Efésios 2:3 - Kaxinawá Bíblia (BR)

³ Haskawẽ taea uatiã nukubu nũ hiwea habiaskasri nũ iyunibuki, nukũ xinãnẽ txakabu abukĩ txibaĩ hiwea kemu pae tibi nukũ yurã yunuai xinaĩ ha ashũkĩ meneirã. Haskawẽ taea hawẽ nuiti nukukiri nũ hayamakẽ txanima Deusũ nuku kupitiru nũ inibuki, betsabũ ikũwãma ikaibu keskairã.

Kashinawa : Diosun Jesúswen taexun yuba bena yiniki

³ Jaskawen taea uatian nukubu nun jiwea jabiaskasdi nun iyunibuki, nukun shinanen chakabu bechipaikin chibain jiwea kemu pae tibi nukun yudan yunuai shinain ja axunkin meneidan. Jaskawen taea jawen nuiti nukukidi nun jayamaken chanima Diosun nuku kupitidu nun inibuki, betsabun ikunwanma ikaibu keskaidan.

Efésios 2:3 Referencias Cruzadas

Gênesis 5:3

Ha dukũ huni Adão hiwekũkaini 130 bariyatũ huni bake betsa bawa hawẽ yura keska ha itsa kaiã kenakĩ: “Seteki”, anishũ

Gênesis 6:5

Senhor Deusũ hatu uĩkĩ: “Mai anu yurabu txakabuhairakĩ hatũ shinã txakabu hawa heneabumahairaki.

Gênesis 8:21

hawẽ kuĩ nue maiai Senhor Deusũ shetekĩ benimakĩ shinãkĩ: “Hunibu ewariama shinã txakabui taemisbuki. Hunibu ewatã habiaskari ikubaĩmisbuki. Haskabiakẽ hatu kupikatsi ikama ẽ ana mai hatu txakabuwashunama ishanaii, kupikinã. Henewẽ ẽ haska waimarã, mai anu hiweabu dasibi ẽ ana hatu tenãma ishanaii.

Salmos 51:5

Txanima ẽ kaĩ bena ẽ txakabu iki taeniki. Ẽ txakaburã, ẽ kaĩriama ẽ ibu anua ẽ hayaniki.

Isaías 53:6

Dasibi nukuburã, nũ hamakiri baiwẽ bushãkanaii, txashuwã tibi hawẽ baiwẽ buama benumis keskairã. Nũ haskabiaya Senhor Deusũ dasibi nukũ txakabu bitã hawẽ tsuma nuku peumashũshanikiki.

Marcos 4:19

hamapai hawẽ hiweawẽs kemui heneama hawẽs besti nuitxakayamakĩ Deusũ hãtxa nĩkabiakĩ ana tapĩkatsi ikama mabuwẽs besti kemui itxa bestiwanũ ika pepaisbumaki, haskatũ yabua hãtxa pepa txibãma yurabu mibã bimiuma keskabuirã.

João 1:13

Haska inũ, Deusũ hawẽ bakebu hatu pepa wakinã, txutakĩ akama inũ yurabũ xinãwẽ akama hakia Deusũ hawẽ kuxipawẽ besti hawẽ bakebu wakĩ hatu hiwekuĩmakĩ taewaniki.

João 8:44

Mã haskawẽ taearã, matũ iburã, diabo Satanáski. Haska xinaĩ keska ashũkĩ mã abumamiski. Haska inũ, bai taeni anua diabo Satanás pubẽ detenã kaĩ taeni ikũkaĩmiski. Ha inũ, txanima hãtxa hayamawẽ taea txani txakakũkaĩriamiski. Ha inũ, txani txakanikawẽ taea txanĩ epaki.

Hechos 14:16

Ũ unu bari betsatiã mai hirabi anu yura betsa betsapabũ hatũ xinãnẽs hawara txibãkubainaibu Deusũ hatu beruwẽs uĩyukubaĩbiakĩ

Romanos 1:24

Haskawẽ taeshũ yurabũ haska xinaĩ aki hiwekatsis ikaibu hawaki ana dakeama hau habũ yura mekeama txakabukubainũbũ habũ xinã txakabu inũ hawara txakabuwakatsis imisbu akeakeaibu ana nemama ana hatu mekeama hatuki petxitã Deusũ hatu henea haska hiwenibukiaki.

Romanos 11:30

Uatiã hawa Jesus Cristokiri unãma Deus mã nĩkama iyupaunibuki, matubunã. Habiaska keskariai natiã Israelbũ Jesus Cristokiri xinãkĩ Deus nĩkabumariki, mã inibu keskakinã. Haskakẽ Deus natiã matuwẽ nuikiki.

