Daniel 5:21 - Kaxinawá Bíblia (BR)

²¹ hau tari hiweyukũkaĩshanũ nitxiãbu dami betsai yuinaka keskai jumento inamabe hiweshũ ina awa keskakĩ basi pikubaini basnũmã hawẽ yura txa akubaina Deus kushipahaira dasibi hatu binuatũ yurabũ shanẽ ibu hatũ tsuara shanẽ ibu wakatsis ikĩ hatu betxipaikĩ katumis tapĩriama yuinaka keskai hiwekũkaĩkĩ atimas mĩ hutxĩ tapĩkĩ unaniki.

Daniel 5:21 Referencias Cruzadas

Jó 39:5

Jumento inabiakẽ tsuã nitxinimẽ, hau yuinaka betsa keskai hamebi hiwekũkainunã, hawẽ nesha pekatã tsuã mekeama hau ibubis hiwenũ tashnimakinã?

Daniel 4:14

hui kushipawẽ yuikĩ: Ha hi derashũ hawẽ mebi meshte meshte atã hawẽ pei sirikĩ keyutã hawẽ bimi tsekakĩ keyushũ sa akãwẽ, hanu yuinaka utamisbu inũ isapã na wamisbu hau tashni pashanũbũwẽ.

Daniel 4:17

Deus kushipahaira dasibi hatu binuatũ yurabu tsumashũ tsuara shanẽ ibubu wakatsi ikĩ ibubis katutiruki, yura shukua betsa anu huni hawauma hatu shanẽ ibu wamiski, hatu yunukubaĩti wakinã. Na kupiti hiweabu dasibibũ hau tapĩshanũbũ hawẽ nai tsuma meribibu yununiwẽ taeshũ ha nai tsuma uinikatũ mekenikabũ nũ mia ma banabimaii, ea wa ẽ nĩkashinaki.

Daniel 4:22

haskarã, shanẽ ibuũ, ha hi keskarã, habia mĩ miaki, ewai mĩ ma kushipahairairã. Hatu detekubaĩkĩ hatũ mae tibi atxikubaĩkĩ nai kuĩ mĩ binua keskaki. Hanira mai hirabi anu mĩ hatu yunumisrã, haki.

Daniel 4:25

Mĩ shanẽ ibubiakẽ txai tari yurabu pashkatã mĩ hiwenũ mia nitxiãbu inabube hiweshũ ina awa keskakĩ basi mĩ pikubaĩshanaii, basnũmã mĩ yura txa akubainarã. Deus kushipahaira dasibi hatu binua yurabũ shanẽ ibu hatũ tsuara shanẽ ibu wakatsis ikĩ hatu betxipaikĩ katumis mĩ tapĩriama yuinaka keskai 7 ano hiwekũkaĩkĩ atimas tapĩtã mĩ unãshanaii.

Daniel 4:26

Hawẽ buru inũ hawẽ tapũ mai anu hau henenũbũ hatu yunuaya Deus besti kushipa kayabi haya unãtã txĩtũkirã mĩ ana shanẽ ibuhaira ikũkaĩshanaii’, haska Deus kushipakiri unainã.

Daniel 4:34

Nabucodonosorĩ ana yuikĩ: “Deusũ ea kupini hanu ea menekĩ dasibi ea betsa waya ea Nabucodonosor naiuri teskãtã ẽ uiãyã ẽ shinã pepa ana eki hikimakĩ kaya waya Deus kushipa hatu binu keyua hiwei ikibi ika eã duawakĩ kẽwãkĩ yuikĩ: ‘Yurabu hiwea pakubainaibu Deus shanẽ ibukũkaĩkĩ hawẽ kushipawẽ hatu yunukubaĩshanikiki, hawa beshtekei heneamarã.

Daniel 4:35

Ha bebũ mai hirabi anu hiwebaunabu hawaubumaki, hawa kushipa hayabumarã. Nai anu inũ mai anu hawẽ shinanẽ haska shinaĩ besti aki hiwemiski. Tsuãra hawẽ kushipa nemakĩ yuikĩ: Mĩ haska wai ikai? akĩ tsuã yukatirumaki’, itã,

Daniel 4:37

Ibubis kẽkubainaibu hatu nese wakĩ pepa wamis inũ txanima akubaĩmiswẽ taeshũ nai anu shanẽ ibu Deus duawakĩ hawẽ hãtxa nĩkakĩ ea ẽ Nabucodonosorĩ pepawakĩ shabakabi ẽ kẽwãkubainaii”, hatu wani unanuma hiwekũkaini mawanikiaki.

Daniel 5:18

Ẽ mia yuishunai ea nĩkawe. Hawẽ hãtxa nĩkakĩ dasibibũ hau hawẽ kena unãkubaĩshanũbũ mĩ hutxi Nabucodonosor kushipa wakĩ Deus kushipa dasibi hatu binuatũ shanẽ ibuhaira wanishũ duawakubainiki.