2 Coríntios 7:13 - Kashinawa : Diosun Jesúswen taexun yuba bena yiniki

¹³ Jawaida en yunuti chibankin man akimaken ana juinti nishmama matuwen janunkain nun shinan chankaiin. Jaska bestiwenma Tito matube janchakin matun shinan pe unantan matuwen shinan chankankidani nukuki ana nukutan matukidi nukuki chaniaya jaska tibi matukidi ninkatan nun benimajaidakunkainaii.

Kaxinawá Bíblia (BR)

¹³ Hawaira ẽ yunuti txibãkĩ mã akimakẽ ana huĩti nixmama matuwẽ hanũkaĩ nũ xinã txãkaiĩ. Haska bestiwẽma Tito matube hãtxakĩ matũ xinã pe unãtã matuwẽ xinã txãkãkirani nukuki ana nukutã matukiri nukuki txaniaya haska tibi matukiri nĩkatã nũ benimahairakũkainaii.

2 Coríntios 7:13 Referencias Cruzadas

Romanos 12:15

Ja inun, tsuada juinti benimai shinan chankainbube jabiaskadiai jatubedi benimai shinan chankankubainkanwen. Ja inun, tsuada bika teneai juinti nishma punu nukaken jabiaskadi jabetan shinandiakubainkanwen.

Romanos 15:32

Jaska Diosun ea yunuaya matu anu kai jikitan janua benimai en juindukunyuxanun jaskakidi Dios ea yukadiaxunxankanwen.

1 Coríntios 12:26

Jaska inun, nukun pabu betsan jawada bika teneaya dasibi yuda isin tenemiski. Jaska keskadiai ikunwain betsa jawada chakabu teneaya dasibibun jabetan tenetidubuki. Ja inun, nukun pabu betsaki jawada jawendua nun sawemaya nukun yuda jidabi jawenduamiski. Jaska keskadiai ikunwain betsa tsuanda kenwankin duawaibun dasibi jawen nun benimamiski.

1 Coríntios 16:13

Kushipai jawaki teama Jesús chibain chintuanma jamapai chakabu danain pepakubainkanwen, niti ikamadan.

1 Coríntios 16:18

Jabun man ea axuntidu keska wakin ea anu beshinxun en juinti shinan chankanwankin ea benimawakanikiki. Ikunwain betsabu jaska keskabu duawadiakubainkanwen.

2 Coríntios 2:13

Cristowen taea en betsa Titoki en nukudiama inun matukidia jawa bana ninkadiama en juinti punu nuka kayaxun jatu yuikin: “En ma kaii”, itan Macedonia mai pakea anu Tito benai en kainkainimaki.

2 Coríntios 7:14

Jaska jancha chanima nun matu yuimis keska wakin Tito matu anu en nichindiama matukidi kenwankin en kaneama ikimawen taea en jawa matuki chakabumaki. Jaskawen taea chanima jawada matukidi en yuima man jabiaskaki. Jaska en Tito yuima keska uinmakin man beyawaimawen taea nun matu kenjaidawaii.

2 Coríntios 7:15

Ja inun, jaska eki inun en keneki mesekin Tito beyawakin man iakeakekin en kene en matu anu bumayama ninkatan en yunuti man chibanmis shinain matu uintanyamaxun Titon ana matu bechipaijaidakubainikiki.

2 Coríntios 7:6

Jakia jaska yuda babu punu nukabu Diosun benimawamistun nukun jaibu Tito nukuki nukumakin Diosun nuku benimawaimaki.

Filipenses 2:28

Jaskawen taexun matu anu jawa ana tea wama en matu nichinxunaii, ana matu uinma uin man benimaya ana en matuwen punu nukuyamanunan.

2 Timóteo 1:16

Ea jaska wabiaibun nenu Roma anu en bikai jiwebiaken nukun jaibu Onesíforon Roma anu jikitushitan jawa juindukuanma ea bechinun ika ea benachakayamakin atimas ea bechimaki. En mane dispi chiwetameyawen en menexekeaki dakeama jawenchains ea medabewakin ea shinan chankanwanbidanbidanimaki. Ea jaska waimaken Diosundi jawenabuswen nuikin jau jatu medabewakubainunwen.

Filemom 1:20

En betsaan, eskaki, shinanwen. Min ebetan Cristo ikunwainan, nukun Xanen Ibu benimawanun ika ana jaki sinatama ewen nuikin Onésimo ea jaska waxunxanwen, ea juinti shinan chankanwankinan, jaska nun Criston betsawen taeadan.

Filemom 1:7

Jesucristowen en betsaan, min nuikipawen taea miwen taea benimai en shinan chankaiin, ikunwainbu Diosunabu medibi juinti shinan chankanwankin min jatu nuikipa wakubainmiswen taeadan.

1 Pedro 3:8

Jaska tibi en matuki chanixudan, jaska bestiwen jiwekin Jesús ikunwainbu tibibube jabias shinanwantan jatuki dasia binunananma pepai babu keskatan keanma bechipainamekubainkanwen.