Daniel 2:45 - Kaxinawá Bíblia (BR)

⁴⁵ Ha haska mishkiri yuiarã, mĩ uiãyã mati keyatapa anua mishki ewapa bestitxai tsuã meshte meshte akama ibubis tsekekirani mati anua taramekirãkĩ mane ferro inũ, mane bronze inũ, mapu bawa inũ, mane prata inũ, mane ouro haki tĩ ikĩ dasibi mishpu wakĩ keyua keskashanai mĩ shanẽ ibuhaira Deus kushipahairatũ mia unãkĩ mia uĩmashinaki, haska tashninũbariairã. Mĩ namashina txanimahairaki. Ha inũ, ẽ mia nĩkamakĩ yuiairã, txanimariki— aka

Daniel 2:45 Referencias Cruzadas

Gênesis 41:26

Ha 7 ina awa shua hawẽruarã, 7 bariki. Ha 7 shekiwã tashu ewapaburã, habias baririki. Ha nama daberã, habias namaki.

Gênesis 41:28

Na namapã mia uĩma shinainã, haska miki txanishinaki. Deus kushipahaira dasibi binuatũ haska uatiã kaĩmashanai mĩ shanẽ ibukẽ mia unãmashina shabakabi ẽ mia yuiaii.

Gênesis 41:32

Hanushũ Deus kushipahaira dasibi binuatũ haska wakatsis ikĩ mia uĩmashina samama taewashanaiwẽ taea mia dabeki namapã uĩmashinaki. Uĩrawe.

2 Samuel 7:22

Haska nuku dasibibũ nũ nĩkamis inũ nũ uĩmisrã, hawa mekenika Deus betsa mia binua betsa hayamaki, mia keskarã. Haskawẽ taea ẽ mekenika Senhor Deusuũ, miarã, mĩ pepahairaki, tsuã haska watiruma mĩ nuku ashũmisrã.

Neemias 4:14

hakia habu buabuma dateaibu uĩ benitã shanẽ ibumisbũ enabu inũ, yununikabu inũ, huni betsabu eã hatu yuikĩ: “Hawa dateyamakãwẽ. Nukũ mekenika Senhor Deus kushipapaira ha besti meseki shinãkãwẽ. Haska shinãkubaĩkĩ matũ betsabu inũ, matũ huni bakebu inũ, matũ aĩbu bakebu inũ, matũ aĩbuaibu inũ, matũ hiwe dasibi mekei nukuki sinataibu hatu deteshũkubaĩkãwẽ”, ẽ hatu wa, date maĩtã haska ẽ hatu yunua ikaibũ

Salmos 2:9

Mane mestẽti tsumashũ shanẽ ibu kushipa dasibibu mĩ hatu yamawashanaii, haska mai kẽti wanikatũ hawẽ kẽti txakabukẽ ibuã pusamis keska wakinã’ ”,

Isaías 28:16

haskaibuwẽ taeshũ Senhor Deusũ hatu yuikĩ: “Mishki karuhaira ẽ katuni ha mishki uĩbaĩ hakimatima haki tsamabaũkĩ mestẽwãti Sião anu ẽ tashnimashanaii. Tsuãra ha mishki betxipaikĩ katutã hawẽ datetirubumaki, ma haki txiti ikarã.

Daniel 2:24

Deus kẽwãkĩ keyutã haska Babilônia anua unanepabu dasibi tenãkãwẽ, akĩ shanẽ ibuhairatũ Arioque yunushina anu ana uĩ kashũ Danielĩ Arioque yuikĩ: —Unanepabu nuku hatu tenãmayamawe. Haska namashina inũ haska ishanai shabakabi ẽ yuitiruki. Shanẽ ibuhaira bebũ ea iyuwe— aka

Daniel 2:28

Habiaskabiakẽ Deus bestitxai nai anu hiweatũ hawara hunea unãmamiski. Haskanũbariai mĩ shanẽ ibuhairakẽ mia unãmashinaki. Mĩ usha namakĩ hawara mĩ uĩshina ẽ mia unãmaii.

Daniel 2:29

Mĩ dakati anu dakashũ mĩ haska wakatsis ikaikiri mĩ shinãkĩ taewaya hawara hunea unãmamistũ mĩ namaiwẽ mia uĩmashinaki.

Daniel 2:44

Ha shanẽ ibubũ yunukubainaibutiã shanẽ ibubu betsabu keskama nai anu hiwea Deusũ shanẽ ibu betsa katukĩ yununika kayabi wakẽ tsuã hawẽ shanẽ ibu maema taskama ikũkaĩshanikiki. Shanẽ ibu betsabũ kushipa keyuaya na yununika kayabi niti ikama shanẽ ibupakeshanikiki.

Malaquias 1:11

Yura shukuabu tibi matunabuma mai hirabi anu manibauna ewẽ datekĩ hanira hiwebaunabu anushũ ea kẽwãkĩ sheni inĩti ea inãkuĩkĩ kuakubaĩkĩ hawara pepa besti ea menushũriamisbuki.

Mateus 21:24

Jesusũ hatu kemakĩ: —Ẽtseri ẽ matu yukai matũ dukũ ea yui taewakãwẽ, mã ea yuiaya hawara mã ea yukai ẽ matu yuiriai nĩkakãshunã— itã

Mateus 24:35

Hakia habiaskariai nai anua inũ mai anua Deusũ damiwani habu keyushãkanikiki. Hakia ẽ hãtxawẽ bebũkiri ẽ matu yusĩaĩnã, binuama menepakeshanikiki.

Lucas 17:20

Hanushũ fariseubũ Deus shanẽ ibui ana hushanaikiri yukabu Jesusũ hatu yuikĩ: —Deus shanẽ ibuairã, ikis beruwẽ mã uĩtirumaki.

Apocalipse 1:19

Dasibi mĩ uĩshu inũ, na habiatiã ikai inũ, haskarara inũbariai unaki hatu keneshũriwe.

Apocalipse 19:17

Hanushũ ẽ uĩayã nai tsuma betsa bari merã nishũ dasibi habu peiyabũ pisi pimisbu nai natukanu nuyabaũmisbu hatu kenakĩ hui kuxipawẽ yuikĩ: “Nenu bei neri itxai bekãwẽ, hau Deusũ matu pimanũnã.

Apocalipse 4:1

Haska nĩkaxina inũ hati uĩshu naiuri besushũ beputi bepeã uĩtã hui trombeta mimawati kuxipa keskawẽ hawẽ dukũ Jesus hãtxai ẽ nĩkaxina ana habiãwẽri ea hãtxa wakĩ yuikĩ: “Ea anu inayuwe, mĩ inakẽ haskarara ana betsa betsapa inũbariai ẽ mia uĩmairã”, ea watã