Daniel 2:28 - Kaxinawá Bíblia (BR)

²⁸ Habiaskabiakẽ Deus bestitxai nai anu hiweatũ hawara hunea unãmamiski. Haskanũbariai mĩ shanẽ ibuhairakẽ mia unãmashinaki. Mĩ usha namakĩ hawara mĩ uĩshina ẽ mia unãmaii.

Daniel 2:28 Referencias Cruzadas

Gênesis 40:8

ha dabetũ yuikĩ: —Nũ usha namatxakashinai shinaĩ tsuã nuku unãshũkĩ shabakabi nuku yuitima nũ tsaua ikaii— akabu —Mã namashinairã, Deusũ matu unãmatiruki. Hani mã namashinai ea yuikãwẽ, nĩkanunã— hatu wa

Gênesis 41:16

José kemakĩ: —Peki, haska mĩ ea yuiairã. Emebi ẽ unãmatirumaki. Hakia mĩ nukũ shanẽ ibuhaira ẽ mia yuinũ ẽ mekenika Deus kushipa dasibi binuatũ ea unãma ẽ miki txanitiruki, ewẽ taeshũ hau mia merabewanunã. Mĩ haskara uĩ namashini ikimẽkaĩ ea yuiwe— aka

Gênesis 41:25

nĩkatã José hawẽ shanẽ ibuhaira Faraó kemakĩ yuikĩ: —Ha nama dabe mĩ uĩshinairã, habias nama mĩ uĩ ishiaiĩ. Eska mĩ uĩ ishiaĩ mia shabakabi yuinũ nĩkawe. Mĩ mai pakea hirabi anua eska Deus kushipahaira dasibi binuatũ mia ashũkatsi mia unãmanũ ika ishĩkiki. Nĩkawe, mia yuinunã.

Gênesis 49:1

hanushũ ana betsatiã Jacó hawẽ huni bake dasibi kenashũ hatu yuikĩ: “Ea anu itxakãwẽ. Mã haskanũbariai matu bebũkiri yuinũ ea nĩkai bekãwẽ”, hatu wa itxabu

Salmos 115:3

“Nukũ Deusrã, nai anuki!” Nukũ Deusũnã, haska betxipaiai keska dasibi dami waniki.

Isaías 2:2

Hanu bari hawẽ henei ma kemaya ha mati anu Senhor Deus kẽwãti hiwe hayakẽ Deus hakiri hãtxakĩ mestẽwãshanikiki. Ha mati binua anushũ hakiri pe shinãkĩ mati tibi binua anu nawa shukua betsa betsapa beshãkanikiki.

Daniel 2:22

Hawara tapiã bika huĩti uke merã inũ hawara hunea unãmakĩ keyumiski. Hamapai meshu meranua unã keyuikiki. Shabarã, habia habe ketashameaki.

Daniel 2:44

Ha shanẽ ibubũ yunukubainaibutiã shanẽ ibubu betsabu keskama nai anu hiwea Deusũ shanẽ ibu betsa katukĩ yununika kayabi wakẽ tsuã hawẽ shanẽ ibu maema taskama ikũkaĩshanikiki. Shanẽ ibu betsabũ kushipa keyuaya na yununika kayabi niti ikama shanẽ ibupakeshanikiki.

Daniel 2:45

Ha haska mishkiri yuiarã, mĩ uiãyã mati keyatapa anua mishki ewapa bestitxai tsuã meshte meshte akama ibubis tsekekirani mati anua taramekirãkĩ mane ferro inũ, mane bronze inũ, mapu bawa inũ, mane prata inũ, mane ouro haki tĩ ikĩ dasibi mishpu wakĩ keyua keskashanai mĩ shanẽ ibuhaira Deus kushipahairatũ mia unãkĩ mia uĩmashinaki, haska tashninũbariairã. Mĩ namashina txanimahairaki. Ha inũ, ẽ mia nĩkamakĩ yuiairã, txanimariki— aka

Daniel 2:47

Nabucodonosorĩ Daniel yuikĩ: —Na nama hunea tsuã atiruma ẽ mia hawa unãmakĩ yuiamabia mĩ ea tapĩmashũwẽ taea txanimahaira matũ mekenika Deus kushipakũkaĩkĩ yushibubu dasibi binuhairaikiki. Shanẽ ibubu dasibibũ shanẽ iburiki, hawara hunea hãtxa unãmamisrã— atã

Daniel 4:5

hakia meshu betsatiã ẽ dakati anu daka ẽ usha namaya ha ẽ bika teneaitũ mesehaira ẽ namapã ea uĩma ẽ datehairaniki.

Amós 4:13

Senhor Deusũ mati matipa wamis inũ, niwe shũku imamis inũ, haska yubakani yurabu unãmamis inũ, shababiakẽ hatũ betsa wakĩ meshu maewamis inũ, mai dasibi anu mati keyatapahaira tibi anu nikaũmisrã, hawẽ kenarã, Mekenika Deus kushipahaira dasibi binu keyua Senhor Deuski.

Números 24:14

Haskakenã, ẽ maekiri ẽ ma kaii. Hakia ẽ kariama ha yurabu minabube haskakubaĩshanaibu mia yuinũ ea nĩkawe— iwanã,

Mateus 6:9

Eska watiki, dayuikinã: —Nukũ Epa nai anuatuũ, mĩ kena meribirã, mia duawakĩ hau mia kẽwãkubainũbũwẽ.

Deuteronômio 4:30

Mã nuitapai inũ mã bika teneai uĩkĩ atimas shinã betsa watã ana txĩtũkirã haska Senhor Deusũ matũ ibubu yusini mã ana nĩkakĩ akubaĩtiruki.

2 Timóteo 3:1

Hanu Jesus Cristo ma ana hua kemaya bika betsa betsapa kaĩbirãshanairã, mĩ ma unaĩ uĩrakubaĩshãwẽ.

Hebreus 1:1

Hãtxa pepa ẽ matu bumai uĩkĩ nĩkairakãwẽ. Ha dukunã, nukũ shenipabube Deus hãtxairã, hawẽ hãtxa yuishunika tibiwẽ hawẽ hãtxa hatu yuimakĩ hawẽtxaĩs hatu yusĩkĩ betsa tibiwẽ tashnimakĩ hatu yuikubainiki.

2 Pedro 3:3

Na haska dasibi ẽ matuki txaniai mã bebũkiri unãtirubuki. Txanima hanu bari hawẽ henei ma kemaya yurabu hiwe txakashũ ibubis txakabu xinãkĩ mã ikũwaĩbu matuki kashei ẽ hẽ ibiai

Apocalipse 1:1

Ha dukũ Deusũ Jesus Cristo ishanai unãmaniki. Hanushũ eari samama hawaira haskashanai ea ẽ hawẽ tsuma João unãmakatsis ikĩ hawẽ nai tsuma Jesus Cristõ yunua ea uĩmaxinaki, na haska inũbariai dasibi nũ hawẽ tsumabũ tapĩtã hatu yusĩkubaĩshanũ ea unãmakinã.