2 Coríntios 7:13 - Kaxinawá Bíblia (BR)

¹³ Hawaira ẽ yunuti txibãkĩ mã akimakẽ ana huĩti nixmama matuwẽ hanũkaĩ nũ xinã txãkaiĩ. Haska bestiwẽma Tito matube hãtxakĩ matũ xinã pe unãtã matuwẽ xinã txãkãkirani nukuki ana nukutã matukiri nukuki txaniaya haska tibi matukiri nĩkatã nũ benimahairakũkainaii.

Kashinawa : Diosun Jesúswen taexun yuba bena yiniki

¹³ Jawaida en yunuti chibankin man akimaken ana juinti nishmama matuwen janunkain nun shinan chankaiin. Jaska bestiwenma Tito matube janchakin matun shinan pe unantan matuwen shinan chankankidani nukuki ana nukutan matukidi nukuki chaniaya jaska tibi matukidi ninkatan nun benimajaidakunkainaii.

2 Coríntios 7:13 Referencias Cruzadas

Romanos 12:15

Ha inũ, tsuara huĩti benimai xinã txãkaĩbube habiaskariai hatuberi benimai xinã txãkãkubaĩkãwẽ. Ha inũ, tsuara bika teneai huĩti nixma punu nukakẽ habiaskari habetã xinãriakubaĩkãwẽ.

Romanos 15:32

Haska Deusũ ea yunuaya matu anu kai hikitã hanua benimai ẽ huĩrukũyushanũ haskakiri Deus ea yukariashũshãkãwẽ.

1 Coríntios 12:26

Haska inũ, nukũ pabu betsã hawara bika teneaya dasibi yura isĩ tenemiski. Haska keskariai ikũwaĩ betsa hawara txakabu teneaya dasibibũ habetã tenetirubuki. Ha inũ, nukũ pabu betsaki hawara hawẽrua nũ sawemaya nukũ yura hirabi hawẽruamiski. Haska keskariai ikũwaĩ betsa tsuãra kẽwãkĩ duawaibũ dasibi hawẽ nũ benimamiski.

1 Coríntios 16:13

Kuxipai hawaki teama Jesus txibaĩ txĩtuãma hamapai txakabu danaĩ mestẽnepakubaĩkãwẽ, niti ikamarã.

1 Coríntios 16:18

Habũ mã ea ashũtiru keska wakĩ ea anu bexĩshũ ẽ huĩti xinã txãkãwãkĩ ea benimawakanikiki. Ikũwaĩ betsabu haska keskabu duawariakubaĩshãkãwẽ.

2 Coríntios 2:13

Cristowẽ taea ẽ betsa Titoki ẽ nukuriama inũ matukiria hawa bana nĩkariama ẽ huĩti punu nuka kayashũ hatu yuikĩ: “Ẽ ma kaii”, itã Macedônia mai pakea anu Tito benai ẽ kaĩkainimaki.

2 Coríntios 7:14

Haska hãtxa txanima nũ matu yuimis keska wakĩ Tito matu anu ẽ nitxĩriama matukiri kẽwãkĩ ẽ kaneama ikimawẽ taea ẽ hawa matuki txakabumaki. Haskawẽ taea txanima hawara matukiri ẽ yuima mã habiaskaki. Haska ẽ Tito yuima keska uĩmakĩ mã beyawaimawẽ taea nũ matu kẽhairawaii.

2 Coríntios 7:15

Ha inũ, haska eki inũ ẽ keneki mesekĩ Tito beyawakĩ mã iakeakekĩ ẽ kene ẽ matu anu bumayama nĩkatã ẽ yunuti mã txibãmis xinaĩ matu uĩtãyamashũ Titõ ana matu abuhairakubainikiki.

2 Coríntios 7:6

Hakia haska yura babu punu nukabu Deusũ benimawamistũ nukũ haibu Tito nukuki nukumakĩ Deusũ nuku benimawaimaki.

Filipenses 2:28

Haskawẽ taeshũ matu anu hawa ana tea wama ẽ matu nitxĩshunaii, ana matu uĩma uĩ mã benimaya ana ẽ matuwẽ punu nukuyamanunã.

2 Timóteo 1:16

Ea haska wabiaibũ nenu Roma anu ẽ bikai hiwebiakẽ nukũ haibu Onesíforõ Roma anu hikituxitã hawa huĩrukuãma ea betxinũ ika ea benatxakayamakĩ atimas ea betximaki. Ẽ mane dispi txiwetameyawẽ ẽ meneshekeaki dakeama hawẽtxaĩs ea merabewakĩ ea xinã txãkãwãbirãbiranimaki. Ea haska waimakẽ Deusũri hawenabuswẽ nuikĩ hau hatu merabewakubainũwẽ.

Filemom 1:20

Ẽ betsaã, eskaki, xinãwẽ. Mĩ ebetã Cristo ikũwaĩnã, nukũ Shanẽ Ibu benimawanũ ika ana haki sinatama ewẽ nuikĩ Onésimo ea haska washũshãwẽ, ea huĩti xinã txãkãwãkinã, haska nũ Cristõ betsawẽ taearã.

Filemom 1:7

Jesus Cristowẽ ẽ betsaã, mĩ nuikipawẽ taea miwẽ taea benimai ẽ xinã txãkaiĩ, ikũwaĩbu Deusunabu meribi huĩti xinã txãkãwãkĩ mĩ hatu nuikipa wakubaĩmiswẽ taearã.

1 Pedro 3:8

Haska tibi ẽ matuki txanishurã, haska bestiwẽ hiwekĩ Jesus ikũwaĩbu tibibube habias xinãwãtã hatuki dasia binunãnãma pepai babu keskatã keãma abunamekubaĩkãwẽ.