2 Coríntios 10:3 - Kashinawa : Diosun Jesúswen taexun yuba bena yiniki

³ Januxun tsuabunda nukun Xanen Ibu chibankatsi ikabuman yuda betsabu padankin jawada ibubis akatsi ikai akin yuda betsabu binunun, iwanan, jatube sinataibube detenamei jatun mabu kushipa tibiwen jaki chiti itan detenamei jawen kushipai jiwemisbuki. Jakia jabu keskama

Kaxinawá Bíblia (BR)

³ Hanushũ tsuabũra nukũ Shanẽ Ibu txibãkatsi ikabumã yura betsabu parãkĩ hawara ibubis akatsi ikai akĩ yura betsabu binunũ, iwanã, hatube sinataibube detenamei hatũ mabu kuxipa tibiwẽ haki txiti itã detenamei hawẽ kuxipai hiwemisbuki. Hakia habu keskama

2 Coríntios 10:3 Referencias Cruzadas

Romanos 7:5

Janua nun jiwei taeaitianan, jawen chakabu unanti Diosun jawen yunuti inun jawen nemati yununiki. Ja shinankin nun tapinbiaya chakabu betsa betsapa nuku anua kemu taxniaiwen nun chakabupauniki, jaska jawen jiwetima chakabu mawa kayabiti besti bidan.

Romanos 8:4

Jaska Diosun Moisés jawen jancha yununi nukubun nun jawa chibankin menetiduma shinankin Diosun jawen bake jatun jau meneyunun yununiki. Nuku jaska waniwen taexun ana jaska yudabu chakabun bechipaiai jiwemis akama jakia jaska Yushin Pepatun nuku yunuai chibain nun jiwekunkaintiduki.

2 Coríntios 1:17

Matu anu bai kanun ika chanima en yubakaimaki. Jaskawen taea en shinan dabewaisma man ekidi shinantidumaki.

2 Coríntios 10:4

nuku ikidan, jawada Diosun nuku amakatsis ikai akin Dios inun Cristo danainbu ja chakabuki chiti ika jawen kushipaibu binumai Diosun kushipawen jatu ja akin nun jatu nuitapawatiduki, detenameai keskakinan.

Gálatas 2:20

Natian na en yudawen en jiweyuaidan, Diosun baken ea bechipai ewen taea mawanixun ea shinan betsa wamani ja ikunwain en jiweyuaii. Jaskawen taea eadan, en ana emebi yunui en jiweamaki. Jakia Cristo bestitun ea yunuai ewen jiweyuikiki.

1 Timóteo 1:18

Timoteoon, ebetan Jesucristo dayaxuni min en bake keskaki. Ea ninkawe. Jesucristo ikunwain jaki dakeama chakabu nemakin chanima jancha min jatu yusinpakenun Diosun jatu yunua Jesucristo ikunwainbu yusinan mekenikabun mia katunibuki. Jabiaskadi shinankin eandi en mia yunuaii, min kaneama ixanai unainan. Jakia yuda betsabu jatiditun Jesucristo ikunwankin taewabianixun chakabu metan ma chintuanbuki, januxun kupixanai anu buidan.

2 Timóteo 4:7

Eadan, Jesucriston soldado pepa detenamekin jatu binumis keskakin jabun ea ichakawaibu en binuaii. Kushibainkin jatu maemakatsis imisbu keskakin jaska ewen Dios yubakani jawa chintuanma en ma ixuanki. Ikunwanixun jawen kakapekidi yusin bikabiakin en jawa jeneama ikunkainaii.

Hebreus 12:1

Jaskaken nukunabun jabu dukuntun Diosun yubaka jancha ikunwankin bika betsa betsapa jatu tenemakin memabu jabuan jatun shinan nuku uinmakubainixun natian nuku uinkanikiki. Shinanankanwen. Nuku jatun itimaska wai inun jamapai chakabu tibitun nuku bexetidu jenetan beamabainkin jawada pepa Diosun nuku yubamis ja shinain kushipai dayaxunkin jeneyamakubainankanwen.