Daniel 3:30 - Kaxinawá Bíblia (BR)

³⁰ txipu Babilônia mai pakekauana anu shanẽ ibũ ha dabe inũ besti daya betsa kushipahaira ana hatu inãkĩ yununikiaki.

Daniel 3:30 Referencias Cruzadas

Salmos 1:3

Ha yuraburã, hene kesha hi banabu pe ewatã hanu bimiaitiã hawẽ bimi pe hushĩmis keskabuki. Ha inũ, hawẽ pei shanama keskai, habũ Deusũ hãtxa betxipaimisburã, dasibi haska amis pepahaira ikubaĩmisbuki.

Salmos 91:14

“Hau huni txakabubũ meyamanũbũ ha ẽ tsuma pepatũ ea betxipaikĩ ea unaĩwẽ taeshũ eã ha mekekĩ ẽ pashawashanaii.

Daniel 1:7

dayaru yununika Aspenazĩ hatu katushũ hawẽ hãtxawẽ hatu kena betsa wakĩ Daniel kena bena wakĩ “Beltessazar” washũ Hananias kena bena wakĩ “Sadraque” washũ Misael kena bena wakĩ “Mesaque” washũ Azarias kena bena wakĩ “Abede-Nego” washũ hatu pima taewaya

Daniel 2:49

hawẽ habuaibu shinãkĩ Danielĩ shanẽ ibuhaira hawẽ haibuaibu hatu yukashuna maewã Babilônia mai pakekauana anu haburi shanẽ ibu wamaima hanushũ hatu mekekĩ hau hatu yunukubaĩshanũbũ Sadraque inũ, Mesaque inũ, Abede-Nego shanẽ ibuhairatũ hatu yunua hanu hawẽ haibuaibu dayakubainaibũ shanẽ ibũ hiwe ewapa hawẽrua anu shanẽ ibuhaira merabewamisbube Daniel hari tsaua dayakũkainikiaki.

Daniel 3:1

Hanushũ hatũ shanẽ ibuhaira inũ hawẽ mekenika yushibubukiri dasibibu hatu shinãmati dami wakĩ hawẽ keyatapa 27 metro inũ hawẽ hashpa 2 metro inũ 70 centímetro mane ouro dami watã hau Babilônia mai pakekauana mapãpa hawẽ kena Dura anu hau nitxĩshanũbũ shanẽ ibuhaira Nabucodonosorĩ hatu yunua mane dami pewanikabũ nĩkatã haska hatu yunua akubaĩkĩ ma keyushunabu

Daniel 3:12

Hakia Judeubu betsabu Babilônia mai pakekauana mekekĩ hau hatu mia yunushũkubaĩshanũbũ mĩ hatu yunuima Sadraque inũ, Mesaque inũ, Abede-Nego habũ mikiri pe shinãbuma mĩ mekenika yushibubu kẽwãbuma mane ouro dami mĩ hatu nitxĩmashina habũ hawa kẽwãbuma nũ uiaiĩ— akabu

João 12:26

Tsuabũra ea duawakatsi ikinã, hau ea txibãkubainũbũwẽ. Hanushũ ea txibãkĩ ea duawaiburã, ebe hiweriashãkanikiki. Haskawẽ taeshũ tsuabura ẽ Epa Deusũ hatu duawaya hanu ẽ hiweshanai anu ebe iriashãkanikiki, habũ ea duawamisburã— iwanã,

Romanos 8:31

Haskakẽ Deusũ haska xarabu nuku ashuniwẽ taeshũ haratubũra txakabuwakĩ nuku tenemaibu habu hawauma keskabuki, Deus kuxipahairatũ nuku mekekĩ binuhairawẽ taearã.

1 Samuel 2:30

hanua Israelĩ enabu mekenika Senhor Deusũ ana mikiri yuikĩ: ‘Ebe hãtxashunikabu hau ikubaĩshanũbũ mĩ shenipabu Arãonẽ enabu ẽ hatu yubaniki, minabu dikabikirirã. Haska ẽ hatu yubani ẽ ana shinãkatsi ikamaki. Habũ ea duawaibu besti eãri ẽ hatu duawashanaii. Hakia habũ ea danaĩbu eãri ẽ hatu danãriashanaii. Ẽ Senhor Deusũ shabakabi ẽ mia yuaii.