2 Coríntios 13:11 - Kaxinawá Bíblia (BR)

¹¹ Ẽ betsabu inũ ẽ puibuũ, matu keneshũkĩ ma ẽ keyuai nĩkairakãwẽ. Epa Deusũ duawakĩ merabewakĩ unãnuma matu hiwemakatsi ikaya matũ huĩti benimakĩ hawara Deusũ matũ hiwea matu pewamakatsis ikai arikãwẽ. Ha inũ, punu nuka pesburã, hau merabenãkĩ matu benimawanũbũ Deus hatu yukashũkãwẽ. Mã haskai hiweabu Deusũ matu abukĩ matu unãnuma hiwemai matube hiwekũkaĩshanikiki.

Kashinawa : Diosun Jesúswen taexun yuba bena yiniki

¹¹ En betsabu inun en puibuun, matu kenexunkin ma en keyuai ninkaidakanwen. Epa Diosun duawakin medabewakin unanuma matu jiwemakatsi ikaya matun juinti benimakin jawada Diosun matun jiwea matu pewamakatsis ikai adikanwen. Ja inun, punu nuka pesbudan, jau medabenankin matu benimawanunbun Dios jatu yukaxunkanwen. Man jaskai jiweabu Diosun matu bechipaikin matu unanuma jiwemai matube jiwekunkainxanikiki.

2 Coríntios 13:11 Referencias Cruzadas

Gênesis 37:4

hatũ epã haska washũkĩ José betxipaihairai hatu binuhaira hawẽ betsabũ uĩkĩ José dananibukiaki, haska wa nia uĩ habe pe hãtxanameamarã.

Gênesis 45:24

hanushũ José hatu nitxĩkĩ nemakĩ: —Buirã, bai tanabaini matũmebi ha iki detenameama butãkãwẽ— hatu wa habu buaibũ

Mateus 5:48

Haskakẽ matũ Epa Deus pepa nuikipa keskai maturi pepai dasibibube nuiriakubaĩshãkãwẽ— iwanã,

Marcos 10:49

Jesus niti itã hunibu hatu yuikĩ: —Kenakãwẽ— hatu wa hanushũ huni bekũ kenakĩ yuikĩ: —Mia kenaikiki. Xinã txãkaĩ benirikirãwẽ— akabu

Marcos 9:50

Tewerã, nami txaputima wati inũ nami meketibia payukui keyumiski. Matubunã, Deusũ hãtxa mã unaĩbuwẽ taeshũ matunabu yusĩ mã tewe batawẽ meketi keskabuki. Hakia haskai tewe hawẽ bata keyu bumis ana meketiruma keskama Deusũ hãtxa nĩkakĩ pewatã ea txibaĩbube merabenaĩ unãnuma hiwekubaĩshãkãwẽ— hatu anikiaki.

Lucas 9:61

hanushũ betsãri Jesus yuikĩ: —Yusĩnaã, eãri ẽ mia txibãkatsi ha dukũ ẽ hiweanua enabuki txaniyutãpa?— aka

João 17:23

Mia inũ ea nũ dasinikẽ habuberi ẽ dasiaya habu yura bestitxai keska hau ishanũbũ ẽ mia hatu yukashunaii. Haskaibu mai hirabi anuabũ hatu uĩkĩ mĩ ea yununi inũ haska wakĩ mĩ ea abumis haburi mĩ aburiairã, habũ unãtirubuki— iwanã,

Hechos 15:29

Yushĩ dami betsa kẽwãkĩ nami inãmisbu ana piyamakubaĩshãkãwẽ. Ha inũ, yuinaka teneshabu piyamariashãkãwẽ. Ha inũ, yuinaka himi ayamariashãkãwẽ. Ha inũ, aĩyãkinã, haska Moisés nuku nemani ha txibãriakubaĩshãkãwẽ. Haska besti mã mekearã, hawa txakabuma mã pe besti hiweshãkanaii. Hau Deusũ matu pe mekekubainũwẽ”, hatu washũtã

