2 Coríntios 2:1 - Kaxinawá Bíblia (BR)

^1-4 Haska matukiri xinãkĩ matũ huĩti punu nukawakĩ tsiũ akatsi ikama haska ẽ matuwẽ nuihairai mã ea unãnũbũ, iwanã, matu xinãkĩ kashabetanã matu merabewanũ, iwanã, ẽ matu kene bumaimaki. Matu anu hikituxitã tsuabura ẽ matu huĩti punu nukawakĩ tsiũ akaya tsuã eari benimawatirumaki, ẽ matu punu nukawatuxikenã. Hanua mã ma pewaxĩkẽ ea benimawaya maturi ewẽ mã benimashanaii. Haskakẽ natiã matu anu ẽ kakatsi iyuamaki.

Kashinawa : Diosun Jesúswen taexun yuba bena yiniki

^1-4 Jaska matukidi shinankin matun juinti punu nukawakin tsiun akatsi ikama jaska en matuwen nuijaidai man ea unanunbun, iwanan, matu shinankin kaxabetanan matu medabewanun, iwanan, en matu kene bumaimaki. Matu anu jikitushitan tsuabuda en matu juinti punu nukawakin tsiun akaya tsuan eadi benimawatidumaki, en matu punu nukawatushikenan. Janua man ma pewashinken ea benimawaya matudi ewen man benimaxanaii. Jaskaken natian matu anu en kakatsi iyuamaki.

2 Coríntios 2:1 Referencias Cruzadas

Hechos 11:29

Haskaibũ Judéia anushũ ikũwaĩ nuitapaibu hatu merabewanũ, ishũ, yuinametã hatu pei itxawashũkĩ pei itxapayabũ itxapa inãkĩ eskarabes hayabũ eskarabes inãkĩ hatu itxawashũtã hanua

Hechos 15:2

hanushũ Paulo inũ Barnabẽ haska hatu yusĩaĩbu danaĩ hatube yuinamei ha itxakayamai itimaskaibũ haska abuama atimas ikũwaĩbu itxatã Paulo inũ Barnabé inũ ikũwaĩ betsabu katushũ hau haska yusĩa husiaibu pewakĩ Jesusũ kuxipaya betsabu inũ mekenikabu Jerusalém anuabubetã pewai hau hatube hãtxatanũbũ hatu yunukĩ

Hechos 15:37

Barnabẽ kemakĩ: —Kakinã, João Marcos nũ ana iyutirumẽ?— aka

1 Coríntios 2:2

Jesus Cristo cruzkia mawakĩ hawara nuku ashuni mã nĩkakĩ ikũwanũbũ ana hamapai miyui tibi betsa betsapakiri xinãkatsi ikama Jesus Cristo bestikiri has xinãkĩ yusĩ ẽ matube hiwekũkainiki.

1 Coríntios 4:21

Haskara ẽ matu wai kashanai, mã abuai? Kashũ hiyashũ daka ẽ matu kupi kashãti? Ẽ daki matu merabewakĩ duawai unãshubira hãtxai kashãti? Haskakẽ ewẽ dateama pe hiwekubaĩkãwẽ.

1 Coríntios 5:3

Natiã hari ẽ yura ẽ matubemabia ẽ xinãwẽ ẽ matu anu keskashũ unãtã mã haskai hiwea ha huni hawẽ aniwabe hiwea ẽ matu yunuai nĩkakãwẽ.

2 Coríntios 1:23

Haskakẽ matu dake tenemakatsi ikama haskai mã Corinto anuabu ẽ kariama hau nukũ Epa Deusũ matu shabakabi unãmanũwẽ, ẽ txanitxakama ea unaĩkikirã.

2 Coríntios 13:10

Haskakẽ matu uĩ kashũ matu ha akĩ nixmawakĩ ẽ matu ana babu wayamashanũ hakia merabewakĩ ẽ matu kuxipa wakubaĩshanũ nukũ Shanẽ Ibũ hawẽ kuxipa ea inãniwẽ matu yamawama mã ikũwaĩbu ẽ matu kuxipa wakatsis ikaii. Haskawẽ taea matu anu kariama bebũkiri ẽ hãtxa keneshũ ẽ matu bumaiwẽ taeshũ xinaĩrakãwẽ.

Tito 3:12

Uĩa, niwehairaitiã Nicópolis anu ẽ hiweyushanaii. Mĩ dayai anu Ártemas kasmai Tíquico ẽ yunua mia anu kaya hanu hawairakirã Nicópolis anu eki nukui hushãwẽ.