Daniel 6:22 - Kaxinawá Bíblia (BR)

²² Hawẽ nai tsuma ẽ mekenika Deusũ yunua hau ea txakabuwayamanũbũ leão pubẽbu hatu nemakĩ hatũ kesha bepua ea hawa meama ishiãbuki. Kanekĩ mikiri ẽ hawa txakabuwama ishiã Deusũ unaĩkiki— aka

Daniel 6:22 Referencias Cruzadas

Salmos 34:7

Tsuabũra Senhor Deuskiri pe hãtxakĩ kẽwãkubainaiburã, hawẽ nai tsumã hatu keshe pewashũ hatu piskumamiski.

Salmos 84:11

Senhor Deusũ hawẽ bĩ nuku peshashũkĩ hawẽ nuku mekekubaĩmiski. Tsuabura hawa txakabuuma hiweabu Senhor Deusũ hatu betxipaikĩ hatu duawakubaĩmiski, hawa hawẽ pepa yaushiamarã.

Isaías 63:9

bika betsa betsapa mekĩ teneaiburã. Habu hau hatu hãtxashunũbũ Deusũ yunuismarã, haburã, hatu piskumamaki, ibubis Senhor Deusũ hatu wakinã. Senhor Deus nukuwẽ dabanã ikĩ nukuwẽ nuikinã, nuku mebikinãmiski, nuku mekeshũ nuku ikuai keska wakinã. Haska nuku ashũkubaĩmis keska wakĩ nuku ashũkĩ heneama ikũkainiki.

Jeremias 37:18

Jeremiasĩ hatũri yukakĩ: —Ha bitxiti hiwe anu hawawẽ dabanã ea bitximabumẽ? Mikiri hawa txakabuhaira ẽ akimamẽ? Mĩ yununika beshmasbukiri hawa txakabuhaira ẽ ariaimamẽ? Tsua nukunabu ẽ txakabuwaimamẽ? Hawa matukiri txakabu ẽ hayamaki.

Daniel 3:28

habiatiãri hawaira Nabucodonosorĩ hatu yuikĩ: —Sadraque inũ, Mesaque inũ, Abede-Nego hatũ mekenika yushĩ Deus dasibibũ hau kẽwãkubaĩshanũbũwẽ! Habu mawaki dateama hatũ mekenika Deus ikũwaĩ hawara yushĩ betsa bebũ dãti ishũ kẽwaĩsbuma inũ ea ẽ shanẽ ibũ yunuti hãtxa hawa akabumawẽ taeshũ txiwẽ nũ hatu kupiaya hatũ mekenika Deusũ hawẽ nai tsuma yunukĩ hawẽ dayarubu txanima txi nemashũkĩ hatu merabewashuki.

Daniel 6:20

haki kemashũ kasha teneshũ Daniel kenakĩ yuikĩ: —Daniel, Deus hiweatũ dayaruũ, mĩ mekenika Deus txĩtuãma nĩkakĩ mĩ kẽwãkubainaitũ leão pubẽbu anu mia urẽbiabũ nemakĩ mia mekeshinamẽ?— aka

Daniel 6:23

haskawẽ taea benimahairakĩ kini meranua dispiwẽ hau Daniel mapemanũbũ shanẽ ibuhaira Dariõ hatu yunua ma mapemabu hawẽ mekenika Deus ikũhairawaiwẽ taeshũ hawa piama tsua uĩsisma uiaĩbũ

Daniel 6:4

haska shinaĩ hãtxai unãtã Daniel danãkĩ: “Danielkiri mĩ shinainã, dayai peismaki”, iwanã, shanẽ ibuhaira yuikatsi ikĩ ha shanẽ ibu beshmas dabe inũ yununikabũ Daniel daya txakai benaibũ hakia Daniel huni pepawẽ taeshũ hawa yunu txakai betxiabumawẽ taeshũ shanẽ ibuhaira Dario Danielkiri hawa txakabu yuiabumabiakẽ

Daniel 6:7

Shanẽ ibu beshmasbu inũ, maewã yununikabu inũ, mia merabewanikabu inũ, mia dayashũmisbu nũ itxashũ shinãshinaki. Mĩ shanẽ ibuhairatũ yunuti bena mĩ yunutiru nuku dasibibũ eska nũ shinaiĩ. 30 shaba kaya hamapai yushĩ inũ deus inũ hunĩ hawẽ merabewati tsuã yukatirumaki. Kẽwãkĩ mia besti hau yukakubaĩshanũbũwẽ. Tsuabũra mĩ yunuti hãtxa nĩkakĩ mia akabumakẽ mai kini merã inu betsa leão pubẽ hiweabu anu hau hatu urẽshanũbũwẽ.

