Efésios 4:22 - Kaxinawá Bíblia (BR)

²² Haskawẽ taeshũ matubunã, matũ hiwea sheni shabakabi yuikĩ txiterikãwẽ. Haska uatiã txakabui hiwekũkaĩkĩ txakabu betsa betsapawẽ kemukĩ ibubis parananaĩ mã ikũkainairã, putai beshterikãwẽ.

Kashinawa : Diosun Jesúswen taexun yuba bena yiniki

²² Jaskawen taexun matubunan, matun jiwea xeni xabakabi yuikin chitedikanwen. Jaska uatian chakabui jiwekunkainkin chakabu betsa betsapawen kemukin ibubis padananain man ikunkainaidan, putai bextedikanwen.

Efésios 4:22 Referencias Cruzadas

Provérbios 11:18

Hunibu dayatxakamisbu manakukinã, parã bestishãkanikiki, hawa pe inãmarã. Hakia tsuara parananãma pepa wakubaĩmisburã, hawẽ manakuti pepa inãshãkanikiki.

Romanos 6:6

Ha dukũ nũ hawẽ hiwetxakani sheni Cristobe cruzki netãtã nũ habe mawani keskaki. Nũ haskaya nukũ xinã sheni Deusũ nuku betsa wamakẽ txakabũ nuku beshetã hawẽ tsumawakĩ ana nuku yunutirumaki.

Romanos 7:11

Hanua Deusũ bemakis hawẽ hãtxa yununiwẽ txakabũ ea beparãtã ea kanemaniki. Ha Deusũ yununi pe dabanẽ ẽ ikai hatũ ea tenã kayabi waniki.

2 Coríntios 11:3

Jesuskiri nũ ma haska matu yusĩbianikẽ yusĩnã betsabu bushũ matu parãkĩ haska Jesuskiri nũ matu yusĩsma Jesus betsa keska wakĩ matu yusĩaĩbu hawaira hatũ hãtxa hawẽrua abukĩ mã hatu nĩkakubaĩmiski. Ha inũ, nukubũ Deusũ Yushĩ Pepa matuki nũ ma matu dasiwabiayamakẽ yushĩ betsakiri matu yuiaibu mã hawaira atximamiski. Ha inũ, haska kakape nũ matu yuiama ibiayamakẽ kaka betsa mã hawaira txibaĩwẽ taea matuwẽ ẽ dateaii. Haska Éden bai anushũ dunũ Eva parani keska wakĩ hawara pepa Cristokiri mã ma hayabia henetã habũ txakabu txibaĩ mã hamakiri benuaibuwẽ ẽ matuwẽ dateaii.

Gálatas 1:13

Haskati dabanẽ ẽ Israelĩ babawẽ taeshũ judeubũ beya dasibi txibãkubaĩkĩ Jesus ikũwaĩbu bari betsatiã ẽ hatu itxakahairawakĩ ẽ hatu yamawakĩ keyukatsis ikai mã ekiri nĩkanibuki.

Efésios 2:3

Haskawẽ taea uatiã nukubu nũ hiwea habiaskasri nũ iyunibuki, nukũ xinãnẽ txakabu abukĩ txibaĩ hiwea kemu pae tibi nukũ yurã yunuai xinaĩ ha ashũkĩ meneirã. Haskawẽ taea hawẽ nuiti nukukiri nũ hayamakẽ txanima Deusũ nuku kupitiru nũ inibuki, betsabũ ikũwãma ikaibu keskairã.

Efésios 4:17

Nukũ Shanẽ Ibũ kenawẽ eska ẽ matu yuikĩ yunuai ea nĩkakãwẽ. Habũ Deus unãma benuabu ikaibu keskai ana hiweyamakãwẽ, habũ xinã txakabu benuawẽ haska hiwea unãma hamakiri kane kane akanikikirã.

Efésios 4:25

Eskatianã, nũ Jesus ikũwaĩburã, nũ yura bestitxai keskaki. Haskawẽ taea hawara yui mã hãtxairã, ana txani txakai parananãma matunabube shabakabi yuinamekubaĩkãwẽ.

Efésios 4:31

Haska inũ, harakirira matu txakabuwabu has xinaĩ mã amua nimis, inũ mã pubẽhairamis inũ, mã sinatamis inũ, mã kũyã itxakayamamis inũ, sheti ikama mã ha imis inũ, hamapai txakabu betsa betsapa matũ hashpa anua kaĩmisrã, matubunã, puta keyurikãwẽ.

Colosenses 2:11

Hamẽ, betsarã, Abraão Deusũ yununi txibãkĩ Deus unãmanũ, iwanã, judeubũ hatũ huni bake kaĩyã hatũ hina kubitxi meshtemisbu keska wakĩ natiã mã judeubumã Cristo mã ikũwaĩbu matu haki dasiwakĩ matũ hina kubitxi meshtea keska wakĩ matũ xinã txakabu inũ matũ beya txakabu Deusũ meshtea keska wakĩ matu putamaniki, xinã betsa wamakinã.

