Daniel 6:4 - Kaxinawá Bíblia (BR)

⁴ haska shinaĩ hãtxai unãtã Daniel danãkĩ: “Danielkiri mĩ shinainã, dayai peismaki”, iwanã, shanẽ ibuhaira yuikatsi ikĩ ha shanẽ ibu beshmas dabe inũ yununikabũ Daniel daya txakai benaibũ hakia Daniel huni pepawẽ taeshũ hawa yunu txakai betxiabumawẽ taeshũ shanẽ ibuhaira Dario Danielkiri hawa txakabu yuiabumabiakẽ

Daniel 6:4 Referencias Cruzadas

Gênesis 41:38

Faraónẽ hatu yuikĩ: —Na huni keskarã, hania haska huni nũ haki nukutirumẽ, Deusũ yushĩ hayarã?— hatu atã

Gênesis 43:18

hatu haska wabaina José betsabu datekĩ shinaĩ: —Tsuãra nukũ pei nukũ saku merã ana nuku mistushunimawẽ taeshũ nuku iyushũ yuikĩ: “Mã yumetsukainimaki”, nuku akĩ hawẽ tsumabu nuku atximashũ nukũ jumento mebĩkĩ nuku hawẽ dayaru escravo watiruki— ikaĩkĩ

Daniel 3:8

Caldéia nawabu Judeubuki sinatamis betsa ma hanu hatu pewashuna haska shinaĩ hatu txitekatsi shanẽ ibuhaira Nabucodonosor bebũ mapushũ

Daniel 5:12

hawẽ kena Danielbiakẽ kena betsa wakĩ Beltessazar wanirã. Hawara namabu hakiri unãtiru inũ, hunea hãtxa hatu unãmakĩ yusĩtiru inũ, hawara itimaskabiakẽ pewatiru shinã shabakabi hawaira tapĩkĩ unãmamis yushĩ haya ikũkainiki. Daniel menã kenariwe. Ha hushũ ha dĩtu kene hushupa anu hawara kene nea haska yuitikiri mia unãmashanikiki— aka

Daniel 6:22

Hawẽ nai tsuma ẽ mekenika Deusũ yunua hau ea txakabuwayamanũbũ leão pubẽbu hatu nemakĩ hatũ kesha bepua ea hawa meama ishiãbuki. Kanekĩ mikiri ẽ hawa txakabuwama ishiã Deusũ unaĩkiki— aka

Mateus 26:4

haska washũ Jesus beparãtã tenãtima yubakaibu

Lucas 20:20

haskawẽ unãti watã txitetã Romano shanẽ ibu Pilatos anu ha amakatsi Jesus paranũ ishũ huni betsabu Jesusũ unãriama judeubũ hatu yunukĩ hau huni pepa itsakĩ habũ unãti watã Jesus yukakĩ yuimakatsi nawa shanẽ ibu hau atximashanũ yunuabu

Lucas 20:26

yurã kaiãnẽ nĩkaya habũ atxikatsis ikĩ unãti wabiabu haska washũ parãkĩ kanematima nawabũ nĩkatã mĩ atirumaya Jesusũ hãtxawẽ e itã haska watima pes mapuabũ

Lucas 22:2

hawenabu Deusbe hãtxashunika shanẽ ibubu inũ Deusũ hãtxa kenenibu yusĩnanãmisbũ haska washũ Jesus parãshũ hune atxitã tenãkatsi yubakai yuinamei yura itxapabũ Jesus nĩkamisbuki ika mesei dateaibũ

João 19:4

Pilatos ana kaĩtã judeu shanẽ ibubu yuikĩ: —Jesusũ hawa hatũ txakabu wama ixiã ẽ matu unãmakĩ kaĩmai uĩkãwẽ— hatu waya

2 Coríntios 11:12

Deusũ daya ẽ amis keska habũ ea mawapaikĩ hau hawawẽra kẽyamanũbũ hatu nemakĩ haska matũ pei bikĩ ẽ matu itxakawaisma ẽ habiaska besti ikũkaĩshanaii.

Filipenses 2:15

Mã haskai hiwea matu tibi mã txakabuma inũ mã kaneisma haska Deusũ bakebui ha yura txakabubu inũ atimapabu anua mexu nea keskama mã hatube hiwearã, bixĩ kuxipa txashai hawẽ unãbaĩti keskakĩ

1 Timóteo 5:14

Ikũwãbumã hau nukuki kasheyamanũbũ aĩbu beneyabiaima ma hawẽ bene mawa kasmai henebainima yushaburiabumarã, hau ana beneyakubainũbũwẽ. Haskatã bake bitã hatũ hiwe meranua pe dayakĩ hau hatu duawakubainũbũwẽ.

Tito 2:8

Tsuabura nukũ yusĩaki ha ikaibu hatu dakewakĩ hau ana nukukiri hawa txakabu yuiyamanũbũ hãtxa pekiri besti yui nemakanãtikiri besti hatu yuikubaĩwẽ.

1 Pedro 2:12

Hakia ikũwãbumabe mã hiwearã, Deus kẽwaĩ hatu naxui ika hiweshũ pepakĩ hatu uĩmakubaĩkãwẽ. Mã haskaiwẽ taea mã yura txakabu ikai dabanẽ xinãkĩ matu yuãbiamisshũ matũ pepa uĩkĩ habũri Jesus Cristo ikũwãkĩ Deus kẽwãtirubuki, Deusũ hanu yurabu unãti wakĩ keyushanaitianã.

1 Pedro 3:16

babutã keãma hatu pewẽ hãtxa wakinã. Hawa matũ hiweakiri xinaĩ mã bika teneamakẽ haska mã Cristo ikũwaĩ xinã txakabuma matu unãtã ha habũ hãtxa txakabuwẽ matu yuaĩ hãtxa txakabumisbu ibubis hatũ hãtxawẽ daketirubuki.

Juízes 14:4

aĩbu Senhor Deusũ Sansão betxipaimashina hawẽ ibubũ unãma inibukiaki. Hakia ha Filisteu nawabũ ano tibi Israelĩ enabu yunukĩ hatu itxakawakubainaibu hawẽ beparãtã hatu merabewakĩ deteshũkatsis ikĩ Sansão Filisteu nawabu anu Senhor Deusũ yununikiaki.

1 Samuel 12:4

habũ kemakĩ yuikĩ: —Bika tenemakĩ itxakawakĩ mĩ shinã betsa wanũ, iwanã, pei mia inaĩbu bikubirãkĩ mĩ nuku haska waismaki— akabu

1 Samuel 18:14

Senhor Deusũ Davi merabewa hatu detenamemakĩ hatu yunukĩ pewakubainai