Daniel 3:19 - Kaxinawá Bíblia (BR)

¹⁹ haska hãtxa wakĩ yuiabu Nabucodonosorĩ nĩkatã hatuki sinata txakayamai hawẽ besu tashipe iki keyutã mai kini keru anu txi kuabu here hi hi ikai anu urẽmisbu anu hatũ beya binumakĩ ana 7ki karu itxapa napukĩ hau keti wakĩ hi a txakayamanũbũ hatu yunua keti wabu dekeĩ keyua mesea daka hi hi ikai anu

Daniel 3:19 Referencias Cruzadas

Gênesis 31:2

Labão uĩkĩ Jacó shinãkĩ: “Ea ana uĩ pewamaki, eki sinatai ẽ uiaiĩ, ha dukũ benimai taeni keskamarã”, ikĩ

Ester 3:5

nĩkatã shinãkĩ: “Txanima ẽ daĩbaina eki dãti iki Mardoqueu tinĩshũ ea kẽwaĩsmaki”, iki Hamã sinatahairakĩ:

Ester 7:7

Assuero sinatahairai benikaini hanushũ piai anua tashnikaini aĩbuaibũ hiwe hemaĩtĩ hua mirima anu kakẽ hanua: “Assuerõ ea tenãkatsis ikai ẽ unaiĩ”, ikĩ teke nashabakã anu Hamã bashti ika dakashũ hau hawẽ bene nemashunũ hiwekatsis ikĩ Ester merabe ea akaya

Provérbios 16:14

Habũ shanẽ ibuhaira sinatamakĩ yunukĩ beruaburã, ma habianu shanẽ ibũ hatu tenãmatiruki. Hakia unanepabũ shanẽ ibuhaira sinatai daewatirubuki.

Provérbios 21:24

Hawẽ unanepa inũ hawẽ tapinika hãtxawẽ keĩ betsabuki kashekĩ hatu kenamamisburã, “Ha huni hamẽ uĩbaĩ yui txitenamei hãtxa bestimiski”, akĩ yuimisbuki.

Daniel 2:12

haska waibu hatũ hãtxa nĩkatã sinatahairakĩ Babilônia anu unanepabu dasibi hau hatu tenanũbũ shanẽ ibuhaira Nabucodonosorĩ hatu yunua

Daniel 3:13

haska yuiabu nĩkai sinatahairakĩ Sadraque inũ, Mesaque inũ, Abede-Nego hau iwenũbũ Nabucodonosorĩ hatu yunua hatu itãshũ shanẽ ibu bebũ hatu nitxiãbu

Daniel 3:20

Sadraque inũ, Mesaque inũ, Abede-Nego tapu manaũrishũ txi anu hau hatu putanũbũ hawẽ detenamenikabu kushipa datebuma hatu yunua

Daniel 5:6

datei besu hushuhairatã hawẽ yura hirabi saki saki ikĩ

Daniel 6:24

hanushũ ha katxu habũ Danielki txakabuwati shinãshinabu hau hatu itanũbũ Dariõ hatu yunua ha hunibu inũ, hatũ aĩ inũ, hatũ bakebu hatu itãshũ leão pubẽ anu hau hatu urenũbũ hatu yunua hatu urẽ urẽ akabu tĩ iriabuma leão ishtxukirã atxishũ hatũ sheta inũ hatũ mẽtsiswẽ hatu hashkakĩ tseka tseka ashũ pikĩ keyuaibũ

Hechos 5:33

hatu haska waibu nĩkatã hatu abuama hatuki sinatahairakĩ hatu detekatsis ikaibũ

Hechos 7:54

haska xarabu hatukiri shanẽ ibubu txiteai nĩkatã Estêvãoki sinatatxakayamai bene bene iki sheta yẽsh yẽsh akaibũ