Daniel 6:10 - Kaxinawá Bíblia (BR)

¹⁰ hawẽ yunuti hãtxa bena hawẽ kena kenekĩ Dariõ ma mestẽwãshina Daniel nĩkatã hawẽ hiwe anu kai hikishũ hanu ushamis dĩtu anu Jerusalémkiri uiã shui bepẽ keyutã shaba tibi dabe inũ bestiki Deusbe haskakũkaĩmis keskai hãtxanũ ika dãti ishũ hawẽ huiwẽ kẽwãkĩ Deusũ merabewati yukakĩ taewaya

Daniel 6:10 Referencias Cruzadas

Salmos 34:1

Bari betsa tukama Senhor Deus kẽwãkĩ duawakinã, ẽ heneama ikũkainaii.

Daniel 6:13

hanushũ ana yuikĩ: —Judá enabu Jerusalém anua hatu iwenibu betsa Daniel miki mesekĩ mĩ hãtxa nĩkama inũ mĩ yunuti hãtxa mĩ hatu banabimashina hawa nĩkamariki. Hawẽ mekenika Deusũ hau merabewanũ shaba tibi yukamis uĩkĩ nũ nĩkashuki— akabu

Jonas 2:4

Mia bebũshũ ea putabu kakĩ ẽ kanebirãshina ibubis ẽ unãshinaki. Miki nukuti hiwe meribi ẽ ana uĩtiruma dabanẽ ẽ shinãshinaki.

Marcos 3:3

huni mekẽ meyuxki betxitã Jesusũ yuikĩ: —Benikirã ha maniabu namakis niwe— aka benia nikẽ

Lucas 14:26

—Tsuara eki txiti ikatsis ikinã, hau ea dukũ abukĩ txibãkubaĩshanũbũwẽ. Hamẽ ha dukũ hawẽ ibubu inũ, hawẽ aĩ inũ, hawẽ bakebu inũ, hawẽ betsabu inũ, hawẽ puibu abukĩ heneama inũ, hawẽ hiwea abukĩ heneamari ea abukĩ binumamarã, ẽ tsuma iturumaki.

Lucas 22:41

hatu henebaini kai tsuãra hatishũ tĩ ikimẽkaĩ ishũ mixki ture putabu kai tĩ imistishũ Jesus ka dãti itã hawẽ Epa yukakĩ

Hechos 10:9

hanua bai putxinĩ ushaxini ana bui ma Jope kemai ma bari mananãbi hikiriama bui bai tanayubainaibũ habiatiãri Pedro Deusbe hãtxanũ ika mai bawa hiwe sapa sheni anu mapeketã

Hechos 2:15

Na yuraburã, paẽabumaki, haska mã xinãkĩ ikũwaĩ keskamarã. Haskai e iskaũ bari keyariamabiakẽ 9:00 hora paẽtirubumaki.

Hechos 20:24

Habiaskabiakẽ earã, ẽ hiweawẽ nui yauxiama ẽ daya Jesusũ ea yununiwẽ taeshũ Deus yurabuwẽ nuikĩ haska wakĩ hawenabu hatu wakatsis ikaikiri punu nukama benimai heneama ẽ hatu yusĩkĩ keyukatsis ikũkainaii.

Hechos 20:36

hatu yusĩ menetã Paulo dãti ikaya habe dãti iki keyuabu hau Deusũ hatu mekekubaĩshanũ Paulõ hatu yukashũtã meneaya

Hechos 21:5

hanua sete dia ma keyuaya: “Ẽ ma kaii”, nũ hatu wa nuku nitxĩnũ ika hatũ mae anua habũ ikũwaĩ hunibu inũ hatũ aĩbuaibu inũ hatũ bakebuya dasibibũ nuku txibãbirã iãnẽwã kesha anu bea maxĩ nukube dãti itã nukubetã Deus kuxipa yukatã

Hechos 3:1

Hanua shaba betsatiã ma 3:00 da tardekẽ judeubũ Deus yukamisbutiã Pedro inũ João Templo anu buaibũ

Hechos 4:29

Nukũ Shanẽ Ibuũ, natianã, habũ nuku mese mesewaibu mĩ uĩaiĩ. Haskawẽ taeshũ nũ mĩ tsumabu hawa datea mĩ bakẽ kakape nũ shabakabi txanikũkaunũ nuku yunuwe.

