Colosenses 2:18 - Kaxinawá Bíblia (BR)

¹⁸ Haskakẽ tsuabura pepa kayabitikiri xinaĩ keĩsbuma inũ, tsuabũra nai tsumabu kẽwãmisbu inũ, haskamabia usha namai keskakĩ hawara tashnikiranai shabakabi uĩ hatũ xinã merã keĩ xinã txãkãmisbuki. Haskamisbũ hau habũ matu txitekĩ dakewayamanũbũ uĩrakubaĩshãkãwẽ.

Kashinawa : Diosun Jesúswen taexun yuba bena yiniki

¹⁸ Jaskaken tsuabuda pepa kayabitikidi shinain keinsbuma inun, tsuabunda nai tsumabu kenwanmisbu inun, jaskamabia uxa namai keskakin jawada taxnikidanai xabakabi uin jatun shinan medan kein shinan chankanmisbuki. Jaskamisbun jau jabun matu chitekin dakewayamanunbun uindakubanxankanwen.

Colosenses 2:18 Referencias Cruzadas

Gênesis 3:13

Senhor Deusũ aĩbu yukakĩ: —Mĩ haskakĩ haska washumẽ?— aka aĩbũ yuikĩ —Dunũ ea parã ẽ pishuki— aka

Jó 38:2

“Ẽ mia ashũmis hawa pe ekiri tapĩkĩ mĩ unãriamabia ekiri hatu yuikĩ shabakabi wama hunei mĩ hãtxakũkainairã, habia mĩ miaki”, atã,

Romanos 1:25

Yura betsabũ Deuskiri hãtxa kayabi danãtã txani hãtxa ikũwãkĩ txibãkĩ Deus kayabi ana xinãma hawara Deusũ damiwani besti uĩkĩ kẽwãkubainibukiaki. Hakia nũ ikũwaĩbunã, nukũ mekenika Deus hatũ nuku damiwani kẽwãkubainãkãwẽ. Haskakirã.

Romanos 16:18

Haska habu parananãkĩ nukũ Shanẽ Ibu dayashunaiburã, hamẽ ikanikiki. Haska habũ xinaĩ besti abukĩ hatũ hãtxa hawẽrua txẽshwẽ besti hatu hãtxa wakĩ yura betsabu Jesus Cristokiri kakape unãhairariama beparamekanikiki. Haskakẽ hatuki kemama jatu dũkekubaĩkãwẽ.

1 Coríntios 13:4

Nuikipa kayabi hayarã, eskaki. Nĩkairakãwẽ. Bika tenebiai pes ikama tenemisbuki. Ha inũ, duapanãmisbuki. Ha inũ, hawara huni betsa hayawẽ nui kemuismaki. Ha inũ, shanẽ ibubia: “Ea duawakãwẽ”, isbumaki. Ha inũ, hawara pepa amisbukiri tsua yui hatũmebi keĩsbumaki.

1 Coríntios 3:3

Mã kuxipai beyariama habias matũ hiwea keska xinaĩ mã babuwẽ taea ikũwaĩ betsabube ha iki hatu dabaĩ binunãnanũ ika inũ betsa kemutapaya ha xinaĩ sinai ikũwãbuma keska xinaĩ mã hiweabukiaki.

1 Coríntios 4:18

Matu anu ẽ kama dabanẽ xinaĩ matũmebi patapai shanẽ ibui mã hamẽ keaiĩ.

1 Coríntios 4:6

Ẽ betsabu inũ ẽ puibuũ, Deusũ hãtxa hakimama yusĩnã betsa itxakawama hau betsari kẽwãyamanũbũ matu kene bumakĩ ẽ Paulo inũ Apolo haska nũ hiwemiskiri besti ẽ matu keneshunaii, hau nũ imis keskai nuku mawai mã hiwekubainũbunã. Haska Deusũ hãtxa kenenibu besti xinãkĩ matũmebi akama yusĩa betsawẽ ha kenenibu binumayamakãwẽ, tapĩkinã.