Romanos 13:14

Ana haska txakabu tibi xinãkĩ akama nukũ Shanẽ Ibu Jesus Cristoki dasitã hawẽ kuxipawẽ kuxipakĩ hawẽ bai kayatapia besti txibãkubainãkãwẽ, txakabuwẽ besti pepamarã.

Romanos 2:14

Tsuabura hatũ xinã txakabu wakatsi ikama Deusũ Moisés yusĩmani keska hatũ huĩti merã ha kene nea keskashũ hatu unãmaya txanima hawa hatũ xinã merã hawa txakabu hayabuma hatu unãmamiski, haska neatũ hatũ xinã ibubis txakabuaibu hatu ha akĩ inũ hatu nemakĩ unãmakinã. Haskawẽ taea judeubuma Deusũ Moisés yusĩmani kene hayamabia hatũ beyawẽ hawara txakabu unãmisbu inũ hawara pepa amisbu haska Deusũ Moisés yusĩmani unaĩ keskakĩ txibãmisburã, habu hatũmebi hatũ yunuti inũ hatũ nemati haya keskabuki.

Romanos 5:10

Haska inũ, Deus dasibi yurabuki sinataya nũ habe haibunameriamabiakẽ hawẽ Epa daewakĩ nukũ kupiti nuku bishuĩ Cristo nuku mawashũkĩ nukũ txakabu bua keyukĩ ana xinãtima watã pepa keskabu nuku waniki. Hawẽ bake hiwekũkaĩkĩ txanima nuku mekeshanikiki, nũ ma Deusũ haibuaibukenã.

Romanos 5:9

Cristo mawakĩ nukũ kupiti ma nuku bishũkẽ Deusũ nukukiri yuikĩ: “Mã ana txakabu hayamaki”, iniwẽ taea Cristo Shanẽ Ibuhairai hanu hawẽ henei yurabu kupinũ ika hushanaitiã Deus nukuki sinatabiamis hawẽ kupiti nũ hawa ana hayamahaira ishanaii, Cristo nukuwẽ hiwekũkaĩkĩ nuku pashawamiskenã.

Romanos 6:12

Haskakẽ matũ xinã txakabu kemuwẽ hau matu tsumashũ hamapai betsa betsapa txakabuwẽ hau ana matu niniyamanũ nemakubaĩkãwẽ, ana ha uĩ mã kemuai txibãmarã.

Romanos 7:18

Ha inũ, Yushĩ Pepatũ kuxipa xinãma hawara pe ẽ akatsis ikai emebi ẽ xinã kuxipawẽ taeshũ ẽ akairã, babuki. Haska ẽ yuiairã, eskaki. Hawara pepa anũ ishũ emebi ẽ xinãnẽ ẽ ha abuai ẽ atirumaki.

Romanos 9:22

Haska yurabũ hatũ txakabuwẽ Deus danaĩbu Deus hatuki sinatakĩ mawa kayabiwẽ hatu kupishanai inũ, ha besti kuxipahaira Deusũ yurabu unãmakatsi ikĩ haska hawẽ kuxipawẽ hawaira akama teneshũ manayukubainikiki.

1 Coríntios 4:7

Matũmebi xinã txakakĩ: “Ikũwaĩbu betsabu nũ hatu binuaki”, ikĩ mã kaneaii. Mã tsua binuamawẽ taea haskayamakubaĩkãwẽ.

2 Coríntios 7:1

Ẽ betsabu inũ ẽ puibuũ, haskakẽ Deus nukuki hawẽ pepa yubakani hawẽ hãtxa nũ hayaki. Haskawẽ taeshũ nukũ yura inũ nukũ yushĩ mekei Deuski mesekĩ ana hawara txakabũ nuku atimapa watiru ana akama henetã pepai hawenas ikubainãkãwẽ. Haskai nũ hawama dasibi Deusunabu itirubuki.

Gálatas 3:22

Deusũ hãtxa Moisés keneni uĩkĩ dasibibũ txakabuwakubainaibukiri ibubis unãbiai pe hiwetirubumakẽ haska Deusũ hatu yubani Jesus Cristo ikũwãmisbũ besti hiwea kayabi bishãkanikiki.

Efésios 2:2

na mai anushũ yura txakabubũ akai txibaĩ yushĩ txakabu shanẽ ibũ shaba natukã anu nishũ hawẽ xinãnẽ hatu yunuaitũ habũ benimawai keskai xinãkĩ Deus nĩkakĩ txibãmarã.

