrakãwẽ.