2 Samuel 5:2 - Kaxinawá Bíblia (BR)

² Txanima Saul nukũ shanẽ ibubiakẽ miã Israel detenamenikabu mĩ hatu yunu pewakubaĩkĩ Filisteu nawabube mĩ hatu detenamemakubainimaki. Ha inũ, shanẽ ibukĩ Israelĩ enabu dasibi mĩ yunukubaĩshanũ katukĩ Senhor Deusũ mia yubanikiaki. Haskawẽ taea nukũ shanẽ ibu iriakũkaĩshãwẽ”, akeakeabu,

2 Samuel 5:2 Referencias Cruzadas

Gênesis 49:24

hakia hatũ pũyã pũshukuama kushipakĩ minabũ hatu maemakubaĩshãkanikiki. Jacó Deus kushiparã, pehairaki! Israelĩ mekenika kushipa ẽ kẽwaiĩ.

2 Samuel 6:21

kemakĩ Davĩ yuikĩ: —Txanimaki. Senhor Deusũ ea uiãyã kẽwãkĩ benimawai hamẽ ikama ẽ nawashuki. Senhor Deusũ enabu Israelĩ enaburã, ẽ hatũ shanẽ ibu ikũkaĩshanũ mĩ epa danãtã minabu katuama Senhor Deusũ ea katuniki. Haskawẽ taea ha bebunua ẽ nawashuki, hawa dakeamarã.

2 Samuel 7:7

Bari tibi mĩ shenipabube ẽ kakũkaini enabu Israelĩ enabu shanẽ ibu tibi ẽ hatu katukubainaitiã hanushũ kẽwãti kusha hiwe hau ea washunũbũ ẽ hawa hatu yunuamahaira ikũkiraniki.’

2 Samuel 7:8

Ha dikabi ẽ ea Senhor Deus kushipahaira dasibi binuatũ haska ẽ mia yuai keskari ẽ tsuma Davi ea yuishũtãshãwẽ: ‘Enabu Israelĩ enaburã, mĩ hatu yunui shanẽ ibukũkaĩshanũ txashuwã itxapa mekekubaini nãta basi bai anu nia txashuwã txipi hatxũ mĩ nia kenatã ẽ mia katuniki.

Isaías 40:11

Txashuwã mekenikatũ hawẽ txashuwã shukua hatu mekemis keska wakĩ txashuwã bake bitã hawẽ shutxi anu ikubaĩkĩ inũ dama kaĩ benabu meke pewamisbu keska wanũ ika ma huikiki, nukũ Shanẽ Iburã.

Isaías 55:4

Ẽ haibu Davi ekiri txanikaũti eã ẽ nawabu unãti wamaniki, shanẽ ibukĩ hau habu ekiri tapĩmashanunã.

Miquéias 5:4

Ha huni kaini ewatã shanẽ ibu kaĩkĩ hawenabu mekekatsi hawẽ mekenika Senhor Deusũ kushipawẽ hawenabu mekekubaĩshanikiki, nuku unanuma hiwemakinã. Mai hirabi kesua anushũ Senhor Deus kẽwãkubainaibuwẽ taeshũ

João 10:11

Earã, ẽ matũ mekenã pepaki. Mekenã pepatunã hawẽ txashuwã mekei yauxi mawashũtiruki.

Hebreus 2:10

Deusũ dasibi damiwakinã, hawena aniki, hawẽ kuxipawenã. Haska abuai keska dasibi hawẽ bakebu hawẽ kuxipayari hau habe hiweshanũbũ haska xinãkĩ Deusũ hawẽ bake Jesus Cristo nuitapawakĩ dasibi menemakĩ nukũ mekenika nuku washuniki.

1 Samuel 13:14

Hakia mĩ shanẽ ibui taebiaimakẽ minaburi ikubainama ishanikiki. Haskawẽ taeshũ huni betsa pepa haska betxipaiai keska ashũtiru Senhor Deusũ ana katushanikiki, Israelĩ enabu shanẽ ibu betsa mistukinã— abaini

1 Samuel 16:1

Atimas Senhor Deusũ Samuel yuikĩ: —Saulwẽ taearã, hatiã hawẽ nui kashakũkaini mĩ hakimashanai? Israelĩ enabu Saul hatu shanẽ ibushũkũkainai ana haskai ẽ betxipaiamaki, mĩ haska shinainã. Menã benikaĩ ha piti sheni mĩ txashuwã mashũ bishtuki mata watã Belém anu huni betsa Jessé hiwea anua hawẽ huni bake betsa hau ha Israelĩ enabu shanẽ ibushũkũkaĩshanũ ẽ ma katushinawẽ taea hari katãwẽ— aka

1 Samuel 18:13

ana habe hiwemama nitxĩkĩ hau hatũ detenamenikabu shuku betsa hau yununũ comandante wakĩ Davi yunushina hatuki sinataibube detenamemakĩ Davĩ hatu iyutãtãkĩ iwebirãbiranaya

1 Samuel 18:16

hakia hatube detenamenũ ika butã butanaibũ Davĩ hatu pe yunukubainaiwẽ taeshũ Israelĩ enabu inũ Judá enabu dasibibũ Davi betxipaiaibũ

1 Samuel 18:5

Haska Saulũ Davi yunua ashũkĩ Davĩ hawẽ unanepa uĩmakubainaiwẽ taeshũ detenamenikabũ shanẽ ibu beshmas Saulũ Davi washĩkẽ hanushũ Saulũ shanẽ ibu beshmasbu inũ hawẽ detenamenikabu dasibibũ Davi betxipaikubainibukiaki.

1 Samuel 9:16

“Meshukiri habia bariri huni betsa Benjamimnẽ enabũ maiwã pakeanua hanu mianu betsa ẽ yunushanaii. Israelĩ enabu ẽ hatu ena wani hau habũ shanẽ ibu ikũkaĩshanũ ha huni ea katushũkĩ ea meribi washũshãwẽ. Filisteu nawabũ hatu itxakawaibu bika tenekĩ Israelĩ enabũ ea yukaibu hatuwẽ nuikĩ ẽ nĩkaiwẽ taeshũ ẽ hatu merabewaya Filisteu nawabu ha hunĩ maemakĩ ea hatu putamashũshanikiki”, aka Samuelĩ nĩkashinawẽ taeshũ