2 Samuel 5:1 - Kaxinawá Bíblia (BR)

¹ Hebrom anu Judá enabu Davi hatũ shanẽ ibu ikaya Israelĩ enabu shukua tibibũ anibu unanepabu Davibe hãtxanũ ika Hebrom anu bushũ Davi yuikĩ: “Dasibi nũ nukuburã, Jacó nukũ shenipabuwẽ taea nũ habiabuski, huni betsamarã.

2 Samuel 5:1 Referencias Cruzadas

Gênesis 29:14

Labão Jacó yuikĩ: —Mĩ enabu kayabiki, mĩ nami inũ mĩ shaurã, ẽ himi keskarã— akima hatube dayai Jacó hiwekĩ hatu merabewakĩ txashuwã mekei ushe bestitxai nitxiãyã

2 Samuel 19:12

Habu yuikĩ: ‘Ẽ ana hawaki teatimaki. Hatiã mã ea iyuai? Hatishuĩra ẽ manatirumaki. Maturã, mã enabu kayabiki’, akĩ hatu hãtxa bumatã

2 Samuel 19:13

hanushũ Amasakiri hãtxa bumakĩ yuikĩ: ‘Mĩ ẽ puĩ bakewẽ taea nũ habias namiki. Joabe shãtukũ ẽ detenamenikabũ mĩ hatũ shanẽ ibu ikũkaĩshanũ ẽ mia katui kakatsi shinaiĩ. Haska ẽ mia yubai nĩkawe. Ẽ mia yubashina ẽ mia akamakẽ Senhor Deusũ hau ea kupihairashanũwẽ’ ”, hatu wa Zadoque inũ Abiatarĩ habias hãtxa Davikiri hatu yuishunabu

2 Samuel 19:14

haska nĩkatã Judá enabũ hunibu dasibibũ shinã betsa watã habiaskas shinãkĩ hatũ hãtxa Davikiri yuikĩ: “Shanẽ ibu Davirã, hau dasibi hawẽ shanẽ ibu beshmasbube Jerusalém anu hau txĩtũrikiranũwẽ”, ashiãbu

2 Samuel 19:43

ha ikĩ Israelĩ hunibũ kemakĩ yuikĩ: —Matunabubia mã haska shinãmakẽ nukũ shanẽ ibũ nuku dasibi mekemiswẽ taea nukũ dukũ ikatsi nũ shinã taewashinaki, 10 shukua nũ matu binuabunã. Maturã, mã shuku bestitxaiki. Haskakĩ mã nuku danaĩ? Davi shanẽ ibuhairawanũ, iwanã, ana iweti shinãkĩ nuku dukũtũ nũ shinãshinaki, matu dukũmarã— hatu wabu txanima shinã pewabiai ha ibukuni Israelĩ hunibu binukĩ hãtxa kushipawẽ Judá hunibũ hatu ha a txakayamanibukiaki.

Efésios 5:30

hawẽ yurakenã. Nukuburã, ha yurakirã, nũ hawẽ pabu tibiki.

Hebreus 2:14

Hatũ ibubũ hatu bake bikĩ habias nami inũ himi haya wamiski. Haska keskariai Jesus damiriatã tashninũ ika yurabũ nami inũ himi keska biniki. Haska bitã hawẽ hatu tenãmis kuxipa diabo Satanás haya maemakĩ binũtã hatu meshpamanũ ika hawẽ yurawẽ Jesus yurabu mawashuniki.