Efésios 6:15 - Kaxinawá Bíblia (BR)

¹⁵ Matunã, Deusũ hãtxa kakape unãnuma hiwetikiri mã yusĩ bukatsis ikaiburã, bebũkiri matũ hiwea pewakubaĩkãwẽ. Haska wakĩ mã ma pewa haska soldadobu detenamei bunũ, iwanã, bebũkiri hawẽ bitxi tae sawemis keska wakĩ kakape yuibaũkĩ Deuski sinataibu mã maematirubuki.

Kashinawa : Diosun Jesúswen taexun yuba bena yiniki

¹⁵ Matunan, Diosun jancha kakape unanuma jiwetikidi man yusin bukatsis ikaibudan, bebunkidi matun jiwea pewakubainkanwen. Jaska wakin man ma pewa jaska soldadobu detenamei bunun, iwanan, bebunkidi jawen bichi tae sawemis keska wakin kakape yuibaunkin Dioski sinataibu man maemaetidubuki.

Efésios 6:15 Referencias Cruzadas

Isaías 52:7

Tsuara mati matipa anu hukĩ txakabumakirãkĩ kakape yuinũ ika hui benimakiranai uiaĩbũ Deus anua pepa unanuma hiweti txani inũ haska txakabu anua tashnitirubu txanitã Sião yuikĩ: “Mĩ Deusrã, shanẽ ibuhairaki!” ashanikiki.

Habacuque 3:19

Ẽ shanẽ ibu Senhor Jeovaã, ea kushipa inãkĩ ni txashu hawaira kaĩmis keska ẽ kishi ea wa mati keyatapa hanu pashati anu Senhor Deusũ ea iyukĩ mapemashanikiki”, inikiaki.

Marcos 6:9

Matũ tae pewetametia inũ tima tari mã saweaya besti bukãwẽ, ana betsa buamarã— akĩ

Lucas 15:22

nĩkama hawẽ epã hawẽ dayarubu yunukĩ yuikĩ: “Tari pepa hawaira bitãshũ sawemakãwẽ. Ha inũ, meitxikiti sawematã bitxi tae sawemariakãwẽ”, iwanã,

Romanos 10:15

Ha inũ, Deusũ hãtxa yusĩnãbu habu anu Deusũ hatu yunuama kakape Cristokiri hatu yusĩtirubumaki. Haskakẽ Deus yuishũkĩ hawẽ hãtxa yuishunikatũ haskakiri kenekĩ: “Deusũ kakape yusĩmisbu hikixĩshũ Deusũ kakape hatu yusĩaĩ nĩkai ha huxiãwẽ taea benimai xinã txãkãshãkanikiki”, iniki.