Efésios 4:6 - Kaxinawá Bíblia (BR)

⁶ Ha dikabi Deus bestitxairã, dasibi ikũwaĩbũ Epaki. Dasibi hawenabu shanẽ ibushũkĩ hawẽ kuxipa dasibi matu uĩmakubainikiki.

Kashinawa : Diosun Jesúswen taexun yuba bena yiniki

⁶ Ja dikabi Dios bestichaidan, dasibi ikunwainbun Epaki. Dasibi jawenabu xanen ibuxunkin jawen kushipa dasibi matu uinmakubainikiki.

Efésios 4:6 Referencias Cruzadas

Gênesis 14:19

Abrão Melquisedeque pepawakĩ yuikĩ: “Deus dasibi binu keyua hiwea nai inũ mai hirabi damiwanitũ hau mia duawakĩ pepawakubainũwẽ.

Isaías 63:16

Miarã, mĩ nukũ epaki! Nukũ shenipabu Abraão ana nuku shinãma ma nuku hakimabiaya nũ Israelbubia haskatã nukunabube nũ ana hatuki dasi unãtinãtimaki. Nũ haskabiaya Senhor Deusuũ, miarã, habia mĩ nukũ epaki. Nuku mebikinaĩ taenishũ nuku heneama mĩ nuku akubainaii.

Malaquias 2:10

Israelĩ enabu huni dasibibuũ, ẽ ea Malaquiasĩ matu yuinũ ea nĩkakãwẽ. Nuku dasibirã, nũ Epa bestitxai hayamamẽ, dasibi dami wanitũ nuku katunirã? Haskai nukubu nukumebi nũ parananãbukũmisbumẽ, haska Deus nukũ shenipabube yubakani danãkĩ txakabuwairã?

Mateus 6:13

Nuku mekekĩ hawẽ txakabuti tibi nuku kaĩmashũyamawe. Ha inũ, hawara txakabu tibi nuku nemashũriakubaĩwẽ, atiki— atã

Mateus 6:9

Eska watiki, dayuikinã: —Nukũ Epa nai anuatuũ, mĩ kena meribirã, mia duawakĩ hau mia kẽwãkubainũbũwẽ.

João 14:23

Jesusũ kemakĩ: —Tsuabũra ea abukinã, ẽ yusĩa hãtxa txibãkanikiki. Ẽ Epã hatu abuaya ea inũ ẽ Epa hua nũ hatuwẽ hiweshanaii.

João 17:26

Haska inũ, mikiri mĩ kuxipa binu keyua ẽ hatu unãmapakeaiwẽ taeshũ ana mikiri ẽ hatu unãmakĩ heneyamashanũ mĩ ea abumis keskai hau haburi abunamei heneama ishanũbũwẽ, nuikipairã. Haska hayabuwẽ taea ea ẽ hatu anua kaĩkainama ishanaii— itã

João 20:17

Jesusũ nemakĩ: —Ẽ Epa anu kariama uatiã ẽ matube hiwemis keskai ẽ ana matube itirumaki. Ea tsumakĩ ea baxiyamawe— iwanã, —Ẽ betsabu anu kashũ ẽ mia yuishu hatu yuiritãwẽ. Matu merabewai ẽ Epa anu dasinũ ika ẽ kashanaii. Ẽ Eparã, habia matũ Epariki. Ẽ Deus mekenikarã, habia matũ Deus mekenikariki— aka

Romanos 11:36

Haskakẽ betsa tukama tibi Deusũ damiwanirã, hawenaski. Hawẽ kuxipawẽ dasibibu maniabuki. Dasibibu ha hiweabuwẽ Deus benimakũkaĩshanũ, iwanã, habu tibi damiwaniki. Haskakẽ kẽwãkĩ heneyamakubainãkãwẽ, Deusrã. Haskakirã.

1 Coríntios 12:6

Epa Deus nũ dayashunairã, haska nuku tibitũ hawẽ daya nũ ashuaĩ betsa betsapa nuku tibiwẽ kaĩmamiski. Haska wakĩ habias Epa Deusũ nuku amakĩ hawẽ kuxipawẽ nũ hawenabu nuku tibi yunuakeakemiski.

1 Coríntios 8:6

Hamẽ nukubũ ikũwãkinã, nukũ Epa Deus bestitũ dasibi bawani inũ nuku hatũ damiwani nũ hawẽ hiweaki. Ha inũ, Shanẽ Ibu bestitxai nũ hayaki, Jesus Cristorã. Hawẽ taeshũri Jesusũ hawẽ Epa Deusbetã dasibi damiwakĩ keyuniwẽ nũ hiweriaki, nukuburã.

2 Coríntios 6:16

Hanushũ Deus kẽwãti Templorã, hanushũ yushĩ dami betsa ha merãshũ kẽwãtirubumaki. Nukũ yurarã, hanushũ Deus hiwea kẽwãti Templo keskaki. Haska Deusũ hamebi ibubiskiri yuini nĩkakãwẽ: “Habu anu hiwei hatube nikũkaini ea ẽ hatũ mekenika Deus ikaya, haburã, enabu ishãkanikiki”,

Efésios 1:21

Hawẽ bake kuxipahaira ha kaya watã hanushũ shanẽ ibu kuxipabu inũ beshmasbu dasibi maemamatã, na habiatiã inũ betsatiã iriamarã, dasibibu Deusũ Jesus hawẽ kuxipawẽ hatu

Efésios 2:22

Ha dikabi maturã, Deusũ Yushĩ Pepa mã haya Cristoki dasiarã, mã hawẽ kẽwãti Templo keska Deus matube hiweikiki.

Efésios 3:17

Ha dikabi Cristo matube hiwea mã hayarã, hawẽ nui kayabiwẽ matu mestẽwãma mã hawẽ ikũwaĩnã, ha matũ huĩti merã xinãkĩ hau mã txibãkubainũbũ ẽ matu yukashũriamiski.

Efésios 6:23

Nukũ Epa Deus inũ nukũ Shanẽ Ibu Jesus Cristo mã habũ ikũwaĩbu haska tibi habu haya matu inã bikubaĩkãwẽ, ikũhairawakinã, ikũwaĩbu betsabuwẽ nuikinã, unãnuma hiwekũkaĩkinã.

Deuteronômio 6:4

Txipu Moisĩ ana hatu yusĩkubaĩkĩ yuikĩ: “Israelĩ enabuũ, matu yuinũ ea nĩkakãwẽ. Nukũ mekenika Senhor Deusrã, bestitxaiki, hatũ kẽwãti dami betsa betsapa keskamarã.

1 João 3:24

Tsuãra Deusũ hãtxa nũ txibaĩburã, nũ haki dasia hiwea inũ hari nukuki dasiria hiweriaki. Ha inũ, hawẽ Yushĩ Pepa nuku yunua nũ biniwẽ taeshũ nukuki dasia hiwea nũ unãkanaii.