Daniel 3:12 - Kaxinawá Bíblia (BR)

¹² Hakia Judeubu betsabu Babilônia mai pakekauana mekekĩ hau hatu mia yunushũkubaĩshanũbũ mĩ hatu yunuima Sadraque inũ, Mesaque inũ, Abede-Nego habũ mikiri pe shinãbuma mĩ mekenika yushibubu kẽwãbuma mane ouro dami mĩ hatu nitxĩmashina habũ hawa kẽwãbuma nũ uiaiĩ— akabu

Daniel 3:12 Referencias Cruzadas

Ester 3:8

Assuero anu kai hikishũ Hamãnẽ yuikĩ: —Província tibi hanu mĩ hatu yunukubainai anu hiweabube husia yura shuku betsa hiwekubaĩmisbu hatũ beya betsabũ beya keskama ha dikabi haska mĩ yunua nĩkakĩ aisbumaki. Hanu mĩ yunumis anu hiwekubainaibu minarã, haska pemaki.

Daniel 1:7

dayaru yununika Aspenazĩ hatu katushũ hawẽ hãtxawẽ hatu kena betsa wakĩ Daniel kena bena wakĩ “Beltessazar” washũ Hananias kena bena wakĩ “Sadraque” washũ Misael kena bena wakĩ “Mesaque” washũ Azarias kena bena wakĩ “Abede-Nego” washũ hatu pima taewaya

Daniel 2:48

hanushũ hatu binumakĩ keyukĩ hau Daniel kẽwãkubaĩshanũbũ mabu inãkuĩ hawẽrua itxapa inãtã maewã Babilônia mai pakekauana yununika washũ habetã unanikabu hatũ shanẽ ibu washũ hawẽ dayarubu dasibi shanẽ ibuhaira Nabucodonosorĩ Daniel hatu binumashĩkẽ

Daniel 2:49

hawẽ habuaibu shinãkĩ Danielĩ shanẽ ibuhaira hawẽ haibuaibu hatu yukashuna maewã Babilônia mai pakekauana anu haburi shanẽ ibu wamaima hanushũ hatu mekekĩ hau hatu yunukubaĩshanũbũ Sadraque inũ, Mesaque inũ, Abede-Nego shanẽ ibuhairatũ hatu yunua hanu hawẽ haibuaibu dayakubainaibũ shanẽ ibũ hiwe ewapa hawẽrua anu shanẽ ibuhaira merabewamisbube Daniel hari tsaua dayakũkainikiaki.

Daniel 3:11

Tsuabura ikabumakẽ txi here hi ikai anu hau hatu urenũbũ mĩ hãtxariashuki.

Daniel 3:16

Sadraque inũ, Mesaque inũ, Abede-Negõ kemakĩ yuikĩ: —Ha dami kẽwãtikiri nũ mibe haska hãtxa hayamaki.

Daniel 3:29

Natiã haska hatu merabewashu keska yushĩ betsã haska watirumawẽ taeshũ eã eskakiri ẽ yunuaii. Yurabu inũ shukuabu betsa betsapa inũ hãtxa betsa betsapa hawẽ hãtxamisbu anushũ Sadraque inũ, Mesaque inũ, Abede-Nego hatũ mekenika Deuskiri hãtxa txakabu tsuãra danaĩ shanẽ ibubũ hawẽ yura bais ashũ meshterabetã hau hatũ hiweri tekekĩ hanus mãtxĩkubaĩshanũbũwẽ— hatu watã

Daniel 3:30

txipu Babilônia mai pakekauana anu shanẽ ibũ ha dabe inũ besti daya betsa kushipahaira ana hatu inãkĩ yununikiaki.

Daniel 6:13

hanushũ ana yuikĩ: —Judá enabu Jerusalém anua hatu iwenibu betsa Daniel miki mesekĩ mĩ hãtxa nĩkama inũ mĩ yunuti hãtxa mĩ hatu banabimashina hawa nĩkamariki. Hawẽ mekenika Deusũ hau merabewanũ shaba tibi yukamis uĩkĩ nũ nĩkashuki— akabu

Daniel 6:14

haska nĩkatã huĩti nishmahairai: “Daniel hau mawayamanũ hawawẽ ẽ merabewatirumẽ? pashawakinã”, ikĩ Dariõ benabaũkĩ bari hikiriama hawẽ yunuti hãtxa keneshinabu maewakatsis ikĩ Dariõ bika teneaya

Hechos 17:7

Jasomẽ hiwe anu hatu ixinakiaki. Habũ nukunabu yusĩkĩ Jesus hatũ shanẽ ibu benakiri yusĩkĩ nukũ shanẽ ibu Romano Césarn nemati hãtxa danãti wakĩ binumakanikiki. Txakabuhairaki— hatu wakĩ

Hechos 5:28

—Ha huni akimabukiri mã hatu yusĩaĩbu nũ matu nemahairabiaxina nukũ hãtxa hawa nĩkama haskakĩ Jerusalém anuabu hatu itxawakĩ mã ha hunikiri yusĩkĩ heneamamẽ? Haska wakĩ ha huni nukukiri yuikĩ: “Mã hatu tenãmaimaki”, akĩ mã nuku hawẽ taeshũ yuãkĩ mã nuku hatu dake wamakubainaii— ikaibũ