Daniel 3:25 - Kaxinawá Bíblia (BR)

²⁵ shanẽ ibũ ana hatu yuikĩ: —Haska wabiakãshukẽ eã uĩkinã, huni dabe inũ dabe neakama txi anu mapubaunaibu hawa menui txakabuama ẽ uiaiĩ. Ha betsarã, tsuã ha txi anu ureãma yushibũ huni bake itsaki— ikĩ

Daniel 3:25 Referencias Cruzadas

Jó 1:6

Hanua shaba betsatiã Senhor Deus bebũ hau benũbũ hawẽ nai tsumabu hatu kena bei itxabũ habiatiãri nai tsuma itxakanika Satanásri hua hatube nikẽ

Jó 5:19

Hawẽ yusĩti hãtxa mĩ nĩkakĩ txibãkubainaya mia mese mese wakĩ mia bika tenemaibu Deusũ hatu mia nemashũshanikiki. Hawa txakabu hau miki nukuyamanũ haska wakĩ Deusũ mia ashũkubaĩshanikiki.

Salmos 34:7

Tsuabũra Senhor Deuskiri pe hãtxakĩ kẽwãkubainaiburã, hawẽ nai tsumã hatu keshe pewashũ hatu piskumamiski.

Isaías 43:2

Mã hene pukebainaya ẽ matubetã pukekubaĩshanaii. Hene besusi pukebaini mã hasama ishanaii. Matumebi mã txi anu napukubia mã menuama ishanaii, ha herepã matu dawakara akamarã.

Jeremias 1:19

Mia mekei ẽ mibe kakũkaĩshanaiwẽ taeshũ habũ mia nĩkama miki sinatabiakĩ mia hawa binumama ishãkanikiki. Ea Senhor Deusũ txanima ẽ hãtxa ẽ mia inaiĩ.”

Jeremias 1:8

Haska ẽ mia yunuaiwẽ taearã, tsuki dateyamakũkaĩshãwẽ. Eanã, mia mekei mibe kakĩ ẽ mia merabewashanaii. Ea Senhor Deusũ txanima ẽ hãtxa ẽ mia inaiĩ”, iwanã,

Daniel 3:18

Hakia nuku merabewamabia shanẽ ibuũ, mianã, uĩrahairawe. Mĩ yushibubu nũ kẽwãma inũ mane ouro dami bebũ hawa dãti ishũ nũ kẽwãmariki— akaibuwẽ taea

Daniel 3:24

hatu haska waibu uinũ ika hawaira Nabucodonosor benikaĩ e ikĩ hawẽ unanepabũ merabewamisbu yukakĩ: —Huni dabe inũ besti neashũ txi anu putakãshumẽ?— hatu wa habũ kemakĩ yuikĩ: —Haa. Haska wakãshuki— akabu

Daniel 3:28

habiatiãri hawaira Nabucodonosorĩ hatu yuikĩ: —Sadraque inũ, Mesaque inũ, Abede-Nego hatũ mekenika yushĩ Deus dasibibũ hau kẽwãkubaĩshanũbũwẽ! Habu mawaki dateama hatũ mekenika Deus ikũwaĩ hawara yushĩ betsa bebũ dãti ishũ kẽwaĩsbuma inũ ea ẽ shanẽ ibũ yunuti hãtxa hawa akabumawẽ taeshũ txiwẽ nũ hatu kupiaya hatũ mekenika Deusũ hawẽ nai tsuma yunukĩ hawẽ dayarubu txanima txi nemashũkĩ hatu merabewashuki.

Daniel 6:23

haskawẽ taea benimahairakĩ kini meranua dispiwẽ hau Daniel mapemanũbũ shanẽ ibuhaira Dariõ hatu yunua ma mapemabu hawẽ mekenika Deus ikũhairawaiwẽ taeshũ hawa piama tsua uĩsisma uiaĩbũ

Marcos 16:18

Ha inũ, dunu pianã meabu hawa hatu piama ishanai inũ, hawara mawati dau hatu amabiabu aka hawa hatu txakabuwatã tenãma ishãkanikiki. Ha inũ, isĩ teneaibu hatu meabu shushashãkanikiki— hatu watã

Lucas 1:35

hawẽ nuikĩ nai tsumã ana yuikĩ: —Kuxipa hatu binuatũ hawẽ kuxipawẽ hawẽ Yushĩ Pepa yunua mikia dami naneima kaĩmashũ hatũ Deus txibãyã: “Harã, meribi Deusũ bakeki”, ishũ kenakubaĩshãkanikiki.

Hechos 28:5

hakia hawaira Paulõ hawẽ mekẽ meixkukĩ txi anu dunu putatã hawa meama kayakẽ

Romanos 1:4

Hanua Jesus tenãbu mawaxina hawẽ Yushĩ Pepabetã hawẽ kuxipawẽ Deusũ bestẽwãtã: “Narã, ẽ bake kuxipahaira dasibi binuaki”, akĩ Jesus Cristokiri nuku shabakabi unãmaniki.

1 Pedro 3:13

Hanushũ mã hawa txakabuwama pe besti ikubainaibu haska watã tsuã matu hawawẽ taeshũ txakabuwatirumaki.