Colosenses 2:19 - Kaxinawá Bíblia (BR)

¹⁹ Ha habu haskamisburã, Cristorã, hatũ bushkamaki. Hamẽ nukuburã, nukũ bushkarã, Cristoki. Haskakẽ nukũ yura ewakaini pitiwẽ nũ kuxipamis keskariai habũ nukũ Shanẽ Ibu Cristo ikũwaĩburã, pabu tibi haki dasikĩ nũ ewawairã, hawara nũ unãriama tapĩmakĩ haska Deus yubakani Cristõ haska xinãkĩ nuku amaikiki.

Kashinawa : Diosun Jesúswen taexun yuba bena yiniki

¹⁹ Ja jabu jaskamisbudan, Cristodan, jatun buxkamaki. Jamen nukubudan, nukun buxkadan, Cristoki. Jaskaken nukun yuda ewakaini pitiwen nun kushipamis keskadiai jabun nukun Xanen Ibu Cristo ikunwainbudan, pabu tibi jaki dasikin nun ewawaidan, jawada nun unandiama tapinmakin jaska Dios yubakani Criston jaska shinankin nuku amaikiki.

Colosenses 2:19 Referencias Cruzadas

João 17:21

Haskai mia inũ ea dasia nũ bestitxai keska hiwea haburi nukuki dasiabu habiaskari wakĩ mĩ hatu merabewashanũ ẽ mia hatu yukashunaii. Mĩ hatu haska wa habu shukushũ ea ikũwaĩbu mai hirabi anu mĩ ea yununi unãtirubuki.

Hechos 4:32

Habũ Jesus ikũwaĩbu mirimabũ hatũ xinã habiaskas xinãwẽ xinaĩ habũ mabu tibi yui: “Ena bestiki”, ikama hakia dasibibũ mekubainibukiaki.

Romanos 11:17

Nũ judeuburã, oliveira hi kayabi keskabuki. Hakia hawẽ pũyã babu betsa meshtetã oliveira mebi betsa kuxipa haki tsamĩtã nea dasibi habias tatxanua hawẽ shuku hawẽ namibe husitã habias yumemis keska Abraãonẽ bababu Deusũ hatu watã Israelĩ baba betsabũ Deus txibãkĩ ikũwãbuma Deusũ oliveira pũyã meshtea keska wakĩ hatu danãtã maturi Deusũ hawenabu wakĩ Abraão matũ shenipabu keska matu wariakeakeikiki. Haskakẽ Deus hawenabu Israelbuwẽ nuikĩ hatu duawakubaĩshanai Deusũ Abraão yubani keska wakĩ mã Israelbuma matuburi Abraãonẽ bababu keska watã matuwẽ nuikĩ matu duawaikiki, oliveira kuxipaki tsamĩa haki nea keskawakinã.

1 Coríntios 1:10

Ẽ betsabu inũ ẽ puibuũ, nukũ Shanẽ Ibu Jesus Cristõ kuxipawẽ ẽ matu yunuai nĩkakãwẽ. Matũmebi pashkanameama xinã betsa betsapa wama unãnuma Jesus ikũwaĩbube hiwekubaĩkãwẽ.

1 Coríntios 11:3

Haskabia Deusũ hãtxa nĩkai itxatã Deus kẽwãkĩ haska aĩbuaibu hau ikubainũbũ matu yuinũ nĩkakãwẽ. Ha dukunã, Cristõ hunibu mekekĩ yunumiski. Hunibũri hawẽ aĩ mekekĩ yunuriamisbuki. Habiaskari wakĩ Deusũ Cristo mekekĩ yunuriamiski.

1 Coríntios 3:6

Nũ Deusũ tsuma dabe bestiki. Nuku ana kẽwãyamakubaĩkãwẽ. Ea dukũ matu anu kashũ ẽ matu yunu banakĩ akawaniki. Hanushũ Apolori kashũ ẽ banatãyama matu mibã naximakĩ akawayamaki. Nukũ dayawẽ nũ matu haska wabiaya hakia Deusũ ha mibã ewawakĩ kuxipa wamis keska wakĩ ha bestitũ matũ xinã betsa wamakĩ ewawakubainikiki.

Efésios 1:22

babu watã mekemaniki, hamapai betsa betsaparã. Hanushũ Deusũ Cristo ha ikũwaĩbu hawẽ shanẽ ibuhaira hatu washuniki, ha hatũ bushka wakinã.

