Daniel 3:23 - Kaxinawá Bíblia (BR)

²³ hakia mai kini anu Sadraque inũ, Mesaque inũ, Abede-Nego neashũ putabu kauani txi dekẽhaira anu tĩ ikaibũ

Daniel 3:23 Referencias Cruzadas

Salmos 34:19

Tsuabura huni pepabu merabenaĩ yurabũ hatu unãma betsa betsapawẽ hatu itxakawamisbuki. Hakia Senhor Deusũ haska teneaibu hatu duawakĩ haska tibi hatu putamakĩ binumamiski.

Isaías 43:2

Mã hene pukebainaya ẽ matubetã pukekubaĩshanaii. Hene besusi pukebaini mã hasama ishanaii. Matumebi mã txi anu napukubia mã menuama ishanaii, ha herepã matu dawakara akamarã.

Jeremias 38:6

haska hatu shinãmaiwẽ taeshũ Jeremias atxishũ shanẽ ibuhairatũ hiwe mekenikabũ hemaĩtĩ kenekauna anu shanẽ ibũ huni bake Malquiasĩ ũpash wakĩ mai kini keyatapa wanibu ũpash hayama anu mistukĩ dispiwẽ buteabu uke merã pupushaira anu Jeremias pukuabu seukua nikẽ

Daniel 1:7

dayaru yununika Aspenazĩ hatu katushũ hawẽ hãtxawẽ hatu kena betsa wakĩ Daniel kena bena wakĩ “Beltessazar” washũ Hananias kena bena wakĩ “Sadraque” washũ Misael kena bena wakĩ “Mesaque” washũ Azarias kena bena wakĩ “Abede-Nego” washũ hatu pima taewaya

Daniel 3:24

hatu haska waibu uinũ ika hawaira Nabucodonosor benikaĩ e ikĩ hawẽ unanepabũ merabewamisbu yukakĩ: —Huni dabe inũ besti neashũ txi anu putakãshumẽ?— hatu wa habũ kemakĩ yuikĩ: —Haa. Haska wakãshuki— akabu

Hebreus 11:34

Betsabu itxakawakĩ tenãnũ, iwanã, txi merã hatu putabu Deus ikũwãkĩ hawẽ kuxipawẽ txi nematã hawa menuama kaĩnibukiaki. Betsabu nupe hawẽ detenameti bestiwẽ hatu detepanãbũ Deus ikũwaĩbuwẽ taea pashanibukiaki. Haskakẽ huĩti babubũ ikũhairawakĩ taewaibu Deusũ hatu kuxipa wakubainaya nawabũ Deusũ enabuki sinataibu detekatsis ikaibu maemakĩ hatu pashamanibukiaki.