Apocalipse 14:13 - Kaxinawá Bíblia (BR)

¹³ Hanushũ nai anushũ hui betsa tashnikĩ ea yunukĩ: “Na hãtxa keneriwe. Na habia unuri pakea nukũ Shanẽ Ibuki dasitã mawakubaĩshanaiburã, Deusũ hatu benimahairawashanikiki”, ikaya hanushũ Yushĩ Pepatũri ea yuikĩ: “Habiaskaki. Haburã, hatũ daya henetã huĩrukũ bestishãkanikiki. Ha inũ, hamapai xarabu Jesus Cristo ashũkubaĩmisbuwẽ Deusũ hatu manaku bestishanikiki”, ea wai nĩkakĩ haskashanaibu ẽ uĩshuki.

Kashinawa : Diosun Jesúswen taexun yuba bena yiniki

¹³ Januxun nai anuxun jui betsa taxnikin ea yunukin: “Na jancha kenediwe. Na jabia unudi pakea nukun Xanen Ibuki dasitan mawakubainxanaibudan, Diosun jatu benimajaidawaxanikiki”, ikaya januxun Yushin Pepatundi ea yuikin: “Jabiaskaki. Jabudan, jatun daya jenetan juindukun bestixankanikiki. Ja inun, jamapai shadabu Cristo axunkubainmisbuwen Diosun jatu manaku bestixanikiki”, ea wai ninkakin jaskaxanaibu en uinxuki.

Apocalipse 14:13 Referencias Cruzadas

Salmos 19:11

Ha dikabi mĩ yusiãwenã, mĩ tsuma ea pewakĩ mĩ ea nemamiski. Mia nĩkahairatã mia ashuaĩburã, pehairawẽ mĩ hatu manakumiski.

Isaías 35:10

tsuabura Deusũ hawenawakĩ hatu binirã. Hawẽ maewã Sião anu hikibaini kãtai benibaĩshãkanikiki. Hari hikitã hiwea benimai heneama ipakeshãkanikiki. Haburã, benimai shinã txãkã bestishãkanikiki, haria ana kashai bika tenei eẽ ikama yamakaini pes dakashanikiki.

Mateus 3:17

yurabu nĩkamai nai anua hui tashnikĩ yuikĩ: “Narã, ẽ bakeki. Ẽ abuhairaii, ẽ Katuarã”, anikiaki.

Lucas 16:25

Abraãonẽ yuikĩ: “Baa, eskaki xinãwẽ. Mĩ hiwearã, hawa bika teneama mabuhairaya mĩ hiwekũkainimaki. Mĩ haskaya Lázarorã, nuitapakĩ isĩ txakabu besti tenei hiwekũkainimaki. Hakia natiã Lázaro Deusũ duawakĩ mia kupiaiwẽ taea mĩ nuitapaii.

Lucas 16:9

Haskawẽ taeshũ mabuyatã mã haskakubaĩshanũbũ matu yusĩnũ nĩkakãwẽ. Mabuwẽ kemua mesebiakẽ ha mabu mã hayawẽ merabenãkĩ yurabu haibuwakĩ mã beyawatirurã, yurabube inãnãnaĩ pepashãkãwẽ. Matũ mabu keyuaya hanua mã ea txibãkĩ haska hatu ashũmiswẽ taea Deus matuwẽ benimakĩ nai anu hiweti kayabi inãkĩ matu manakushanikiki.

Romanos 14:8

Hakia nukũ Shanẽ Ibuki ma nũ dasiarã, nũ ha hiweshunaii. Ha inũ, mawairã, nukũ Shanẽ Ibu duawakatsis iki nũ mawashanaii. Natiã nũ hiweyuabu inũ nũ mawashanaiburã, ma nukũ Shanẽ Ibuki nũ dasia nũ ma haskarã, nũ hawẽ yuraki.

1 Coríntios 15:18

Haska inũ, Cristo besteãma inikẽ Cristo ikũwaĩbu hamẽ mawatã benukeãkanaii.

1 Coríntios 15:20

Hãtxa txanima matu yuinũ nĩkairakãwẽ. Cristo mawaxina ha dukũ Deusũ bestẽwaniwẽ taea yuraburi mawakubainaibu hawẽ taeari besteĩ keyushãkanikiki.

1 Coríntios 15:58

Haskakẽ ẽ betsabu inũ ẽ puibuũ, hawara nukũ Shanẽ Ibũ matu yunua heneama akĩ mã hamẽ dayama mã unaĩwẽ taea Jesus txibaĩ txĩtuãma xinã betsa wama nukũ Shanẽ Ibuki shukua pehaira dayakĩ apakekãwẽ.

2 Coríntios 5:8

Na nukũ yura nũ henebaĩshanaii, nukũ Shanẽ Ibube hiwei kakinã. Hawa dateama punu nukama nũ hiweyukũkainaii.

Filipenses 2:17

Ẽ hiwea ẽ matu inãni keska wakĩ ẽ matu ikũwãmaniki. Matũri ikũwãkĩ matũ hiwea mã Deus inãkuĩyaiĩ. Haskawẽ taea ẽ hiwea yauxiama mawakinã, hau mã ikũwãkĩ heneyamanũbũ ẽ hiwea Deus ẽ matu inãkuĩshũtiruki. Ẽ matu haskashuni ẽ benima paewẽ dasibi ẽ matu yuiaii.

1 Tesalonicenses 4:14

Hakia nukurã, nũ ana haskakiri xinãmaki. Jesus mawa Deusũ ana bestẽwani nũ ikũwaiĩ. Haska wani ikũwaĩ nukuri nũ mawa Jesus bestẽwani keska watã ha huaitiãri Deusũ nukuri bestẽwãtã Jesusbe nuku iyushanai nũ unaiĩ.

1 Tesalonicenses 4:16

Hakia Deus nai anua sai ikĩ hawẽ nai tsuma shanẽ ibu yunua hatũ dasibibu itxawaya Deusũ trombeta hawẽ nai tsumã txã txã akaya nai anua nukũ mekenã Cristo butui shaba putxinĩ nikẽ Cristo ikũwaĩ mawanibu habu dukũ Deusũ ana bestẽwãtã

1 Timóteo 5:24

Haska inũ, hatiri ikũwãbiakĩ yurabũ berubi txakabu wamisbuki. Betsabũ hune txakabu wariamisbuki. Haskaibu hatu uĩbiamisbukẽ miã hawa unãma hawaira hatu katukĩ mamepiyamakubaĩwẽ, txipu hatũ txakabu tashnitirukirã.

1 Timóteo 5:25

Habiaskari wakĩ merabenãkĩ pepawaibu bebũkiri unãmisbuki. Hakia betsabũ txakabuwakĩ hune abiaya atimas tapĩriamisbuki.

Apocalipse 1:11

tsuãra ea yuikĩ: “Hawara ẽ mia uĩmai unaki keneshũ Ásia mai pakea anu ha sete yusĩnanaĩ itxamisbu tibi anu bumashãwẽ, Éfeso anu inũ, Esmirna anu inũ, Pérgamo anu inũ, Tiatira anu inũ, Sardes anu inũ, Filadélfia anu inũ, Laodicéia anurã”, ea waya

Apocalipse 10:4

Hawẽtxaĩs seteki dẽke iki betsa betsapai hãtxa nĩkatã hawẽ hãtxa kenẽnũ ishũ ẽ pewaya naiurishũri hui betsawẽ tsuãra ea yuikĩ: “Ha hawẽtxaĩs ha seteki dẽ iki betsa betsapai mĩ nĩkabiashurã, ha keneama hunewe, tsua yuiyamarã”, ea waya

Apocalipse 11:15

Ha sete nai tsumabu hawẽ heneatũ trombeta txã akai ẽ nĩkaya nai anua hui kuxipawẽ habũ kẽwãkĩ yuikĩ: “Nukũ Shanẽ Ibu Deus inũ hawẽ bake Messias Jesus Cristo besti natiã mai hirabi anu ha besti shanẽ ibukĩ hatu mekekubaĩshanikiki, niti ikamarã”, ikaibũ

Apocalipse 11:19

hanushũ Templo nai anua bepẽshũ ha hiwe meranua Deusũ nukũ shenipabu yubani kene hi bauki arua hatu uĩmaya kana baka baka iki tĩ ikaĩkainaya patxa sakuaya barush ui ewapabu niri iki haskai keyushanai ẽ uĩshuki.

