Apocalipse 14:15 - Kaxinawá Bíblia (BR)

¹⁵ Templo nai anua nai tsuma betsa kaĩkirãkĩ ha nai kuburuki tsauwa yunukĩ hui kuxipawẽri yuikĩ: “Yurabu mai anu hiweabu yunu banaimabu keskarã, ma hanu kania tsekati keskaki. Hanũ mĩ beki matxatu txaipa mĩ tsumawẽ shekiwã meshtea keska wakĩ itxawashũ aruriwe”, aka

Kashinawa : Diosun Jesúswen taexun yuba bena yiniki

¹⁵ Templo nai anua nai tsuma betsa kainkidankin ja nai kubuduki tsaua yunukin jui kushipawendi yuikin: “Yudabu mai anu jiweabu yunu banaimabu keskadan, ma janu kania tsekati keskaki. Janun min beki machatu chaipa min tsumawen xachiwan mextea keska wakin ichawaxun adudiwe”, aka

Apocalipse 14:15 Referencias Cruzadas

Gênesis 15:6

Abrão Senhor Deusũ hãtxa nĩkakĩ ikuaĩwẽ taeshũ Senhor Deusũ hakiri shinãkĩ yuikĩ: “Abrão huni txakabuma pepaki”, itã

Joel 3:13

Ha yurabu txakabuhairabu hatu detekinã, ma shekiwã tsekatitiã kani hushiã daka meshtekĩ tsekamisbu keska hatu washãkãwẽ. Vinho wãti ma uva bimi hushĩ keyua tsekatã haki pai pai imisbu keska wakĩ hatu maemakĩ keyushãkãwẽ.

Mateus 13:30

Hau habiaska habe yumeyunũ meyamayukãwẽ. Ha dabe husia ewai hanu huxiaĩtiã tsekakĩ ẽ hatu yunua ha mibã txakabu dukũ meshteshũ neatã mãtxiãbu ẽ kuashanaii. Hanushũ ẽ shekiwã bimi pepa meshtekĩ itxawariatã ẽ dayarubũ ea arushũshãkanikiki”, hatu waniki— iwanã,

Mateus 13:39

Ha inũ, ha haki sinatakĩ heshe txakabu sa ashũmisrã, Satanáski. Ha inũ, hanu tsekatitiã ishanairã, ma mai hirabi keyuikiki. Ha haskaitiã mai anua hau yurabu bimi tseka keska wanũbũ ẽ nai tsumabu ẽ hatu yunushanaii.

Mateus 23:32

Matũ shenipabũ txakabuwakĩ taewanibuwẽ taeshũ mã habũ bababũ habiaskari wakĩ hatu meneshũshãkãwẽ.

Marcos 4:29

Hanua txuxiaya ibuã tsekakĩ meshtekĩ itxawamiski. Haska keskari wakĩ Deus ikũwaĩbu itxawariashãkanikiki— iwanã,

Apocalipse 11:19

hanushũ Templo nai anua bepẽshũ ha hiwe meranua Deusũ nukũ shenipabu yubani kene hi bauki arua hatu uĩmaya kana baka baka iki tĩ ikaĩkainaya patxa sakuaya barush ui ewapabu niri iki haskai keyushanai ẽ uĩshuki.

Apocalipse 13:12

ha yuinaka mese atimapa betsarã, ha ha dukũ tenãnibubia ma hawẽ dete bunitũ hawẽ kuxipa dasibi hayatũ ha bebũshũ mai hirabi anu hiweabu ha ha dukũ yuinaka mese atimapa hatu kẽwãmakubaĩkĩ

Apocalipse 14:14

Hanu ana betsa kaĩaĩ uĩkĩ nukũ Hutxi Kayabi Iuwa nai hushupa kuburuki tsauwa shanẽ ibũ ouro maiti maia inũ hawẽ mekẽwẽ beki matxatu txaipa ewapa kenuhaira tsuma ẽ uĩshuki.

Apocalipse 14:16

hanushũ ha nai kuburuki tsauwatũ hawẽ beki matxatu txaipa bekũkĩ Deusunabu mai anuabu meshtea keska wakĩ hatu itxawashuki, mekekinã.

Apocalipse 14:17

Hanua nai tsuma betsa Templo nai anua beki matxatu txaipa kenuhaira tsuma kaĩriakiranaya

Apocalipse 14:18

hanua nai tsuma betsã txi dasibi yununika Deus kẽwãkĩ tapu hanu hawẽ inãkuĩti hanamisbu anua kaĩkirãkĩ nai tsumã beki matxatu txaipa tsuma hui kuxipawẽ yunukĩ: “Yurabu txakabu uva bimi ma huxiã keskaki. Kania tibi meshteshũ itxawariwe”, akaya

Apocalipse 15:6

ha meranua sete nai tsumabũ ha tibitũ hawẽ hatu itxakawati tsuma kaĩbiranaibũ habũ tarirã, hushupa txashahaira sawea inũ ouro nanesheketi shutxi putxinĩ kesua sawea mapuabu

Apocalipse 16:17

hanua ha nai tsumabu hawẽ henea ha sétimo kashũ hawẽ kẽtxaki Deus sinatamis mata hawẽ huĩsinaibu anu niwe anu hukaya hanua Deus shanẽ ibu haki tsauti hawẽ hiwe anua hãtxa kuxipa kaĩkĩ yuikĩ: “Ma hatis besti ẽ keyushuki”, ikaya

Apocalipse 6:10

habũ hãtxa kuxipawẽ yuikĩ: “Mĩ nukũ Shanẽ Ibu binu keyua meribi mĩ txanima kayabiki. Haskakẽ mai anushũ habũ nuku tenãniburã, hatiã mĩ hatu unãti watã hatu nuku kupishũshanai?” akabu