Daniel 4:6 - Kaxinawá Bíblia (BR)

⁶ Hanua ẽ nama unãshũ hau haska hawẽ shinã ea yuinũbũ Babilônia anua unanepabũ dasibi hau ea yui benũbũ ẽ hatu yunua bushũ hatu ea iyushunabu

Daniel 4:6 Referencias Cruzadas

Êxodo 7:11

Faraó dateama hawẽ unanepabu inũ hawẽ mukayabu hatu kena beshũ hatũ yushĩ kushipawẽ habiaskari hatuna akĩ

Isaías 8:19

Hakia huni betsabũ matu yuikĩ: “Mawabũ yushĩbe hãtxamisbu yukakãwẽ. Ha huni mukayabu hatũ yushĩbe hãtxai shei ikawẽ tsuã nĩkatirumawẽ hãtxamisbuki. Yurabu hatũ yushibube hãtxakinã, mawabũ unanepa hãtxa yukatimamẽ, hiweabunã,

Daniel 1:17

ha 4 berunãbũ Babilônia una kene inũ hatũ beya dasibi unãti hau tapĩ keyunũbũ shinã shabakabi wakĩ dasibi nĩkanika Deusũ hatu wakubaĩkĩ tsuara ushamabia nama keska uĩ inũ usha namakĩ uĩ haska yuinika wakĩ Deusũ Daniel besti unanepa wariakubainaya

Daniel 2:2

haskawẽ taea hawẽ nama betsa betsapa hau hawẽ mukayabu inũ, haskashanai bishiwẽ unanikabu inũ, yushĩ yukanikabu inũ, unanepabũ hau hawẽ nama yui benũbũ hawẽ tsumabu yunua bushũ hatu ishũtanabu ha bebũ dasibi mapuabu

Daniel 2:48

hanushũ hatu binumakĩ keyukĩ hau Daniel kẽwãkubaĩshanũbũ mabu inãkuĩ hawẽrua itxapa inãtã maewã Babilônia mai pakekauana yununika washũ habetã unanikabu hatũ shanẽ ibu washũ hawẽ dayarubu dasibi shanẽ ibuhaira Nabucodonosorĩ Daniel hatu binumashĩkẽ

Daniel 4:15

Hakia ha mai anu hawẽ buru inũ hawẽ tapũ henekãwẽ. Mane ferro inũ mane bronze dispi txiwetameyawẽ hawẽ buruki neshashũ bai anu basi mapu anu henekãwẽ. Penaya tibi basnũmã txa akubaina yuinakabubetã basi pikubaĩshanikiki.

Daniel 5:11

Hanu mĩ yunu keyumis anu huni betsa Deus meribitũ yushinẽ unãmakubaĩmis mĩ huni hayaki. Mĩ hutxi hiwea shanẽ ibuaitiã yushibubu keska hawẽ shinã hawa hunema shabakabi inũ tapinika inũ unanepakĩ ha hunĩ hatu unãshũkubainiki. Haskawẽ taeshũ nukunabu mukayabu inũ, yushĩ yukamisbu inũ, unanepabu inũ, bishiwẽ unãmisbu hatu mekei hau shanẽ ibukũkaĩshanũ mĩ hutxi shanẽ ibuhaira Nabucodonosorĩ ha huni katuniki,

Daniel 5:7

bis bis ikĩ Babilônia anu yushĩ yukamisbu inũ, unanepabu inũ, bishiwẽ unãmisbu hatu kena beabu kene metukĩ hatu yuikĩ: —Ha kene tsuãra yuikĩ unãtã hariri hãtxa yuia mã ea tapĩmarã, shanẽ ibũ tari tashi hushinipa sawemashũ ouro mane teumatã shanẽ ibui ea katxu tsaumis anu ha dabe inũ besti shãtukũ yunui tsaumisbu anu ẽ tsaũshanaii— hatu wa