Apocalipse 16:17

hanua ha nai tsumabu hawẽ henea ha sétimo kashũ hawẽ kẽtxaki Deus sinatamis mata hawẽ huĩsinaibu anu niwe anu hukaya hanua Deus shanẽ ibu haki tsauti hawẽ hiwe anua hãtxa kuxipa kaĩkĩ yuikĩ: “Ma hatis besti ẽ keyushuki”, ikaya

Apocalipse 19:9

Hanushũ nai tsumã ana ea yuikĩ: “Deusũ hãtxa kayabi ẽ mia yuiai nĩkatã keneriwe, eskarã. Txashuwã bakẽ hawenabu nai anu habe hiwemanũ, iwanã, hatu itxawashũ habetã pirã, benimatxakayamashãkanikiki”, ea haska yuiaya

Apocalipse 2:1

ana Jesusũ ea yuikĩ: “Ha mae anu hatũ Deusũ hãtxa yuishunika Éfeso anua itxamisbu mekea na hãtxa ẽ mia yuiai keneshũriwe: ‘Ha sete bixi ẽ mekẽ yusiuri ẽ tsuma inũ haki bĩ tsaũti sete ouro mane txãkã daka namakis anu ẽ nimistũ na hãtxa ẽ matu yuiai nĩkairakãwẽ.

Apocalipse 2:7

Mã pabĩkiyabunã, Yushĩ Pepatũ ha mã itxamisbu matu yuiai nĩkakãwẽ: Tsuabũra ea danãma habũ maemakĩ binumisburã, mae pepa naiuri hanu Deus hiwea anua hawẽ benimai hiweti hi bimi ẽ matu pimashanaii, niti ikamarã’, ikĩ”, ea washu ẽ matu keneshunaii.

Apocalipse 20:6

Ha inũ, Deusũ hawenabu wakĩ meribi wanishũ habu dukũ bestẽwanã, benimahairashãkanikiki. Haburã, ana hawa hatũ kuxipa mawa dabeki hayamahaira ishãkanikiki. Haskawẽ taea Deus inũ Jesus Cristo dayashuni hãtxashuni besti habe shanẽ ibui 1.000 ano habe shanẽ ibushãkanikiki.

Apocalipse 21:5

hanua shanẽ ibu haki tsauti anushũ nukũ Shanẽ Ibũ ea yuikĩ: “Txanima hãtxa xinã kaya ẽ mia yuiai keneriwe, eskarã. Uĩa. Eãnã, dasibi ẽ bena wakĩ keyuaii”, itã

Apocalipse 22:17

hanua nũ Txashuwanẽ aĩnẽ habũ nũ ikũwaĩbunã, Yushĩ Pepabetã Jesus yuikĩ: “Huriwe!” nũ ikaya tsuabũra nuku nĩkakĩ: “Hau hurinũwẽ!” hau irianũbũwẽ. Ha inũ, tsuabura ũpash manui keskakĩ Deus benakĩ Jesus txibãkatsis ikĩ hau ikũwanũbũwẽ. Haska watã hawẽ ũpash hiwemati haya hau aki benũbũwẽ, hawa pakamarã.

Apocalipse 6:11

yushĩ datãbu Deusũ hatu yuikĩ: “Maturã, huĩrukũyukãwẽ. Ikismaki. Ẽ tsumabu betsa matu keska ea dayashũmis haburi hau tenãyunũbũwẽ. Habũ matu tenãmis keskariwakĩ ẽ hatu kupishanai manayukãwẽ”, itã habu tibi pepawẽ kupikĩ tari hushupa txaipa hatu inãkĩ sawemakĩ keyuaya