1 Coríntios 8:1

Ẽ betsabu inũ ẽ puibuũ, mã ea kene bemakĩ ha yuinaka deteshũ dami yushĩ nami inãtã pikĩ matu pimakatsis ikaibukiri mã ea yukaima matu yuinũ ea nĩkakãwẽ. Ha nami dami yushĩ kẽwãkĩ inãmisbu pirã, hawa txakabumaki. Txanima haskabiakẽ hakia ikũwaĩbu betsa babubu ha nami pikĩ mã hatu uĩma ana babutirubuki, pi mã keaĩwẽ taearã, haskakĩ tsua kuxipawakĩ mã hatu merabewatirumaki, mã nui hayamarã.

1 Coríntios 9:24

Hamẽ matuburã, beyusi itxapa kuxibaini hawairabainaibu bestitxaitũ hatu binutã maemamis mã unaiĩ. Ha bestitxaitũ hatu binukĩ keyutã hawara pe bimis keska wakĩ Jesus ikũwãtã duawakĩ nĩkahairai txĩtuãma ha besti txibãkubaĩkãwẽ, haska keskai matu tibi mã pe hiweawẽ taeshũ hau Deusũ matũ pepawẽ taeshũ matu manakushanunã.

2 Coríntios 11:3

Jesuskiri nũ ma haska matu yusĩbianikẽ yusĩnã betsabu bushũ matu parãkĩ haska Jesuskiri nũ matu yusĩsma Jesus betsa keska wakĩ matu yusĩaĩbu hawaira hatũ hãtxa hawẽrua abukĩ mã hatu nĩkakubaĩmiski. Ha inũ, nukubũ Deusũ Yushĩ Pepa matuki nũ ma matu dasiwabiayamakẽ yushĩ betsakiri matu yuiaibu mã hawaira atximamiski. Ha inũ, haska kakape nũ matu yuiama ibiayamakẽ kaka betsa mã hawaira txibaĩwẽ taea matuwẽ ẽ dateaii. Haska Éden bai anushũ dunũ Eva parani keska wakĩ hawara pepa Cristokiri mã ma hayabia henetã habũ txakabu txibaĩ mã hamakiri benuaibuwẽ ẽ matuwẽ dateaii.

2 Coríntios 12:20

Ha inũ, tsuabũra ẽ hãtxa mã habũ danaĩ mã haskarara ẽ matu uĩ kashanai inũ, matũri haskarara mã ea uĩshanai matuwẽ ẽ dateaii, eska mã hiweamẽkaĩ ikarã, mã danãnanãbukuaĩwẽ inũ, huni betsa ikaiwẽ uĩ mã hatuki sinatamiswẽ inũ, mã pubeaĩwẽ inũ, mã ibubis keĩ binũnãnaĩwẽ inũ, hune mã yuãnanaĩwẽ inũ, mã shabakabi txitenamemiswẽ inũ, “Eã besti ẽ hatu binuaki”, mã ikaiwẽ inũ, mã merabenameismawenã.

Efésios 4:17

Nukũ Shanẽ Ibũ kenawẽ eska ẽ matu yuikĩ yunuai ea nĩkakãwẽ. Habũ Deus unãma benuabu ikaibu keskai ana hiweyamakãwẽ, habũ xinã txakabu benuawẽ haska hiwea unãma hamakiri kane kane akanikikirã.

Efésios 5:6

Tsuabũra matu beparãkĩ hamẽ matu yusĩkĩ paraĩburã, hatu nĩkayamakãwẽ. Tsuabũra Deus nĩkama hawa merabewatimakiri yusĩmisburã, Deusũ hatu kupitxakayamashanikiki. Uĩrakubaĩshãkãwẽ.

Filipenses 3:14

Haska Jesus Cristowẽ nuku Deusũ yubani haska nai anua haki nukukĩ haria bishanũ ika nĩkamas Jesus ẽ dayashũkũkainaii.

Colosenses 2:23

Ha haska txanima keska wakĩ yusĩnanãmisburã, unãnepakatsis ikĩ yusĩa bena bika ibubis yusĩkĩ txibãhairakĩ hatũ hiwea pe mekekatsis ibiai tsuã hawẽ xinã txakabu nemakĩ henetirumaki. Haska akinã, haska abuaibu besti hatũ xinãwẽ besti kuxipakĩ yuikubaĩmisbuki.