Efésios 1:23

Nũ Cristo ikũwaĩbu dasibirã, nũ Cristõ yuraki. Hawara nuku merabewatiru nũ yuka hawa yauxiama nuku inãmiski, hamapai xarabu dasibi tsumakĩ mekeshunã.

Efésios 2:21

Habu dasibitũ nũ Cristo ikũwaĩburã, mixki hiwe wakĩ benibaĩmisbu keskaki. Mixki tibi tsamabaĩmisbu keska wakĩ nukũ Shanẽ Ibuki yura betsa betsapabube husiakeakekaĩkĩ Templo meribi nũ hiwe wakeakekanaii.

Efésios 4:3

Ha Yushĩ Pepatũ matu dasi waiwẽ taea unãnuma hiwei ikũwaĩ dasibibube putanameama haskas hiwekubaĩkãwẽ.

Efésios 5:29

Tsuabũra hatũ yura danãma pimakĩ mekemis keska wakĩ habiaskari wakĩ Cristõ hawẽ ikũwaĩbu mekemiski,

Filipenses 1:27

Natiã mã hiweairã, Deusũ hawẽ bakekiri kakape unaĩ haska hiwekũkaĩtikiri benai na keska bestiwẽ hiwekubaĩkãwẽ. Haska ẽ matu uĩkatsis ikai inũ matu anu ẽ kamakẽ matukiria matũ kaka huai ẽ matukiri nĩkakatsis ikaii, haska mã txĩtuãma inũ mã ma dasi keyushũ bika tenebiai heneama matũ xinã kuxipawẽ ikũwaĩ mã Jesus Cristo txibaĩbunã.

Colosenses 1:10

Mã haska habũ nukũ Shanẽ Ibu txibaĩbunã, haskai hiwekĩ haska abuai benimawakĩ ashũkubaĩkãwẽ. Haskakĩ yura betsabu uĩmakĩ hawara daya pepa betsa betsapa akĩ Deuskiri tapĩ unãnepai ewakubaĩkãwẽ.

Colosenses 1:18

Ha dikabi Cristo hawẽ hiweawẽ nukũ Shanẽ Ibushanũ ika kuxipai hawẽ bushkai nuku ishuniki, nũ ikũwaĩbũ hawẽ yura nũ ishanũbunã. Ha dukũ hiweniwẽ taea mawamisbu kuxipa binui ha dukũ mawabu anua besteĩ taekĩ dasibi hatũ dukũ binu keyuniki.

Colosenses 2:2

Hau mã xinã txãkaĩ henetima binũbũ inũ, hawa betsa xinãma ikũwaĩ betsabube ketashamei nuinamei mã abunamenũbũ inũ, unãnepakĩ Deusũ hawẽ yuba betsa huneni Cristokiri natiã hau shabakabi mã nĩka pehairawanũbũ ẽ matu dayai heneshunamaki.

1 Tesalonicenses 3:12

Ha inũ, nukũ Shanẽ Ibũ hau matu ana ewawakĩ abunamemakĩ nui itxapa matu inãkubainũwẽ. Matu haska wa hayatã ikũwaĩ betsabuwẽ nuikĩ yurabu dasibiwẽ nuitixara ikubaĩkãwẽ, haska nũ matuwẽ nuikũkainai keskairã.

2 Tesalonicenses 1:3

Ẽ betsabu inũ ẽ puibuũ, txanima matũ xinãnẽ Jesus ikũhairawai mã ma yumei kuxipai ẽ matu unaiĩ. Haskakĩ ana heneama ikũwaĩ betsabube kuxipai nui henenameyamakubaĩshãkãwẽ. Mã haskaya matukiri xinãkĩ Deus matu yukashũkĩ matuwẽ nũ Deus kẽwãkubainaii, haska nuku yunuayarã.

1 Pedro 3:8

Haska tibi ẽ matuki txanishurã, haska bestiwẽ hiwekĩ Jesus ikũwaĩbu tibibube habias xinãwãtã hatuki dasia binunãnãma pepai babu keskatã keãma abunamekubaĩkãwẽ.

2 Pedro 3:18

Hakia nukũ mekenã Shanẽ Ibu Jesus Cristo ana unãkĩ beyahairawai hawẽ nuiwẽ ewakubaĩkãwẽ. Harã, dasibibũ Jesus kẽwãkĩ heneama hau apakenũbũwẽ. Haskakirã. Hatiski, ẽ hãtxarã. Pedro