Efésios 4:22

Haskawẽ taeshũ matubunã, matũ hiwea sheni shabakabi yuikĩ txiterikãwẽ. Haska uatiã txakabui hiwekũkaĩkĩ txakabu betsa betsapawẽ kemukĩ ibubis parananaĩ mã ikũkainairã, putai beshterikãwẽ.

Colosenses 1:21

Maturã, uatiã hawa unãma matũ xinãnẽ matũ huĩtinĩ txakabu abukĩ akirã, txaihaira hiwea keskashũ Deus mã sinatamapaunibuki.

1 Tesalonicenses 4:13

Ẽ betsabu inũ ẽ puibuũ, Jesus ikũwaĩ betsa mawaya mã punu nukayamashanũbũ matu yusĩnũ ea nĩkakãwẽ. Jesus ikũwaĩ mawai habũ Jesus ikũwãma keskabumaki. Haskawẽ taea kashai bis itxakayamai: “Ana hiweamaki”, iwanã, xinãkĩ yuiyamakubaĩkãwẽ.

1 Tesalonicenses 5:6

Nũ haskawẽ taearã, yura betsabu hawa unãma ushamisbu keskama txikixyamakubainãkãwẽ. Hakia ibubis mekekĩ pe besti xinãkĩ haska Jesusũ mia abuai keskai txibãkĩ manakubaĩkãwẽ.

1 Timóteo 6:9

Hakia tsuabura mabu inũ pei bestiwẽ kemuaiburã, habũ hawa unãmawẽ taearã, birũ tibi keska hatũ kemu pae tibiwẽ hatu atxi keyua haska tibi tashniaiwẽ taea hawa xinãma: “Ẽ peaii”, i bestikĩ hamapai txakabu hawẽrua besti abui hawẽ hiwe txakai pikukũkaini hawẽ hiwea benui hanu kupiaitiã hawa pepa biama benushãkanikiki.

Tito 3:3

Nukurã, habiaskari hatu itsari nukũ xinã betsa wariama hiweshũ Deus txibã pewama benua keska nishũ hamapai betsa betsapa mei kemui txakabũ dayarui nũ mapupaunibuki. Haskai hiwea txakabui betsa hawara haya uĩ haska hayatima hawẽ kemui hatuki sinatai inũ abunameama hatu danaĩ inũ betsabube danãnanaĩnã.

1 Pedro 1:14

Uatiã Deus unãriama txakabu abui mã txakabupaunibuki. Haskakẽ natiã Deusũ bakebui ana haska mã abupauni keska hiweama bake mixtĩbũ hatũ ibuã hãtxa nĩkatã txibãmisbu keska hiwekubaĩkãwẽ.

2 Pedro 2:14

Ha parananãmisbunã, hatũ kemu paewenã, aĩbu tibi ha abuai kasmai ha itxakawa bestikatsis ikai hatu amisburã, haskawẽ taea hatũ txakabu itxapa mataki, hawa henetirubumarã. Hatũ kemu paewẽ ikũwaĩ huĩti babubu parãkĩ hatu txakabuwamamisbuki. Hatu haska wamamisbu hatũ kemu pae heneisbumarã, habis ha hunibu Deusũ unãtã hatu kupishanikiki.

2 Pedro 2:18

Hawara hãtxakĩ yuiaibu hawẽrua kemutapabia hamẽki. Habũ dama ikũwãkĩ taewaxina mestẽriabuma ha txakabukiri yusĩkĩ txanima hãtxa hatu henemakanikiki, hatũ yura atimapa betsa betsapatikiri hatu yusĩtxakakinã.

1 João 2:16

Na mai anu yurabu hiweshũ akĩ tashnimaiburã, beya txakaburã, Deus anua huamaki. Haska huirã, yurabũ hatũ yura atimapawati bestiwẽ kemui inũ, hatũ beruwẽ besti mabu uĩkĩ haska abuai keska tashniai hawẽ besti kemui keĩ hiweabuki.

1 João 2:8

Habiaskabiakẽ na yunua bena keska wakĩ ana matu xinãmakĩ ẽ matu keneshunaii. Ha dukũ Deusũ nuku yunukĩ: “Minabube abunamekubaĩshãkãwẽ”, iwanã, nuku yununiki. Haskakẽ haska Cristo nukuwẽ nuikĩ nuku abumis unãkĩ yunua bena tashniai keska wakĩ ẽ ana matu xinãmaii. Matũ hiwea sheni mã henekubirani ma txanima shaba kayabiki mã pesea keskabuki. Na mã haskai hiwearã, Cristõ yununi kayabiki.