2 Coríntios 10:3 - Kaxinawá Bíblia (BR)

³ Hanushũ tsuabũra nukũ Shanẽ Ibu txibãkatsi ikabumã yura betsabu parãkĩ hawara ibubis akatsi ikai akĩ yura betsabu binunũ, iwanã, hatube sinataibube detenamei hatũ mabu kuxipa tibiwẽ haki txiti itã detenamei hawẽ kuxipai hiwemisbuki. Hakia habu keskama

Kashinawa : Diosun Jesúswen taexun yuba bena yiniki

³ Januxun tsuabunda nukun Xanen Ibu chibankatsi ikabuman yuda betsabu padankin jawada ibubis akatsi ikai akin yuda betsabu binunun, iwanan, jatube sinataibube detenamei jatun mabu kushipa tibiwen jaki chiti itan detenamei jawen kushipai jiwemisbuki. Jakia jabu keskama

2 Coríntios 10:3 Referencias Cruzadas

Romanos 7:5

Hanua nũ hiwei taeaitianã, hawẽ txakabu unãti Deusũ hawẽ yunuti inũ hawẽ nemati yununiki. Ha xinãkĩ nũ tapĩbiaya txakabu betsa betsapa nuku anua kemu tashniaiwẽ nũ txakabupauniki, haska hawẽ hiwetima txakabu mawa kayabiti besti birã.

Romanos 8:4

Haska Deusũ Moisés hawẽ hãtxa yununi nukubũ nũ hawa txibãkĩ menetiruma xinãkĩ Deusũ hawẽ bake hatũ hau meneyunũ yununiki. Nuku haska waniwẽ taeshũ ana haska yurabu txakabũ abuai hiwemis akama hakia haska Yushĩ Pepatũ nuku yunuai txibaĩ nũ hiwekũkaĩtiruki.

2 Coríntios 1:17

Matu anu bai kanũ ika txanima ẽ yubakaimaki. Haskawẽ taea ẽ xinã dabewaisma mã ekiri xinãtirumaki.

2 Coríntios 10:4

nuku ikirã, hawara Deusũ nuku amakatsis ikai akĩ Deus inũ Cristo danaĩbu ha txakabuki txiti ika hawẽ kuxipaibu binumai Deusũ kuxipawẽ hatu ha akĩ nũ hatu nuitapawatiruki, detenameai keskakinã.

Gálatas 2:20

Natiã na ẽ yurawẽ ẽ hiweyuairã, Deusũ bakẽ ea abui ewẽ taea mawanishũ ea xinã betsa wamani ha ikũwaĩ ẽ hiweyuaii. Haskawẽ taea earã, ẽ ana emebi yunui ẽ hiweamaki. Hakia Cristo bestitũ ea yunui ewẽ hiweyuikiki.

1 Timóteo 1:18

Timóteoõ, ebetã Jesus Cristo dayashuni mĩ ẽ bake keskaki. Ea nĩkawe. Jesus Cristo ikũwaĩ haki dakeama txakabu nemakĩ txanima hãtxa mĩ hatu yusĩpakẽnũ Deusũ hatu yunua Jesus Cristo ikũwaĩbu yusĩnã mekenikabũ mia katunibuki. Habiaskari xinãkĩ eãri ẽ mia yunuaii, mĩ kaneama ishanai unaĩnã. Hakia yura betsabu hatiritũ Jesus Cristo ikũwãkĩ taewabianishũ txakabu metã ma txĩtuãbuki, hanushũ kupishanai anu buirã.

2 Timóteo 4:7

Earã, Jesus Cristõ soldado pepa detenamekĩ hatu binumis keskakĩ habũ ea itxakawaibu ẽ binuaii. Kuxibaĩkĩ hatu maemakatsis imisbu keskakĩ haska ewẽ Deus yubakani hawa txĩtuãma ẽ ma ishuãki. Ikũwanishũ hawẽ kakapekiri yusĩ bikabiakĩ ẽ hawa heneama ikũkainaii.

Hebreus 12:1

Haskakẽ nukunabũ habu dukũtũ Deusũ yubaka hãtxa ikũwãkĩ bika betsa betsapa hatu tenemakĩ memabu habuã hatũ xinã nuku uĩmakubainishũ natiã nuku uĩkanikiki. Xinanãkãwẽ. Nuku hatũ itimaska wai inũ hamapai txakabu tibitũ nuku beshetiru henetã beamabaĩkĩ hawara pepa Deusũ nuku yubamis ha xinaĩ kuxipai dayashũkĩ heneyamakubainãkãwẽ.