Apocalipse 19:7 - Kaxinawá Bíblia (BR)

⁷ Aĩbu hawẽ bene huaibe hiwenũ, iwanã, hawẽ hamapai pewakĩ akawai Jesusunabu habe hiwekatsis ikanikiki. Ha haskarã, Jesus Cristo txashuwã bakẽ hawenabu niti akama habe hiwemashanikiki. Haskakẽ benimai xinã txãkaĩ tse ikĩ Deus kẽwanãkãwẽ.

Kashinawa : Diosun Jesúswen taexun yuba bena yiniki

⁷ Ainbu jawen bene juaibe jiwenun, iwanan, jawen jamapai pewakin akawai Jesúsunabu jabe jiwekatsis ikanikiki. Ja jaskadan, Jesucristo chaxuwan baken jawenabu niti akama jabe jiwemaxanikiki. Jaskaken benimai shinan chankain tse ikin Dios kenwanankanwen.

Apocalipse 19:7 Referencias Cruzadas

Isaías 52:1

Senhor Deusũ yuikĩ: “Siãonẽ, bestẽriwe! Bestẽtã pei kushipariwe! Maewã Jerusalém meribituũ, habũ Deus ikũwãbuma huni txakabu ana mia anu txĩtũbirã hikiama ishanaibuwẽ taea mĩ tari hawẽruahaira saweriwe.

Mateus 1:20

xinãkubaini usha namaya Deusũ nai tsumã yuikĩ: “Joséẽ, miarã, mĩ Davĩ babaki. Mia yuinũ nĩkairawe. Deusũ Yushĩ Pepatũ Maria bake naneimawẽ taea hawẽ datei hawa dakeama aĩwãshãwẽ.

Mateus 22:2

—Haskai Deus shanẽ ibumiskiri ana matu yusĩnũ nĩkakãwẽ. Shanẽ ibuhairatũ hawẽ huni bake aĩyãwãkatsi hawenabu shanẽ ibu betsa betsapa hau habe nawai besi benũbũ, iwanã,

Lucas 12:36

Hawẽ haibu aĩyaĩ anu hiwe ibu nawai ka hawẽ tsumapã manaya hushũ hikinũ ishũ kenaya hawẽ beputi shui hawaira bepẽshũshanũ ika ushama manai keskakubaĩkãwẽ.

João 3:29

Ha inũ, hunĩ txipax bitã aĩwanã, ha besti hawẽ beneki. Hakia hawẽ bene benimai hawẽ aĩbe hãtxai nĩkatã hawẽ haibuaiburi benimatxakayamamisbu keskai eãri Jesus haskai nĩkatã ẽ benimahairariaii.

2 Coríntios 11:2

Haska matukiri xinaĩ nui ẽ matu yauximisrã, ibubis ẽ yurawẽ matu yauxiama haska Deusũ matu abuai ea matu amamiski. Matu haska wakatsi ikĩ hawenabũ Cristo mã hawa heneyamashanũbũ ẽ haska matu yuiaii. Huni betsã hawẽ bake txipax tsuã pesariama huni betsa yubamis keska wakĩ eãri Cristokiri matu yusĩkinã, hawa txakabu hayama keska Cristo ẽ matu beismakatsis ikĩ ẽ matube yubakayamaki.

Efésios 5:23

Haska inũ, Cristo mã ikũwaĩburã, Cristorã, matũ bushkaki. Maturã, mã hawẽ pabuki. Matũ bushka matũ mekenikaki. Habiaskari mã aĩbu beneyaburã, matũ benerã, matũ bushkaki, hatũ matu mekemisrã.

Efésios 5:32

Aĩyaĩ inũ beneyai yura bestitxai keska hiwearã, mĩ tapĩtirurã, bikaki. Hakia habiaskariai Cristo inũ dasibi ha ikũwaĩbu haki dasia habiaskariki, Cristoki nũ haki dasia nũ yura bestitxai keskaburã.

Filipenses 3:3

Haska nũ yunu kayabiaiburã, nũ nukuki, nũ habũ Deus kẽ kayabi waiburã. Jesus Cristõ ma nuku pewashuniwẽ taeshũ Deusũ Yushĩ Pepatũ nuku kuxipa wakĩ merabewaya hawara nukũmebi nukũ yura anua hina kubitxi bemakisa nũ meshtemis keskawẽ nũ kẽtirubumaki.

Apocalipse 11:13

ha haskabaini nesebainaibũ patxa sakuaya ha mae décima parte pake betsa di akaya 7.000 yurabu debuaibũ dasibi yura betsabu habu hiweyuabu datehairai damapaikĩ Deus nai hirabi shanẽ ibu kuxipahaira ikũwãmabia kẽwaĩbu haskashanaibu nĩkakĩ ẽ uĩshuki.

Apocalipse 19:9

Hanushũ nai tsumã ana ea yuikĩ: “Deusũ hãtxa kayabi ẽ mia yuiai nĩkatã keneriwe, eskarã. Txashuwã bakẽ hawenabu nai anu habe hiwemanũ, iwanã, hatu itxawashũ habetã pirã, benimatxakayamashãkanikiki”, ea haska yuiaya

Apocalipse 21:2

Hanushũ ana betsa tashnikiranai uĩkĩ aĩbũ huni benewanũ, iwanã, hawẽ beneki nukui kanũ ika hawẽruai keskamis Jerusalém maewã bena ma dasibi iruya pepaya Deusũ nai anua buteaya

Apocalipse 21:9

Hanushũ sete nai tsumabũ ha sete Deusũ yurabu hawẽ henea kupiti mese kẽtxa betsa mata tsuma eki nukushũ ea yuikĩ: “Txashuwã bakẽ aĩyãshanai yusĩkĩ mia kayatiwamanũ nerishũ uĩyuwe”, iwanã,

1 Samuel 2:1

Eska hãtxawẽ Anã Senhor Deus kẽwaĩ kãtakĩ yuibaĩkĩ: “Senhor Deusuũ, mĩ ea kushipa bena inaĩwẽ taea mia shinaĩ ẽ huĩti benimaii. Mĩ ea merabewaimawẽ taeshũ eki kashemisbu hatu binui benimahairakĩ ẽ hatu txitetiruki. Mĩ ea merabewaimawẽ taea ẽ benimaii.