Daniel 5:17 - Kaxinawá Bíblia (BR)

¹⁷ hanushũ Danielĩ kemakĩ yuikĩ: —Shanẽ ibuũ, mĩ ea haska inãkuĩ yuiairã, huni betsa inãtã ashãwẽ, mĩ hiwe pepa anu shanẽ ibumakinã. Hakia eanã, ha dĩtu kene hushupa anu kene nea unãtã hariri yuia ẽ mia unãmaii.

Daniel 5:17 Referencias Cruzadas

2 Reis 5:16

Eliseũ kemakĩ yuikĩ: —Senhor Deusũ ea uiãyã ẽ mia yubaii. Haska mĩ hawara ea inãkatsis ikai ẽ bitirumaki— aka —Haskama biwe! Biwe!— akĩ heneamabia hawa biama Eliseũ hawa bikatsi ikama nemahairakubainaya

2 Reis 5:26

hakia hãtxa kushipawẽ Eliseũ yuikĩ: —Mia inũ ika hawẽ cavalõ tarãbaĩti anua Naamã butuai ẽ yushĩ mibe nishũ dasibi ẽ uĩshuki. Pei heshe inũ haya besiti tari hawẽrua mĩ bishurã, pemaki. Yunu bai inũ, uva nishi beshea bai inũ, txashuwã inũ, ina awa inũ, huni dayarubu inũ, aĩbu dayarubu ha peiwẽ mĩ bikatsis ikai txakabuhairaki.

Daniel 2:6

Hakia namakĩ hawara ẽ uĩshina inũ haska ẽ namakiri hawẽ pe shinãmati shabakabi mã ea yuiayarã, matu kẽhairawakĩ matu merabehairawakĩ hamapai sharabu mabu ẽ matu inãkuĩshanaii. Haskawẽ taeshũ namakĩ hawara ẽ uĩshina unãtã hakiri ea yuikãwẽ— hatu wa

Daniel 5:29

habiatiãri shanẽ ibuhaira hakiri txakabu yuibia shanẽ ibũ tari tashi hushinipa Daniel sawemashũ ouro teuti sawemakĩ teumatã Belsazarĩ dasibibu hatu yuikĩ: —Dabe inũ besti shanẽ ibũ yunui tsaumis shãtukũ Daniel ma ebe tsauikiki, shanẽ ibu yununikairã— akĩ Babilônia hirabi anu hau hatu yuibaunũbũ hatu yunua

Hechos 8:20

hanushũ Pedrõ kemakĩ: —Deusũ kuxipa inãkuĩki. Peiwẽ taeshũ mĩ bikatsis ikaiwẽ taea mĩ peiya hanu txiwẽ ikũwãbuma Deusũ hatu kupishanai anu mĩ katiruki.