Hechos 18:21

Paulõ hatu yuikĩ: —Jerusalém anu hatube besiyutanũ ika ẽ kayuaii. Hakia Deusũ ea ana yunua matuki ẽ ana bayutiruki— iwanã, hatu yuibaini niwe shashu ewapawẽ Éfeso anua Paulo inakaini

Hechos 23:30

Hakia tenãnũ ika haki yubakaibu nĩkatã ha huni hawaira mia anu ẽ yunua iyukanikiki. Miã mekeyuwe. Habu haki sinataibu judeubu bushũ hau harishũ txitenũbũ mia anu ẽ hatu yunuriashanaii, hau habũ txiteai miãri mĩ nĩkashanunã. Ẽ shanẽ ibu pepahaira Félixsĩ, hatiski, ẽ hãtxarã”, ashũ hatu bumaya

Romanos 12:16

Ha inũ, mã hatubetã ikũwaĩ habube hiwearã, hatube ha ikama duanamei unãnuma hiwekubaĩkãwẽ. Matũmebi keãmarã, habũ hawara hatũ hamapai xinãma hakia habu xinã pepa haya keĩsbumabe haibunamekubaĩkãwẽ. Tsuãra xinaĩ: “Ea besti unãnepakĩ ẽ pewamiski”, ikĩ hatu mesewakĩ dakewayamakubaĩkãwẽ.

Romanos 12:18

Ha inũ, yura betsabu duawanũ, iwanã, dasibi pepa mã akubaĩtirubu besti aki hatube unãnuma hiwei pekatsis mã ikairã, dasibibu daewakubaĩkãwẽ.

Romanos 14:19

Haskakẽ hawa txakabu ana piama merabenamekĩ ana hatu kuxipa wakĩ unãnuma hiweti benakubainãkãwẽ.

Romanos 15:13

Haska hakiri kenenibu keska wakĩ mã Jesus ikũwaĩbu Deusũ hawẽ Yushĩ Pepatũ kuxipawẽ unãnuma matu hiwemakĩ benimawaya hawa txikixama hawẽ matu duawashanai pepa manakakubaĩkãwẽ.

Romanos 15:33

Deusũ hau matu unãnuma hiwemanũ haska ẽ matukiri xinaiĩ, haskakirã.

Romanos 16:20

Mã haskai hiweawẽ taeshũ nukũ Epa Deusũ nuku unãnuma hiwemamistũ matu merabewaya mã Satanás txitekĩ ha aka hawaira babutã matũ mae anua kaĩkaĩshanikiki. Mã haska waya nukũ Shanẽ Ibu Jesus Cristõ hawẽ pepawẽ hau matu unãnuma hiwemakubainũwẽ.

1 Coríntios 1:10

Ẽ betsabu inũ ẽ puibuũ, nukũ Shanẽ Ibu Jesus Cristõ kuxipawẽ ẽ matu yunuai nĩkakãwẽ. Matũmebi pashkanameama xinã betsa betsapa wama unãnuma Jesus ikũwaĩbube hiwekubaĩkãwẽ.

2 Coríntios 1:4

Hamapai tibi mei nũ bika teneaya Deusũ nuku daewakĩ nuku benimawamiski. Nuku haska wamiswẽ taeshũ Jesus Cristo ikũwaĩ betsabu hawara mei bika tenei huĩti nixmaibu Deusũ ma nuku merabewamiskẽ hatuwẽri nuikĩ nũ hatu benimawariatirubuki.

2 Coríntios 13:9

Haska inũ, Deusũ matũ xinã kuxipa waya hau niti ikama mã pepaki nukunũbũ nũ babubia benimakĩ Deus nũ matu yuka heneshunama ikũkainaii.