Tito 3:3

Nukurã, habiaskari hatu itsari nukũ xinã betsa wariama hiweshũ Deus txibã pewama benua keska nishũ hamapai betsa betsapa mei kemui txakabũ dayarui nũ mapupaunibuki. Haskai hiwea txakabui betsa hawara haya uĩ haska hayatima hawẽ kemui hatuki sinatai inũ abunameama hatu danaĩ inũ betsabube danãnanaĩnã.

Hebreus 12:1

Haskakẽ nukunabũ habu dukũtũ Deusũ yubaka hãtxa ikũwãkĩ bika betsa betsapa hatu tenemakĩ memabu habuã hatũ xinã nuku uĩmakubainishũ natiã nuku uĩkanikiki. Xinanãkãwẽ. Nuku hatũ itimaska wai inũ hamapai txakabu tibitũ nuku beshetiru henetã beamabaĩkĩ hawara pepa Deusũ nuku yubamis ha xinaĩ kuxipai dayashũkĩ heneyamakubainãkãwẽ.

Hebreus 3:13

Haskama matuburã, haska Deusũ hãtxa natiã txaniaya natiã besti matũ xinã mã hawaira pewatirubuki. Haskawẽ taea manama benimarabe bestinãkãwẽ, bari tibirã, hau tsuã taska betsa matu parãyamanũbũ inũ txakabũ matu meshtea txĩtuĩ matũ huĩti mã kuxiyamanũbunã.

Santiago 1:21

Haskawẽ taea matu dasibibũ haska Deusũ atimapa danãmis txakabu betsa betsapa mã haya henekĩ puta keyurikãwẽ. Mã haska waiwẽ taeshũ Deusũ kakape matu yusĩabu mã ma nĩkanirã, hawa danãyamakãwẽ. Ha Jesusũ hãtxarã, kuxipa paepaki. Hatũ matu pasha washanikiki.

Santiago 1:26

Hakia tsuabũra Deus hiwea kẽwãkĩ xinãkĩ: “Deus ikũwaĩ ẽ hiweshũkũkainaii”, iwanã, xinãbiakĩ hawara atimapa xinãtxakakĩ yui sheti itibia nemai sheti itirumawẽ hatũ xinã pe mekeamawẽ taea ibubis parananãkĩ kanekĩ Deus benimawatirumaki, Jesus ikũwaĩ hamẽkinã.

1 Pedro 1:18

Hamẽ matu ikirã, matũ shenipabũ Deus unãma txakabu besti akĩ hatũ matu merabewakĩ hiwemakĩ pewatiruma beyawanibu mã hatu txibãkĩ akubainirã, mã unãhairaii. Tsuã haska matu meketirumahairabiakẽ hawẽ matu kaĩmakinã, hawara mabu txapumis ouro inũ prata mane keskawẽ matu akama

1 Pedro 4:3

Hamẽ Deus mã ikũwãriama ha ikũwãbuma keska mã iriapaunibuki. Hawara hakimatixara kemuti txibaĩnã, ha inũ, kemui aĩbu tibibe menamei inũ, piti mirimawẽ kemutapai inũ, nawai beyusi paeĩ inũ, dami yushĩ kẽwaĩ mã txakabuhairai keyurianibuki.

2 Pedro 2:13

Habuã dukũ yura betsabu nuitapawaxina habuwẽ taeshũ Deusũ hatu manakukĩ kupia nuitapahairariashãkanikiki. Habu parananãkĩ habũ xinaĩ shabakabi hamapai txakabu aki: “Nũ benimakũkainaii”, iki hiweshũ mã ikũwaĩbu beyusai anu matu naxui itã matube benimawanũ ika mã hawẽ dakeai habũ matu husimakĩ atimapa tibi wakĩ matu dabĩwãmisbuki.

2 Pedro 2:7

Deusũ hatu haska waitiã Sodoma anu Abraãonẽ berẽ Ló nawabube hiweshũ hatũ txakabuwẽ betsa betsapaibu hatube naxui ika hiweshũ bari tibi haskaibu uĩ inũ habu nĩkai hatũ txakabuwẽ taea huĩti nixma haska washũ hatu merabewatimakẽ txutaname bestinũ ika kemukĩ Ló bikawaibũ hatu kuariama Ló huni pepakẽ Deusũ pashawanikiaki.

1 Samuel 1:14

Ana yukakĩ yuikĩ: —Hawatiã mĩ paeã mĩ bepe ikai? Vinho mĩ akai heneriwe!— aka