2 Coríntios 2:1 - Kashinawa : Diosun Jesúswen taexun yuba bena yiniki

^1-4 Jaska matukidi shinankin matun juinti punu nukawakin tsiun akatsi ikama jaska en matuwen nuijaidai man ea unanunbun, iwanan, matu shinankin kaxabetanan matu medabewanun, iwanan, en matu kene bumaimaki. Matu anu jikitushitan tsuabuda en matu juinti punu nukawakin tsiun akaya tsuan eadi benimawatidumaki, en matu punu nukawatushikenan. Janua man ma pewashinken ea benimawaya matudi ewen man benimaxanaii. Jaskaken natian matu anu en kakatsi iyuamaki.

Kaxinawá Bíblia (BR)

^1-4 Haska matukiri xinãkĩ matũ huĩti punu nukawakĩ tsiũ akatsi ikama haska ẽ matuwẽ nuihairai mã ea unãnũbũ, iwanã, matu xinãkĩ kashabetanã matu merabewanũ, iwanã, ẽ matu kene bumaimaki. Matu anu hikituxitã tsuabura ẽ matu huĩti punu nukawakĩ tsiũ akaya tsuã eari benimawatirumaki, ẽ matu punu nukawatuxikenã. Hanua mã ma pewaxĩkẽ ea benimawaya maturi ewẽ mã benimashanaii. Haskakẽ natiã matu anu ẽ kakatsi iyuamaki.

2 Coríntios 2:1 Referencias Cruzadas

Hechos 11:29

Jaskaibun Judea anuxun ikunwain nuitapaibu jatu medabewanun, ixun, yuinametan jatu pei ichawaxunkin pei ichapayabun ichapa inankin eskadabes jayabun eskadabes inankin jatu ichawaxuntan janua

Hechos 15:2

januxun Pablo inun Bernabén jaska jatu yusiainbu danain jatube yuinamei ja ichakayamai itimaskaibun jaska bechipaiama atimas ikunwainbu ichatan Pablo inun Bernabé inun ikunwain betsabu katuxun jau jaska yusian jusiaibu pewakin Jesúsun kushipaya betsabu inun mekenikabu Jerusalén anuabubetan pewai jau jatube janchatanunbun jatu yunukin

Hechos 15:37

Bernabén kemakin: —Kakinan, ¿Juan Marcos nun ana iyutidumen?— aka

1 Coríntios 2:2

Jesucristo cruzkia mawakin jawada nuku axuni man ninkakin ikunwanunbun ana jamapai miyui tibi betsa betsapakidi shinankatsi ikama Jesucristo bestikidi jas shinankin yusiin en matube jiwekunkainiki.

1 Coríntios 4:21

¿Jaskada en matu wai kaxanai, man bechipaiai? ¿Kaxun jiyaxun daka en matu kupi kaxanti? ¿En daki matu medabewakin duawai unanxubida janchai kaxanti? Jaskaken ewen dateama pe jiwekubainkanwen.

1 Coríntios 5:3

Natian jadi en yuda en matubemabia en shinanwen en matu anu keskaxun unantan man jaskai jiwea ja juni jawen aniwabe jiwea en matu yunuai ninkakanwen.

2 Coríntios 1:23

Jaskaken matu dake tenemakatsi ikama jaskai man Corinto anuabu en kadiama jau nukun Epa Diosun matu xabakabi unanmanunwen, en chani chakama ea unainkikidan.

2 Coríntios 13:10

Jaskaken matu uin kaxun matu ja akin nishmawakin en matu ana babu wayamaxanun jakia medabewakin en matu kushipa wakubainxanun nukun Xanen Ibun jawen kushipa ea inaniwen matu yamawama man ikunwainbu en matu kushipa wakatsis ikaii. Jaskawen taea matu anu kadiama bebunkidi en jancha kenexun en matu bumaiwen taexun shinaindakanwen.

Tito 3:12

Uian niwejaidaitian Nicópolis anu en jiweyuxanaii. Min dayai anu Artemas kasmai Tíquico en yunua mia anu kaya janu jawaidakidan Nicópolis anu eki nukui juxanwen.