Colosenses 2:4

Haska matu yuikinã, hau ana tsuãra yusĩa betsawẽ ana matu parãyamanũbũ Cristo besti unãnepahairakiri ẽ haska matu banabimaii.

Colosenses 2:8

Huni betsabũ hatũ yusĩa beya betsawẽ matu unãnepa wapai matu hatu txibãmakatsis ikaibu hatũ yusĩa pe itsa kayatapiamaki. Uĩrakãwẽ, tsuabũra Cristõ yusĩa danãkĩ hakiri xinaĩ hãtxashunabumakirã. Hakia habu ikirã, na mai anushũ yushĩ kuxipabũ yunuai txibãkĩ yusĩa betsã ani hawẽ yusĩnanaĩ kanenibu txibãkĩ matu amakatsis ikubaĩkanikiki, haska habu yusĩnanãkinã.

1 Timóteo 1:7

Haburã, yusĩa kayabi unãmabia Moisés keneniwẽ yusĩnanãpaikĩ hatũmebi yuibiai habũ ibubis nĩka pewama inũ yusĩ pewai keska xinaĩ: “Ẽ pe hatu yusĩaiĩ”, ikĩ yuimisbuki.

1 Timóteo 4:1

Jesus Cristo ana hua kemaya haskai habũ ikũwaĩ betsabu txĩtuĩ bebũkiri haskanũbariaibukiri Deusũ Yushĩ Pepatũ shabakabi nuku unãmai mia yuinũ nĩkawe. Habũ Jesus Cristo txibãkĩ henetã yushĩ txakabu parananaĩbu inũ Satanásã tsumabũ hatũ yusĩa habu anua huai nĩkatã txibãshãkanikiki.

2 Pedro 2:14

Ha parananãmisbunã, hatũ kemu paewenã, aĩbu tibi ha abuai kasmai ha itxakawa bestikatsis ikai hatu amisburã, haskawẽ taea hatũ txakabu itxapa mataki, hawa henetirubumarã. Hatũ kemu paewẽ ikũwaĩ huĩti babubu parãkĩ hatu txakabuwamamisbuki. Hatu haska wamamisbu hatũ kemu pae heneisbumarã, habis ha hunibu Deusũ unãtã hatu kupishanikiki.

1 João 2:26

Ha habũ matu parãkatsis ikaibukiri ẽ matu keneshunaii.

Apocalipse 12:9

ha yuxibu dunuwã hiwei taeni sheanã txani ewã yura dasibibu hatu parãkubaĩmis nũ Diabo Satanás wamis hawẽ tsumabube mai anu hatu maemakĩ niri akabũ

Apocalipse 13:14

hatu haska washũ uĩmakĩ ha yuinaka mese atimapa ha dukũtũ besuuri hamapai atimaska akaiwẽ yurabu dasibi parãkĩ ha katxukeatũ yunukĩ yuikĩ: “Yuinaka mese atimapahaira ha tsuãra bushkaki txatxini mawa ana bestẽni hiwea keska ha itsa damiwarikãwẽ”, hatu wa

Apocalipse 13:8

ha yuinaka mese atimapa kẽwãkinã, habu mai hirabi anu hiweabu tsuabura bebũkiri Deusũ mai dami wariama habũ kena txashuwã bake nuku mawashuni kaitũ unaki keneama ini habũ besti duawakĩ kẽwãshãkanikiki.

Apocalipse 19:10

kẽwãnũ ika hawẽ tae namã ẽ dãti itanaya ea nemakĩ yuikĩ: “Eki haskayamawe. Mia inũ Deusunabu betsabũ Jesus Cristo txibãkĩ hawẽ hãtxa yusĩmisbu keska eãri Deusũ hãtxa bunika ẽ hawẽ tsumariki. Haskakẽ ea kẽwãma Deus besti kẽwãwẽ”, ea washuki. Haskarã, tsuabura Jesuskiri kakape Yushĩ Pepatũ shabakabi hatu xinãmaya habu yusĩnãbu hakiri txanikĩ banabimabaũmisbuki.

Apocalipse 3:11

Ha inũ, matũ pepa hawẽ kupiti hau tsuã matu biãbaĩyamashanũ ẽ yusĩa xinãkĩ txibãkĩ heneyamakãwẽ, ẽ samama ana txĩtũkirãshanairã.