Daniel 2:35 - Kaxinawá Bíblia (BR)

³⁵ hawaira mane ferro inũ, mapu bawa inũ, mane bronze inũ, mane prata inũ, mane ouro ibubis tureke tureke iki mishpui keyushinaki, baritiã shekiwã trigo tsekatã manaũrishũ kata kata aka niwẽ hawẽ shaka sa abaĩkĩ txai bua hawa hawẽ shaka betsa dakama keskairã. Hakia mishkipã ha dami tu aka di iki mishpuaya hanubi ha mishki hawẽ shãtukũ ewakauani mati itamamatã dasibi mai hirabi atxi keyushinaki. Haska mĩ namashinaki, ha haskarã.

Daniel 2:35 Referencias Cruzadas

Salmos 22:27

Senhor Deusrã, ha nukũ shanẽ ibu kayabiki. Mae pakea tibi hatu shanẽ ibushũmiski. Haskawẽ taeshũ mai hirabi anu hiwebaunabu yura betsa betsapa shukuabũ Senhor Deus shinãtã ha bebũ dãti ishũ hau kẽwaĩ beshanũbũwẽ.

Salmos 37:10

Ana hatishuĩra huni txakabubu hayama ishãkanikiki. Haska habu txakabumisbu hayamẽkaĩ, ishũ hatu benabirãbirani ana hawa hatuki nukukĩ betxiama ishãkanikiki.

Salmos 37:36

Uatiã ni pea ẽ uĩtanima habianuri ana kawãkĩ ẽ uiã ana ha hi haki nukukĩ ẽ betxiamaki.

Salmos 46:9

Mai kesuakea anua hatube detenamekĩ hatũ pia tekekĩ hatũ hashi teke keyukĩ hanushũ hatũ detenameti cavalo tarãmabaĩti ana tsuabe detenametirubuma wakĩ hawẽ henekĩ txiwẽ hatu menũ keyuimaki.

Isaías 11:9

Ianẽwã matahairamis keskai mai pakea hirabi anu dasibibu ẽ unanepa hayatã ea ẽ Senhor Deus unãshanaibuwẽ taea ẽ mati meribi anua ana hawa sinatai itxakanikama ishãkanikiki.

Isaías 8:9

Nawa shukua tibibuũ, matunabube itxatã hatu deteshãkãwẽ. Mai pakea txai tibi anu hiweabuũ, mã eskashanai nĩkakãwẽ. Detenamenũ ishũ matũ pia mã bibiabauna txanima mã datehairashanaii.

Daniel 2:44

Ha shanẽ ibubũ yunukubainaibutiã shanẽ ibubu betsabu keskama nai anu hiwea Deusũ shanẽ ibu betsa katukĩ yununika kayabi wakẽ tsuã hawẽ shanẽ ibu maema taskama ikũkaĩshanikiki. Shanẽ ibu betsabũ kushipa keyuaya na yununika kayabi niti ikama shanẽ ibupakeshanikiki.

Miquéias 4:13

“Yura shukuabu itxapa teke teke akĩ shemekĩ mã hatu akawashanũbũ ina awa bene kushipa mane ferro mashũ inũ mane bronze hũtsisya keska wakĩ pubẽ wãkĩ eã ẽ matu mesewashanaii”, akĩ “Senhor Deusũ matu yuiaiwẽ taeshũ Sião anu hiweabuũ, benitã hatuki pai pai ishãkãwẽ. Hatu itxakawakĩ hatu detetã mane ouro inũ mane prata inũ mabu pepa itxawanibu hatu anua mebĩkĩ keyutã, ẽ ea mai hirabi shanẽ ibu mã ea meribi wakubaĩshanaii”, itã

Apocalipse 11:15

Ha sete nai tsumabu hawẽ heneatũ trombeta txã akai ẽ nĩkaya nai anua hui kuxipawẽ habũ kẽwãkĩ yuikĩ: “Nukũ Shanẽ Ibu Deus inũ hawẽ bake Messias Jesus Cristo besti natiã mai hirabi anu ha besti shanẽ ibukĩ hatu mekekubaĩshanikiki, niti ikamarã”, ikaibũ

Apocalipse 12:8

yuxibu sheanãtũ maematirubumawẽ taeshũ nai anu ana habube hiwetirubuma Miguelĩ hatu urẽkĩ

Apocalipse 20:11

Hanushũ Shanẽ Ibu haki tsauti hushupa hawẽruahaira nukũ Shanẽ Ibu haki tsauwa ẽ uĩshuki. Tsaukẽ bari inũ, ushe inũ, bixi inũ, mai keyu tsekebaini nixmai yamakainaya