Efésios 4:28 - Kaxinawá Bíblia (BR)

²⁸ Ha inũ, metimai mã yumetsumisburã, hanũ matũ yumetsu henetã xinã betsa watã hanũ matũ mekenẽ daya xinãbaũ hamapai tibi dayakĩ pawarikãwẽ. Hanushũ ha dabukũ pashkashũ yura nuitapaibu mã hatu inãtirubuki.

Kashinawa : Diosun Jesúswen taexun yuba bena yiniki

²⁸ Ja inun, metimai man yumetsumisbudan, janun matun yumetsu jenetan shinan betsa watan janun matun mekenen daya shinanbaun jamapai tibi dayakin pawadikanwen. Januxun ja dabukun paxkaxun yuda nuitapaibu man jatu inantidubuki.

Efésios 4:28 Referencias Cruzadas

Êxodo 20:15

Ha inũ, betsarã, yura betsabũ hamapai tibi biaĩ yumetsutaskayamashãkãwẽ.

Êxodo 20:17

Ha inũ, betsarã, yura betsã mae anu hawara haya uĩ hawẽ kemutaskayamashãkãwẽ, hawẽ hiwe inũ, hawẽ aĩ inũ, hawẽ huni tsuma dayaru inũ, hawẽ aĩbu tsuma dayaru inũ, hawẽ inabu inũ, hawẽ hamapai tibi haya uĩ hawẽ kemuamarã”, akĩ Senhor Deusũ hawẽ hãtxa hatu yuia

Provérbios 13:11

Dayai parananãtã mabu hawaira itxawamisburã, hawaira hawẽ mabu keyushãkanikiki. Hakia tsuãra unãshubira dayakĩ mabu itxawakubainairã, ewawashanikiki.

Provérbios 14:23

Tsuara daya txakayamakũkainirã, piti inũ mabu hayakubaĩmisbuki. Hakia hawa wamabia hãtxa bestikubaĩmisburã, hawa hayama nuitapakubaĩmisbuki.

Provérbios 31:20

Ha inũ, hawa hayabuma nuitapaibu merabewakĩ haska yukaibu yaushiama hatu inãkubaĩmiski.

Jeremias 7:9

eska tibi meirã, yumetsukubainirã, huni betsa tenãkinã, aĩbu betsa beneya txutakinã, yura betsaki hamẽ txanitxakairã, yushibu Baal kẽwãkĩ sheni ininipa kuashũkinã, haska ẽ matu nemahairabianikẽ yushibu betsa betsapabu betxipaikĩ kẽwãkinã.

Lucas 19:8

hanushũ Jesusũ hãtxa nĩkakĩ hawẽ xinã betsa watã Zaqueu benitã Jesus yuikĩ: —Shanẽ Ibuũ, ẽ hatu haska washanai nĩkawe. Ẽ mabu inũ ẽ pei tanatã dabukũ ha nuitapaibu ẽ hatu inãbaũtiru ẽ xinaiĩ. Ha inũ, tsuabura hatu parãshũ hatũ hamapai ẽ biãmis dabe inũ dabeki ẽ ana hawẽri ẽ hatu inãshanaii— akaya

João 12:6

ha nuitapaibuwẽ nuiamari hakia hatũ nukũ pei nukũ kapãkãki nũ mekemabia eskarabe bi yumetsubiakũkaini

Romanos 12:13

Ha inũ, matubetã ikũwaĩ betsabu mabu yupaibu hawara mã haya pashkashũkĩ hatu merabewakubaĩkãwẽ. Ha inũ, ikũwaĩ betsabu haniara matuki bai beabu matũ hiwe anu ishũ pimatã hatu ushãkubaĩshãkãwẽ.

1 Coríntios 4:12

Haska tenebiai nukũ mekenẽ dayai nũ heneismaki, babuamarã. Nuku yupukĩ shuũ abiaibũ nukũ hatu kemakinã, pewẽ besti nũ hatukiri shuũ amiski. Nuku itxakawakĩ bika tenemabiaibũ nũ hawa yuiama tenemiski.

2 Coríntios 8:12

Hanushũ tsuabũra txanima kayabi yura betsa merabewakatsis ikaibu Deusũ hatũ xinã nuima unãkĩ hatuwẽ Deus benimamiski. Hawara haya inũ hawara hayama xinãma hakia haska hawara pepa nũ haya nũ inãtirubu Deusũ nukukiri xinãmiski.

2 Coríntios 8:2

Hatu bika tenemabiaibũ yumãbiakĩ haska xinãma hatũ huĩti nixmama nuitapabiai benimakubaĩkĩ hawa yauxiama hatũ pei itxawakĩ: “Eskarabes nũ hayabũ hawara nũ haya hatu inãkĩ Jesus ikũwaĩbu Jerusalém anua merabewanãkãwẽ”, iwanã, itxapa itxawaimabuki, pei itxapa hayabu keskakinã.

Gálatas 6:10

Haskawẽ taeshũ hawara nũ hayawẽ dasibi nukubetã ikũwaĩbu nuitapaibu hatu merabewakubainãkãwẽ, ha katxu betsaburi ikũwãriabuma hatu merabewariakinã.

1 Timóteo 6:18

Haska inũ, hatũ hamapai mabu haya betsaburi pashkashũti xinãkĩ haska Deusũ abuai aki hau pepakubainũbũ hatu yunuriawe.

Tito 3:14

Mĩ hatu haska wamaiwẽ taeshũ nukunabũri tapĩtirubuki, hatũ hiweawẽ pe merabenameti xara hatu uĩmakĩ Deus dayashunaibu hatu merabewatirubuki, hatũ hiwea pekiri hatu xinãmakinã.

Tito 3:8

Na haskakiri yusĩanã, txanima kayabiki. Henekĩ betsa wama hakiri hatu yusĩkubaĩwẽ, habũ Deus ikũwaĩbu duapai hau hawẽri hamapai pepa akubainũbunã. Na hãtxa haska tibiwenã, haska hayatã dasibibube pepatirubuki.