Daniel 2:11 - Kaxinawá Bíblia (BR)

¹¹ Shanẽ ibuũ, hawara mĩ yuka ikairã, bikahairaki. Tsuã mia yuitiru hayamahairaki, yushibubũ besti atiruburã. Hakia haburã, yurabube hiweabumaki— akabu

Daniel 2:11 Referencias Cruzadas

Gênesis 41:39

José yuikĩ: —Tsua mia keska unanepa hayamaki, Deusũ dasibi unãmakĩ yuimamisrã.

Gênesis 41:8

penaya Faraó huĩti nishma punu nuka has shinãhairakĩ Egito anua hawẽ huni mukayabu dasibi inũ huni unanepabu dasibi hatu kena bea itxabu usha namakĩ uĩshinai Faraónẽ hatu yuia tsuã hawa unãma hawẽ nama shabakabi yuikĩ unãmatirubumahaira inibukiaki.

Êxodo 8:19

hanua mukayabu bushũ hatũ shanẽ ibuhaira Faraónẽ yuikĩ: —Na shiu dami wakinã, hatũ Senhor Deus dasibi binuatũ besti hatu dami wamashuki— akabu haska nĩkabiatã ana hawẽ huĩti kushitã hatũ hãtxa Faraónẽ nĩkama haska Senhor Deusũ bebũkiri yuishina keskaya

Isaías 8:18

Senhor Deusũ hawẽ bake betsabu ea anu inãkĩ yunua habubetã Israelĩ enabu Senhor Deusũ haska betxipaiai hawẽ kushipa unãmakĩ shabakabi wati nũ ikũkainaii. Mati keyatapa Sião anu hiweshũ Senhor Deus dasibi kushipa binuatũ nuku yunua nũ akai nũ hawena nuku uĩshãkanikiki.

Daniel 4:4

Ea ẽ Nabucodonosor ẽ hiwe ewapa hawẽruahaira anu unanuma hiwekũkaini enabube piti inũ mabu pepa ẽ hayawẽ taea benimakũkaini

Daniel 5:11

Hanu mĩ yunu keyumis anu huni betsa Deus meribitũ yushinẽ unãmakubaĩmis mĩ huni hayaki. Mĩ hutxi hiwea shanẽ ibuaitiã yushibubu keska hawẽ shinã hawa hunema shabakabi inũ tapinika inũ unanepakĩ ha hunĩ hatu unãshũkubainiki. Haskawẽ taeshũ nukunabu mukayabu inũ, yushĩ yukamisbu inũ, unanepabu inũ, bishiwẽ unãmisbu hatu mekei hau shanẽ ibukũkaĩshanũ mĩ hutxi shanẽ ibuhaira Nabucodonosorĩ ha huni katuniki,

Mateus 19:26

nukuwẽ nuikĩ Jesusũ ana yuikĩ: —Dateyamakãwẽ. Yurabũ haska watirubumahairabiakẽ Deus nuikipatũ dasibi matu ashũtiruki— nuku waya

João 1:14

Hanua hawẽ Xinaĩ Hãtxati yura kayabi hayanũ ika aĩbu meranu naneima kaĩyã Deusũ bake bestitxai ewatã nuku anua yumetã ewani hiwea hawẽ Epa Deus itsa kuxipa duapahaira nũ uĩpauniki, nuikipa haya inũ txani txakatima hãtxa hayarã.

João 14:17

Merabenã Benarã, hawẽ Yushĩ Txanima Unãmanikaki. Mai anu yurabũ hawa unãbumã inũ uĩabumã Merabenã Bena ikũwãkĩ haibuwatirubumaki. Hakia natiã matu dapi hiwea txipu matube uke merã hiweshanaiwẽ taeshũ Deusũ Yushĩ Txanima Unãmanika mã ma unaiĩ.

João 14:23

Jesusũ kemakĩ: —Tsuabũra ea abukinã, ẽ yusĩa hãtxa txibãkanikiki. Ẽ Epã hatu abuaya ea inũ ẽ Epa hua nũ hatuwẽ hiweshanaii.

2 Coríntios 6:16

Hanushũ Deus kẽwãti Templorã, hanushũ yushĩ dami betsa ha merãshũ kẽwãtirubumaki. Nukũ yurarã, hanushũ Deus hiwea kẽwãti Templo keskaki. Haska Deusũ hamebi ibubiskiri yuini nĩkakãwẽ: “Habu anu hiwei hatube nikũkaini ea ẽ hatũ mekenika Deus ikaya, haburã, enabu ishãkanikiki”,

Apocalipse 21:3

shanẽ ibu haki tsauti anushũ hui kuxipawẽ yuiai ẽ nĩkaya: “Uĩa. Na maerã, haki, ha merã yurabube Deus hiwepakeshanairã. Hawẽ hatube hiweirã, hawenabubes ishanikiki. Deus ha besti habũ mekenika ishanikiki.