Efésios 4:12

Hatu haska wabaĩkĩ hawenabũ hawẽ daya tibi hau ashunũbũ hatu pewatã hatu yunubainiki, hau kuxipanamei haska Deusũ abuai hakiri ana tapĩ Cristõ yurai nũ mestenepakubainũbunã.

Efésios 4:3

Ha Yushĩ Pepatũ matu dasi waiwẽ taea unãnuma hiwei ikũwaĩ dasibibube putanameama haskas hiwekubaĩkãwẽ.

Efésios 6:23

Nukũ Epa Deus inũ nukũ Shanẽ Ibu Jesus Cristo mã habũ ikũwaĩbu haska tibi habu haya matu inã bikubaĩkãwẽ, ikũhairawakinã, ikũwaĩbu betsabuwẽ nuikinã, unãnuma hiwekũkaĩkinã.

Filipenses 1:27

Natiã mã hiweairã, Deusũ hawẽ bakekiri kakape unaĩ haska hiwekũkaĩtikiri benai na keska bestiwẽ hiwekubaĩkãwẽ. Haska ẽ matu uĩkatsis ikai inũ matu anu ẽ kamakẽ matukiria matũ kaka huai ẽ matukiri nĩkakatsis ikaii, haska mã txĩtuãma inũ mã ma dasi keyushũ bika tenebiai heneama matũ xinã kuxipawẽ ikũwaĩ mã Jesus Cristo txibaĩbunã.

Filipenses 3:16

Nũ ma haska tapĩmaburã, haskas xinãkĩ betsa wama txibãkubaĩkĩ heneyamanãkãwẽ.

Filipenses 4:2

Evódia inũ Síntiqueẽ, nukũ Shanẽ Ibu ikũwaĩ mã nukũ puibu matuwẽ nuikĩ ẽ matu xinaiĩ. Nukũ Shanẽ Ibu ebe mã dayashũbiamis mã yuãnanãrabeai ẽ matu nĩkairã, haskama menã daenamerikãwẽ, ẽ matu yunuairã.

Filipenses 4:4

Nukũ Shanẽ Ibu ikũwaĩnã, benimarikãwẽ. Ana habias ẽ matu yuaii. Heneama benimarikãwẽ!

Filipenses 4:9

Ẽ hãtxa nĩkakĩ ea uĩkĩ hawara mã tapĩni inũ ẽ matu yusĩkubainima heneama txibãkubaĩkãwẽ, mã haskaibu nukũ Epa Deus unãnumatũ matu heneama merabewapakeshanikikirã.

1 Tesalonicenses 4:1

Ẽ betsabu inũ ẽ puibuũ, Jesusũ nuku yununi hawẽ yusĩa nũ matu yusĩtanima mã unaĩwẽ taeshũ kenewẽri nũ ana matu keneshunai uĩrakãwẽ. Haska bari tibi Deus mã benimawatiru nũ matu yusĩkubainima mã akai keska wakĩ ana habiasri heneama akubaĩshãkãwẽ, iwanã, nũ matu ana yunuaii.

1 Tesalonicenses 4:18

Haskawẽ taea na yusĩa hãtxa nĩkai ana hawa dateama xinã txãkaĩ hatube benimanamerikubaĩkãwẽ.

1 Tesalonicenses 5:16

Haskakubaini benimai heneyamakubaĩkãwẽ.

1 Tesalonicenses 5:23

Nukũ Shanẽ Ibu Jesus Cristo huaitiã dasibibu mã tsua txakabuuma Deus hamebi unãnuma hiweatũ matu meribi pepahairawakĩ matũ hamapai txakabu putamakĩ matu mekekubaĩkatsi matũ xinã inũ matu yushĩ inũ matũ yura hawa txakabuma hau matu pe bestiwakubainũwẽ.

