Daniel 6:7 - Kaxinawá Bíblia (BR)

⁷ Shanẽ ibu beshmasbu inũ, maewã yununikabu inũ, mia merabewanikabu inũ, mia dayashũmisbu nũ itxashũ shinãshinaki. Mĩ shanẽ ibuhairatũ yunuti bena mĩ yunutiru nuku dasibibũ eska nũ shinaiĩ. 30 shaba kaya hamapai yushĩ inũ deus inũ hunĩ hawẽ merabewati tsuã yukatirumaki. Kẽwãkĩ mia besti hau yukakubaĩshanũbũwẽ. Tsuabũra mĩ yunuti hãtxa nĩkakĩ mia akabumakẽ mai kini merã inu betsa leão pubẽ hiweabu anu hau hatu urẽshanũbũwẽ.

Daniel 6:7 Referencias Cruzadas

Salmos 2:2

Mai anua shanẽ ibu kushipabu shanẽ ibu betsabube Deus inũ hawẽ Katuaki sinatai hatu maemanũ ika yubakai hatuki ha ikanikiki.

Daniel 2:4

hatũ Siríaco hãtxawẽ unanepabũ hatũ shanẽ ibu yuikĩ: —Shanẽ ibuũ, habi mĩ hiweyukũkaĩshanaii, hawa beshtekeamarã! Nũ mĩ dayarurã, harakiri mĩ namashina nuku yuiwe, haskara hawẽ shinã nũ mia yuikĩ tapĩmairã— akabu

Daniel 3:11

Tsuabura ikabumakẽ txi here hi ikai anu hau hatu urenũbũ mĩ hãtxariashuki.

Daniel 3:2

mai pakea ewapa shanẽ ibubu tibi inũ, detenamenikabũ shanẽ ibubu tibi inũ, mai pakea hatiuma província shanẽ ibubu tibi inũ, hatu merabewakĩ hatu yusĩ pewamisbu tibi inũ, shanẽ ibũ pei mekenikabu tibi inũ, unanepabu mekenãbu tibi inũ, hamapai sharabu shanẽ ibu beshmas tibibũ ha dami hatu amaima kẽwãkĩ hau shabakabi wai benũbũ Nabucodonosorĩ hawẽ tsumabu yunua hatu yuitãshinabu

Daniel 3:27

shanẽ ibuhairatũ merabewanikabu inũ hawẽ shanẽ ibubu beshmasbũ hatu uinũ ika bei ha dabe inũ besti anu itxa mapushũ hatũ yura hawa txĩ hatu metsama inũ, hatũ bu hawa hatu siwakama inũ, hatũ tari hawa menuama ishu uĩkĩ hawa itsa maiai sheteabumakẽ

Daniel 3:6

Hamẽ tsuabura ha dami kẽwaĩ mã dãti iki beutã kẽwãbumakẽ haburã, hawaira txi here hi ikai anu matu urẽkanikiki. Uĩrakãwẽ”, hatu wa

Daniel 6:16

hatũ hãtxa nĩkatã hau Daniel itãshũ hau mai kini merã inu betsa leão pubẽ hiweabu anu hau urenũbũ Dariõ hatu yunua Daniel putariabuma Dariõ Daniel yuikĩ: —Mĩ mekenika Deus txĩtuãma nĩkakĩ mĩ kẽwãkubainaitũ hau mia mekenũwẽ, mĩ debuyamanunã— akaya

Daniel 6:22

Hawẽ nai tsuma ẽ mekenika Deusũ yunua hau ea txakabuwayamanũbũ leão pubẽbu hatu nemakĩ hatũ kesha bepua ea hawa meama ishiãbuki. Kanekĩ mikiri ẽ hawa txakabuwama ishiã Deusũ unaĩkiki— aka

Miquéias 6:5

Enabuũ, natiã ekiri haska shinãkubaĩkãwẽ. Matũ shenipabu bukubainaibu yupunũ ika haska Moabe nawabu shanẽ ibuhaira Balaque yubakabiaya haska Beorĩ huni bake Deusũ hãtxa yuishunika Balaãonẽ Balaque nema matũ shenipabu yupuama iniki. Ha dikabi betsa eska shinãkãwẽ. Sitim anua matũ shenipabu kaĩbirani Hene Jordão pukebirani Gilgal anu hiki bukĩ ea ẽ Senhor Deus hau ea unanũbũ ẽ hatu merabewakĩ binumani haska ana shinãkĩ tapĩkãwẽ”, akĩ matu yuikiki.

Mateus 12:14

haska washu fariseubũ uĩ haki sinatai kaĩbaini haska washũ Jesus tenãtimẽ ika yuinamei yubakai taenibukiaki.

Mateus 26:4

haska washũ Jesus beparãtã tenãtima yubakaibu

Marcos 15:1

Ma penaya Deusbe nukunabu hãtxashunika shanẽ ibubu inũ Deusũ hãtxa kenenibu yusĩnanãmisbu inũ mae shanẽ ibubu Sinédrio hirabi itxashũ haska wakĩ Jesus tenãtikiri yubakatã Jesus meneshshũ Romano shanẽ ibu Pilatos anushũ txitenũ ishũ iyuabu

João 12:10

hakia Lázaro ana bestẽwaĩmawẽ taeshũ shanẽ ibu itxapabũ hatu henebaĩ Jesusũ hãtxa nĩkakĩ ikũwanũ ika pashkabainaibuwẽ taea datei Deusbe nukunabu hãtxashunika shanẽ ibubu yubakai: —Lázaro dikabi tenãtiki— ika yubakanibukiaki.