Miquéias 7:7

Hakia merabe ẽ yuka ea nĩkashanaiwẽ taeshũ ea hatũ piskumashanai Senhor Deus manakakĩ Deus besti huai ẽ manakubaĩshanaii.

Números 20:16

Haskakẽ hau Senhor Deusũ nuku merabewanũ hãtxa kushipawẽ nuitapakĩ nũ ea akubaini hãtxai nĩkatã hawẽ nai tsuma Senhor Deusũ yunua Egito anua hawẽ nai tsuma kushipatũ nuku tashnimabirani ma natiã nenu Cades mae anu hikishĩshũ hanua mĩ mai pakea kesukauna anushũ nũ manayuaii.

Mateus 27:46

habiatiãri Jesusũ hui kuxipawẽ yuikĩ: —Elí, Elí, lemá sabactâni?— ikirã huni kuĩ hãtxarã, “Ẽ Deusuũ, ẽ Deusuũ, haskakĩ mĩ ea heneamẽ?” ikaya

Hechos 12:11

hanushũ Pedrõ xinã kayatiwakĩ unãtã: —Herodes inũ judeu shanẽ ibubũ dasibi ea haska wakatsi ikaibu nemanũ, iwanã, txanima ẽ Shanẽ Ibũ hawẽ nai tsuma yunua hushũ ea tashnimashu xinãkĩ ẽ unaiĩ— itã,

Hechos 24:16

Haskawẽ taeshũ Deuski inũ hunibuki ẽ xinã txakaismaki, haskai hiwei pepanũ ishunã.

Hechos 27:23

Mexu merã ẽ Deus ha ẽ dayashũmis ea mekemistũ hawẽ nai tsuma yunua hushũ

2 Coríntios 1:12

Hamẽ nukukirirã, haska yurabũ Deus unãbumã xinaĩ kẽmis keskama hakia Deusũ nuku xinã betsa wamatã huĩti pepa nuku waniwẽ taeshũ haska Deusũ abumis nuku xinãmaya tsua parãma duapa bestikũkaini matuwẽ nuihairai nũ kẽkũkainaii, matuwẽ taea txanima benimairã.

2 Timóteo 4:17

Ẽ haibuaibũ ea henebiabainabũ hawẽ binuti Jesus Cristokiri hawẽ kaka pepa hawẽ pashatikiri ẽ hatu yui keyuaya judeubuma dasibibũ hau nĩkanũbũ nukũ Shanẽ Ibũ ea heneama ea kuxipa washũ hatu daewakĩ mese anua ea piskumaimaki, ea haska nukũ Shanẽ Ibũ hatu binumakĩ inu keneya pĩtsi keshea keska anua ea binumakinã.

Hebreus 1:14

Ha inũ, Deusũ hawenabu kayabi habũ hiwea ikibi ika bitã nũ pashashanaibu nuku yauxikĩ hawẽ nai tsumabũ hau nuku mekekubainũbũ Epa Deusũ hatu yunukubaĩmiski. Dasibi Deusũ nai tsumaburã, yushĩki, habũ Deusũ daya ashũmisburã.

Hebreus 11:33

Betsabũ Deus ikũwãkĩ shanẽ ibu betsabũ mae mebinibukiaki. Betsabũ Deus ikũwãkĩ hatũ mae anu shanẽ ibukĩ hatu pe hiwemakubainibukiaki. Betsabũ Deusũ yubaka hãtxa ikũwãkĩ Deusũ kuxipa bitã hatuna wakubainibukiaki. Betsabu inu pubẽbu anu yunukĩ hatu bitxiabu Deus ikũwaĩwẽ taeshũ hawẽ kuxipawẽ Deusũ hatu nemashuna habu piama inikiaki.

1 Samuel 17:37

Inu betsa leão inũ ursõ ea mesewai Senhor Deusũ ea hatu binumakubaĩmis keska wakĩ ha huni Filisteu nawa keyatapatũ ea mesewabiaya Senhor Deusũ ea merabewariatiruki— aka nĩkatã Saulũ Davi yuikĩ: —Haskakenã, katãwẽ, Senhor Deus mibe kashũ mia merabewaikikirã— atã