Daniel 5:13 - Kaxinawá Bíblia (BR)

¹³ hawẽ ewã hãtxa nĩkatã hau Daniel iweshunũbũ Belsazarĩ hatu yunua Daniel iweshunabu shanẽ ibuhaira bebũ nia Belsazarĩ yukakĩ: —Judá enabu atxitã Jerusalém anua ẽ hutxi Nabucodonosorĩ hatube mia iwenirã, mĩ habiamẽ, Danielrã?

Daniel 5:13 Referencias Cruzadas

Esdras 6:16

Israelĩ enabu inũ, hawenabu Deusbe hãtxashunikabu inũ, Israelĩ huni bake betsa Levĩ enabu inũ, dasibi Babilônia anu hatu iyunibu ana txĩtuĩmabu benimahairakĩ Deus kẽwãti hiwe meneshina Deus uĩmai haki besikĩ

Daniel 1:1

Judá enabũ mai pakea anushũ hatu yunui Jeoaquim shanẽ ibuhairakũkaini ma 3 ano kaya Babilônia shanẽ ibuhaira Nabucodonosor hawẽ detenamenikabu itxapabube hikitã Jerusalém kebauni nati ikabu

Daniel 1:2

hawenabu hau hatu atxinũ Nabucodonosor Senhor Deusũ henea Nabucodonosor hawẽ detenamenikabubetã Jerusalém atxiabu ha katxu hikikaĩ Judá enabu shanẽ ibuhaira Jeoaquim atxitã hanushũ Judá enabu mai pakea anuabu hawẽ tsuma hatu watã hanushũ hawẽ kushipawẽ Templo anua hawẽ kẽwãti mabu meribi Senhor Deusuna itxapa hau bikĩ itxawanũbũ Nabucodonosorĩ hawẽ tsumabu hatu yunua bikĩ itxawaibũ hunibu pepabu katushũ habu inũ ha mabu meribi Babilônia anu Nabucodonosorĩ hatu bumakĩ Babilônia anu bitxiabu hawẽ yushibu kẽwãti hiwe hanu mabu meketi dĩtu Sinar anu Deus kẽwãti mabu meribi Nabucodonosorĩ hatu arumanikiaki.

Daniel 1:21

Babilônia anu bari itxapa hiwekũkaini Pérsia nawabu shanẽ ibuhaira Cirõ hatu yunu taewabainaya Daniel dayashũriakũkainikiaki.

Daniel 1:6

Judá enabu Daniel inũ, Hananias inũ, Misael inũ, Azarias ha berunãbube

Daniel 2:25

haska wa shanẽ ibuhaira Nabucodonosor anu Daniel iyushũ ha bebũ nitxĩshũ yuikĩ: —Shanẽ ibuũ, Judá enabu mĩ hatu iweni anua na huni betxishũ ẽ mia iweshunaii. Mĩ namashina inũ haska ishanai hatũ mia unãmaikiaki— aka

Daniel 2:48

hanushũ hatu binumakĩ keyukĩ hau Daniel kẽwãkubaĩshanũbũ mabu inãkuĩ hawẽrua itxapa inãtã maewã Babilônia mai pakekauana yununika washũ habetã unanikabu hatũ shanẽ ibu washũ hawẽ dayarubu dasibi shanẽ ibuhaira Nabucodonosorĩ Daniel hatu binumashĩkẽ

Daniel 5:11

Hanu mĩ yunu keyumis anu huni betsa Deus meribitũ yushinẽ unãmakubaĩmis mĩ huni hayaki. Mĩ hutxi hiwea shanẽ ibuaitiã yushibubu keska hawẽ shinã hawa hunema shabakabi inũ tapinika inũ unanepakĩ ha hunĩ hatu unãshũkubainiki. Haskawẽ taeshũ nukunabu mukayabu inũ, yushĩ yukamisbu inũ, unanepabu inũ, bishiwẽ unãmisbu hatu mekei hau shanẽ ibukũkaĩshanũ mĩ hutxi shanẽ ibuhaira Nabucodonosorĩ ha huni katuniki,

Daniel 5:14

Mikiri ea yuikinã, Deusũ Yushĩ kushipa mĩ haya mĩ shinã shabakabihaira inũ, hawaira tapinika inũ, mĩ unanepakiaki.

Daniel 5:18

Ẽ mia yuishunai ea nĩkawe. Hawẽ hãtxa nĩkakĩ dasibibũ hau hawẽ kena unãkubaĩshanũbũ mĩ hutxi Nabucodonosor kushipa wakĩ Deus kushipa dasibi hatu binuatũ shanẽ ibuhaira wanishũ duawakubainiki.

Daniel 5:2

shanẽ ibuhaira ma paeã benimakĩ Jerusalém Templo anua mane ouro inũ mane prata kẽtxa itxapa hawẽ hutxi Nabucodonosorĩ hatu bemani hau bitãshũ haki vinho hatu amabaunũbũ Belsazarĩ hawẽ dayarubu yunua bushũ kẽtxa dasibi itxawatãshũ shanẽ ibuhaira inũ, hawẽ aĩbuaibu inũ, hawẽ nãtakea aĩbuaibu inũ, dasibi habetã piaibũ Jerusalém Templo anua kẽtxa benibuwẽ vinho aki

Daniel 6:13

hanushũ ana yuikĩ: —Judá enabu Jerusalém anua hatu iwenibu betsa Daniel miki mesekĩ mĩ hãtxa nĩkama inũ mĩ yunuti hãtxa mĩ hatu banabimashina hawa nĩkamariki. Hawẽ mekenika Deusũ hau merabewanũ shaba tibi yukamis uĩkĩ nũ nĩkashuki— akabu

João 7:1

Hanushũ judeu shanẽ ibubũ Jesus detekatsi ikĩ benaibuwẽ taea Judéia anu ana kakatsi ikama Galiléia anu besti mae tibi anu kakũkaũkĩ hatu uĩkĩ yusĩkubaunaya

João 7:3

hawẽ betsabũ ikũwãkĩ kayatiwariabumabia Jesus yunukĩ: —Nenu hanus kesu kesu isama Judéia anu besiaibu anu kashũ uĩtãwẽ, kashũ harishũ mĩ damiwai miki txiti ikabu itxashũ uĩ Habaa! iki Yuu! hau ishanũbunã. Tsuara shabakabi shanẽ ibukatsi ikinã, hawẽ pepa hune akĩ hamapai aisbumaki. Haskakẽ mĩ akairã, pepakiaki. Jerusalém anuabu harishũri dasibi haska mĩ damiwamis shabakabi hatu uĩmaritãwẽ, mianã— akabu