Hechos 5:20

—Nenua ẽ matu kaĩma bushunã, ha Templo hemaĩtĩ anu hikitã hanushũ Deusũ kakape hiwekuĩmati hãtxa dasibi hatu yusĩritãkãwẽ— hatu wa

Hechos 5:29

haskaibũ Pedro inũ Jesusũ kuxipaya betsabũ hatu kemakĩ: —Haska Deusũ xinaĩ nũ txibanũ nuku yunumis nũ akatsis ikaii. Hunibũ yunuawẽ taea nũ beshteketirubumaki— iki

Hechos 7:60

hanua dãti ika dakashũ bis ikĩ hui kuxipawẽ ana yuikĩ: —Shanẽ Ibuũ, na ea txakabuwaibuwẽ taeshũ hatu kupiyamashãwẽ— atã di iki mawanikiaki.

Hechos 9:40

hatuwẽ nuikĩ dasibi hatu kaĩmatã dãti ishũ Deus yukashũtã aĩbu mawa beiskĩ yuikĩ: —Tabitaã, benirikirãwẽ— aka bepeshetã Pedro uĩtã tsauwaya

Efésios 3:14

Haskawẽ taea mã judeubumakiri nukũ Epa Deus bebũ dãti itã ẽ matu kuxipa yukashũmiski,

Filipenses 1:14

Na ea nenu eska wayamabu ewẽ dateama itxapabũ Cristo ikũwãkĩ hawẽ kakapewẽ benimakĩ dateama huĩti kuxitã nukũ Shanẽ Ibuki txiti itã Deusũ kakape hatu yusĩkubaũkanikiki.

Filipenses 1:20

Haska inũ, Deus dayashuni tsuki ẽ dakeamaki, hatũ ea mekeawẽ taearã. Haskakẽ tsuabũra berubi hawa hakiri dakeama natiã ẽ hiweawẽ inũ ẽ mawashũshanaiwẽ Cristo kuxipahaira ewẽ dasibibu ẽ hatu uĩmayukatsis ikaii.

Filipenses 4:6

Haska inũ, ana hamapaiwẽ dabanã iyamakãwẽ. Hakia Deusbe hãtxakĩ yukai inũ kẽwaĩnã, mĩ hamapai hakiri shabakabi yui txanikubaĩkãwẽ. Hanushũ Deusũ matu nĩkashũ ashũkẽ hawẽ duapa kẽwãkubaĩkãwẽ.

Colosenses 3:17

Hawara tibi mã akai inũ mã yuiairã, nukũ Shanẽ Ibũ haska abui keska hawẽ kuxipawẽ akubaĩkãwẽ, nukũ Epa Deus: “Peki”, akinã, mã Cristonabunã.

Hebreus 13:15

Haskakẽ Jesus Cristo nuku mawashuni xinãkĩ heneama nukũ huiwẽ Deus kẽwãkubainãkãwẽ. Haska wakĩ nũ Deus benimawatiruki, yuinaka kuapaunibu keska wakinã.

Hebreus 4:16

Haskakẽ hawara mei nũ bika teneaitiã hau nuku merabewanũ Deusũ kuxipa xinãkĩ haki dateama ikũwaĩ haki txanikĩ ea akubainãkãwẽ, hau nukũ Epa Deus nuikipatũ nukuwẽ dabanã ikĩ hawẽ duapawẽ nũ nuitapai hau nuku merabewanunã.

Apocalipse 2:10

Matu bika memashanaibuwẽ taea dateyamakãwẽ. Eska wakĩ diabõ bestibu matu hatu atximatã bitxiti hiwe anu matu bitximashanikiki. Haska wakĩ dasibi mã ea ikũwaĩbu matu bika tenemaibu hawẽ matu unãti wakeakeshãkanikiki. Haskawẽ taea dez dia besti haska matu tenemaibuwẽ taea txĩtũyamashãkãwẽ. Matu itxakawakĩ matu tenãbiaibũ tenekubaĩshãkãwẽ. Matu haska waibuwẽ taeshunã, eãnã, matũ manakuti inãkinã, hiwea kayabi ẽ matu inãshanaii.

Apocalipse 2:13

Hanu Satanás shanẽ ibui tsauwa anu mã hiweabu ẽ unaiĩ. Ha inũ, Antipas ẽ hãtxa yuishunika txĩtuãma matũ mae anushũ tenãbianibũ ha xinaĩ maturi txĩtuãma eki hawa dakeama yurabuki txanikĩ ẽ yusĩa ikũwãkĩ mã txibãkubainai ẽ unãriaii.