2 Tesalonicenses 2:16

Hanushũ nukũ Shanẽ Ibu Jesus Cristo hamebi inũ nukũ Epa Deus nukuwẽ nuikĩ abukĩ nuku duawakĩ nuku xinã txãkãwã niti ikama nai anu nũ hatube hiweshanai manakamakĩ nuku yubaniki. Hanua mestẽwãtã matũ huĩti xinã txãkãwãkĩ matu kuxipa wai heneama hamapai yuikĩ mã akai pepas hau matu amakubainũbũwẽ.

2 Tesalonicenses 3:1

Ẽ betsabu inũ ẽ puibuũ, nũ ma matu kene keyushunai uĩrakãwẽ. Jesuskiri kakape nĩkashũ mã xinã betsa waima keska wakĩ nãta manibaunabũri habũri Jesuskiri kakape nĩkatã hau hawaira xinã betsa watã Deus kẽwãrianũbũ nũ hatu yusĩkubaunaya Deusbe hãtxakĩ kuxipa nuku yukashũkubaĩkãwẽ.

2 Tesalonicenses 3:16

Nukũ Shanẽ Ibũ hamebi hawenabu unãnuma hiwemakubaĩmistũ maturi unãnuma hiwemakĩ hawara bari tibi betsa betsapa mã akai hau matu uĩrakubainũwẽ.

2 Timóteo 2:22

Haskawẽ taeshũ berunãbu hamapai tibiwẽ kemumisbu keska henetã hanua ana haska hiweama pashakũkaĩwẽ. Eska bestiwẽ hiweti pepa benakubaĩwẽ, hawa txani txakama inũ, Jesus Cristo ikũwaĩ inũ, nui abunamei inũ, unãnuma hiwei dasibibu huĩti shũpĩbubetã nukũ Shanẽ Ibu kẽwãkubaĩkinã.

Hebreus 12:14

Ha inũ, tsuabura dasibibube mã unãnuma hiwekatsis ikairã, nuikipakĩ dasibi nukũ Shanẽ Ibũ yusĩa txibaĩ pepa besti hiwekubaĩkãwẽ. Hamẽ mã pepai hiweismarã, haskatã nukũ Shanẽ Ibuki dasitã mã hiwetirubumaki.

Hebreus 13:20

Nukũ Shanẽ Ibu Jesusũ himiwẽ Deusũ yuba bena ikibi ika ma pewani hawẽ bake txashuwã mekenika pepa keska nukũ mekenã bestẽwanitũ unãnuma hawẽ kuxipawẽ nuku hiwemakubaĩkatsis ikikiki.

Santiago 1:4

Hawara mã teneai hawẽ Deusũ matu kuxipa wakĩ matu ewa wanũ, iwanã, matu xinã nukumakatsis ikai hawẽ kuxipai mã ana hawawẽ bika tenetirumai ha hawẽ Deusũ matu unãti wai hayai keyurikubaĩkãwẽ.

1 Pedro 3:11

Hamapai txakabuki hari kemama haskai unãnumakĩ pe besti benakĩ haska txibãkubaĩkãwẽ.

1 Pedro 3:8

Haska tibi ẽ matuki txanishurã, haska bestiwẽ hiwekĩ Jesus ikũwaĩbu tibibube habias xinãwãtã hatuki dasia binunãnãma pepai babu keskatã keãma abunamekubaĩkãwẽ.

1 Pedro 5:10

Ha dukunã, bari itxapama mã nuitapayuaii. Deusũ haska matu memabiatã habiatũri matu kuxipa wakĩ pashkatima watã ha hawẽ mestẽwãtiwẽ matu pepa wakĩ keyushanikiki. Jesus Cristobe nũ haki dasitã hiwea ikibi iki nũ pepai kuxipashanũbũ habias Deus nuikipatũ hawena wakatsi ikĩ nuku katuniki.

Apocalipse 22:21

Nukũ Shanẽ Ibu Jesus Cristõ hau matu dasibi hawẽ pepawẽ duawakubaĩshanũwẽ. Ea uĩmakubirãshu ẽ hãtxa txanimarã, hatiski. João