Daniel 1:8 - Kaxinawá Bíblia (BR)

⁸ shanẽ ibũ piti inũ nushuti vinho pepawẽ txakabui hatũ huĩti detsiskatsi ikama dayaru yununika Aspenaz Danielĩ yukakĩ: —Uiã. Shanẽ ibuhairatũ piti pehairabia hawẽ pitiwẽ yushibubu dami kẽwãmisbuwẽ taeshũ nukũ mekenika Deusũ beya txibãma nũ sinatamatirubuki, txakabuwakinã. Nũ txakabukatsi ikamarã, nuku dabe inũ dabebũ ha piti piyamakubaĩshãpa?— aka

Daniel 1:8 Referencias Cruzadas

1 Reis 5:5

Senhor Deusũ ẽ epa yuikĩ: ‘Mĩ shãtukũ hau Israelĩ enabu yunui shanẽ ibuhairakũkaĩshanũ mĩ bake katukĩ ẽ kushipa waiwẽ taeshũ hatũ ẽ kẽwãti hiwe ea ashũshanikiki’, akĩ ẽ epa yubaniwẽ taeshũ ẽ mekenika Senhor Deus hanushũ kẽwãti hiwe templo hawẽrua ẽ ashũkatsis ikaii.

Daniel 1:5

hanushũ 3 ano ha berunãbu hatu yusĩkubaĩkĩ habias shanẽ ibũ piti inũ nushuti vinho shanẽ ibuhaira inãmisbu shaba tibi hau hatu pimakubaĩshanũbũ Nabucodonosorĩ hatu yunurianikiaki.

Daniel 5:4

paẽshũ hatũ yushibu ouro inũ, prata inũ, bronze inũ, ferro inũ, hi inũ, nẽkati dami wanibu kẽwaĩbũ

Hechos 11:23

Barnabé kai hikixĩshũ habu Deusũ hatu duawakĩ hatu kuxipa wakĩ pepawai uĩ benimahairakĩ hatu ana yusĩ pewakĩ hau dasibi hawa txakabuyabi husiama nukũ Shanẽ Ibu Jesus ikũwaĩ txĩtuãma txibãkubaĩkĩ apakenũbũ hatu yusĩaĩ

Hechos 15:20

Hakia bari itxapa ma hari judeubu judeubumã mae tibi anushũ huĩrukũti tibitiã haska Moisés hatu keneshuni hatu yusĩ hatube beyamisbuwẽ taeshũ hau judeubumã judeubu hawaira hau berabĩ dabeyamanũbũ na besti nemakĩ hatu keneshunãkãwẽ, eska besti hatu beshtekinã. Yushĩ dami betsa kẽwãkĩ nami inãmisbu hau piyamanũbũ inũ, habu aĩyãkinã, haska Moisés hatu nemani hau txibanũbũ inũ, yuinaka teneshabu mawa hau piyamanũ inũ, yuinaka himi hau ayamanũbũ haska besti hatu nemakĩ keneshũ judeubuma dasibi anu bumanãkãwẽ— hatu wa

1 Coríntios 7:37

Hakia betsarã, tsuãra hatũ huni bakẽ aĩbu xinãkĩ bitirubia ibubis haska xinãmarã, hawẽ xinã mestẽwãtã Jesus besti dayashunũ ikairã, hau aĩyãyamanũwẽ. Haska xinaĩ, peki.

2 Coríntios 9:7

Haskakẽ yauxiama hatu merabewakĩ nukũ hawara benimayabi nũ hatu inãyã Deusũ abumiswẽ taeshũ tsuã matu yunuamabia bestibu haska mã yubaima keska hatu merabewai yauxibetanã inũ sinatabetanã inaĩ xinãma hawara mã pashkakatsi ikai hatu inãkuĩshãkãwẽ.