Amós 2:15 - Kaxinawá Bíblia (BR)

¹⁵ Hawẽ piaki txiti ika kushipabiamis haskatã ibubis meketirubuma ishanikiki. Kai hawaira nia nia ibiabaĩmisbu inũ, cavaloki katsaumebaĩmisbu haskatã ibubis pashai meketirubuma iriashãkanikiki.

Amós 2:15 Referencias Cruzadas

Isaías 31:3

Egito nawaburã, hunibu bestiki, deusmarã. Hatũ cavalorã, nami inũ shau besti hayaki, yushĩmarã. Deusũ hawẽ kushipa yunukĩ hatu kupiaitiã ikirã, eskashãkanikiki. Egito nawabũ hawẽ kushipawẽ mekenikabu inũ Israelĩ enabu hatuki iruaibu ha dabe mawai dasibi hanus di ishãkanikiki, benui keyuirã.

Amós 9:1

Jerusalém anu hawẽ kẽwãti Templo hemaĩtĩ anu txi tapu dapi Senhor Deus nia ẽ uiãyã ea yuikĩ: “Ha txibu masua tibiki mane bronze maiti hawẽrua haya hau teskekirã niri ikĩ yurabu hau hatu txusha txusha akubainũ ha bronze dera dera akĩ pure pure akubaĩkĩ heneyamashãwẽ. Tsuara habu ha tekekirã hatu tenãmarã, haburã, nupe txaipawẽ ẽ hatu tenãmashanaii. Pashabiai haskatã bestitxai hamesti piskukaini iruama ishanikiki.