Daniel 3:1 - Kaxinawá Bíblia (BR)

¹ Hanushũ hatũ shanẽ ibuhaira inũ hawẽ mekenika yushibubukiri dasibibu hatu shinãmati dami wakĩ hawẽ keyatapa 27 metro inũ hawẽ hashpa 2 metro inũ 70 centímetro mane ouro dami watã hau Babilônia mai pakekauana mapãpa hawẽ kena Dura anu hau nitxĩshanũbũ shanẽ ibuhaira Nabucodonosorĩ hatu yunua mane dami pewanikabũ nĩkatã haska hatu yunua akubaĩkĩ ma keyushunabu

Daniel 3:1 Referencias Cruzadas

1 Reis 12:28

haska shinãtã txipu hawẽ unanepabube hãtxanamei menetã ouro ina awa bake bene dami dabe Moisĩ betsa Arãonẽ ani keska hau anũbũ hatu yunua akĩ keyushũ hatũ shanẽ ibubu inũ yura itxapabu bebũ nitxiãbu metukĩ Jeroboãonẽ hatu yuikĩ: “Jerusalém anu kashũ Senhor Deus kẽwaĩ ma txai butã butãmisbu bikawẽ taeshũ na mekenika yushibu dami dabetũ Egito anua nukũ shenipabu hatũ hatu pashawanirã, naki”, hatu watã

Ester 1:1

Ha baritiã maewã mishki kenebaunibu kushipahaira hawẽ kena Susã anu hiweshũ ha mai pakea tibi bari huaikiri Índia anu paketani bari kaikiri inũ sulkiri Etiópia anu depia ha dasibi 127 província atxi keyua dasibi shanẽ ibuhaira Assuerõ hatu yunukubaini haska wakĩ hatu dasibi mekekubainikiri matu yuikĩ unãmanũ ea nĩkakãwẽ.

Êxodo 32:31

Senhor Deus anu ana mapekeshũ yuikĩ: —Txanimahaira yurabũ mĩ hãtxa danaĩ txakabuhairakĩ ouro yushĩ dami watã ha kẽwãshinabuki.

Isaías 46:6

Huni betsabũ hatũ ouro pei inũ hatũ prata pei itxapa itxawatã tanakĩ hawẽ shakama balançaki unãtã hatũ yushĩ deus wakatsi tsuãra mane mabu wamistũ hau dami washunũ yunutã pakamisbuki, ha yushĩ dami bitã ha bebũ beti ishũ duawakatsirã.

Daniel 2:48

hanushũ hatu binumakĩ keyukĩ hau Daniel kẽwãkubaĩshanũbũ mabu inãkuĩ hawẽrua itxapa inãtã maewã Babilônia mai pakekauana yununika washũ habetã unanikabu hatũ shanẽ ibu washũ hawẽ dayarubu dasibi shanẽ ibuhaira Nabucodonosorĩ Daniel hatu binumashĩkẽ

Daniel 2:49

hawẽ habuaibu shinãkĩ Danielĩ shanẽ ibuhaira hawẽ haibuaibu hatu yukashuna maewã Babilônia mai pakekauana anu haburi shanẽ ibu wamaima hanushũ hatu mekekĩ hau hatu yunukubaĩshanũbũ Sadraque inũ, Mesaque inũ, Abede-Nego shanẽ ibuhairatũ hatu yunua hanu hawẽ haibuaibu dayakubainaibũ shanẽ ibũ hiwe ewapa hawẽrua anu shanẽ ibuhaira merabewamisbube Daniel hari tsaua dayakũkainikiaki.

Daniel 3:14

shanẽ ibuhairatũ hatu yukakĩ: —Ẽ mekenika yushibubu inũ mane ouro dami ẽ hatu yunua ashiãbu mã kẽwãma ishurã, txanimamẽ?

Daniel 3:30

txipu Babilônia mai pakekauana anu shanẽ ibũ ha dabe inũ besti daya betsa kushipahaira ana hatu inãkĩ yununikiaki.

Daniel 5:23

Hakia nai anua Senhor Deuski kashekĩ hawẽ Templo anua hawẽ kẽwãti kẽtxa itxapa hau bitanũbũ mĩ hatu yunua bitãshũ ha besiaibubetã Senhor Deusũ kẽtxawẽ uva vinho akubaĩkĩ matũ dami yushĩ ouro inũ, prata inũ, bronze inũ, ferro inũ, hi inũ, nẽkati dami itxapa wanibu habũ hawa uiãbuma inũ, hawa nĩkabuma inũ, hawa unãbumahaira mĩ hatu kẽwãmashuki. Hakia betsarã, Deusũ besti mia hiwemakubaĩkĩ dasibi mĩ hiwea mia tsuma keyubia mĩ ha kẽwaĩsmaki.

Daniel 5:4

paẽshũ hatũ yushibu ouro inũ, prata inũ, bronze inũ, ferro inũ, hi inũ, nẽkati dami wanibu kẽwaĩbũ

Habacuque 2:19

Hi dami yushĩ hawa hãtxatiruma tsuãra yuikĩ: ‘Bestẽwẽ’, akĩ mishki dami yushĩ yuikĩ: ‘Beniwe’, aka hawa hãtxa matu yuitirumẽ? Ha dami ouro mane inũ prata manewẽ dapushbiabu ibubis hawẽ hiwea hayamawẽ taea matu hawa yuikĩ kematirubumahairaki. Haskawẽ taea mã habũ kẽwãmisbu mã peirashãkãwã!

Hechos 17:29

Nũ haskai Deusunabukĩ nũ haska xinãtirubumabiakẽ hunibũ xinã txakakĩ Deus haska keska dabanẽ hatũ xinãwẽ habũ deus wakĩ ouro inũ prata inũ mixki dami wamisbuki.

Hechos 19:26

Ha yusĩnã Paulõ hatu yuikĩ: “Mekenẽ hunĩ damiwarã, yushĩ kuxipa deusmaki”, akĩ yurabu habũ bimisbu nuku putamakanikiki. Nenu nukũ mae Éfeso anu bestima hakia Ásia hirabi anushũ hatu yusĩkubaunai nĩkakĩ hatu haska wai mã unaiĩ.

Apocalipse 9:20

Hakia ha yura tesheabu isĩ txakabuwẽ habu mawabuma habũ txakabuwakubaĩkĩ heneama yushĩ txakabu kẽwãkĩ heneabumariki. Ha inũ, yushĩ dami betsa ouro mane inũ, prata mane hushupa inũ, bronze mane taxipa inũ, mixki dami inũ, hi dami ha dami betsa betsapabũ uĩtiruma inũ, nĩkatiruma inũ, maputiruma kẽwãkĩ heneabumaki.