1 Timóteo 3:16 - Kaxinawá Bíblia (BR)

¹⁶ Dasibi Jesus Cristo nũ ikũwaĩwẽ Deusũ nuku duawai nũ unã keyutirumabia txanima shabakabi haska wani haska xinaĩ tsuabura haskakiri yui nũ hawẽ ha itirubumaki. Hakia hawẽ bake ikũwãkĩ Deus nũ benimawatiruki. Eskaki, mia yuinũ nĩkawe: Cristo huirã, hunĩ yura bitã tashniniki. Cristorã, hawa txakabu hayama pepa bestiki, iwanã, Deusũ Yushĩ Pepatũ hawẽ hiweakiri yuiniki. Bestẽkaina Deusũ nai tsumabũri uĩriakubainibuki. Ha inũ, nawa betsa betsapa anushũ Jesusũ tsumabũ kakape hakiri yusĩkubaunaibũ itxapabũ ikũwaĩbũ Deusũ nai anu ana hawẽri ainitã shanẽ ibu wani nũ unaiĩ.

Kashinawa : Diosun Jesúswen taexun yuba bena yiniki

¹⁶ Dasibi Jesucristo nun ikunwainwen Diosun nuku duawai nun unan keyutidumabia chanima xabakabi jaska wani jaska shinain tsuabuda jaskakidi yui nun jawen ja itidubumaki. Jakia jawen bake ikunwankin Dios nun benimawatiduki. Eskaki, mia yuinun ninkawe: Cristo juidan, junin yuda bitan taxniniki. Cristodan, jawa chakabu jayama pepa bestiki, iwanan, Diosun Yushin Pepatun jawen jiweakidi yuiniki. Bestenkaina Diosun nai tsumabundi uindiakubainibuki. Ja inun, nawa betsa betsapa anuxun Jesúsun tsumabun kakape jakidi yusinkubaunaibun ichapabun ikunwainbun Diosun nai anu ana jawendi ainitan xanen ibu wani nun unaiin.

1 Timóteo 3:16 Referencias Cruzadas

Isaías 7:14

Mĩ haska shinãbiaya Senhor Deus kayabitũ hawẽ unãmati hatũ matu uĩmashanikiki. Txipash tsuã txutariama anua huni bake nanetã kaĩshanikiki. Ibuã hawẽ kena kenakinã, Emanuel washanikiki.

Isaías 9:6

Hamẽ betsarã, Deusũ hawẽ kushipawẽ dasibi betsa wakĩ bakeishta nuku inãshanikiki. Ha bake nuku anu yunua kaĩshanikiki. Hatũ kushipa bitã shanẽ ibuhairashanikiki. Hawẽ kena tibi inãkinã, eska washanikiki: Hawẽ yubakani nũ haskashanai unãmanika pehairaki. Deus kushipahaira tsuã binutirumaki. Epa hiweibi hiweaki. Hawẽ taea Deusbe unanuma hiwetiki.

Miquéias 5:2

Haskabiaibũ mã Belém Efrata anu hiweabuũ, na hãtxa nĩkakãwẽ. Judá enabũ mai pakea anu mĩ mae peshepishtabiakẽ mia anua shanẽ ibu tashnitã Israelĩ enabu dasibi yununika kushipa ishanikiki, bawakĩ Deusũ taewariama hiwenirã.

Mateus 13:11

nuku yuikĩ: —Maturã, haskai Deus shanẽ ibumiskiri Deusũ hawẽ pepa huneni shabakabi mã ẽ tsumabu matu yusĩkĩ unãmaikiki. Hakia haburã, ẽ hatu haska unãmamaki.

Mateus 28:2

uĩaĩbũ mai patxa sakuaya habiatiãri Deusũ nai tsuma maiwati tãpe anu butushũ mixkiwẽ bepuxinabu bepẽtã hamamaki tsauwa

Mateus 3:16

meneaya neshekei mapekekainaya nai bashnei Deusũ Yushĩ Pepa deiwã itsakirã hamamaki butuai Jesusũ uĩayã

Mateus 4:11

hanushũ Satanásã heneyubainaya Deusũ nai tsumabu beshũ Jesus merabewakĩ duawanibukiaki.

Marcos 1:13

40 dia Satanásã Jesus paranũ, iwanã, unãti wakeakeaya kakũkaũkĩ Jesusũ Satanás maemakubaunaya Deusũ nai tsumabũ merabewakubainibukiaki.

Marcos 16:19

Shanẽ Ibu Jesus hatube hãtxai meneaya hanushũ Deusũ nai anu ainitã hawẽ yusiuri tsaumaya

Marcos 16:5

ha maiwati kini merã hikitã uĩkĩ habianuri huni berunã tari hushupa txaipa sawea yusiuri tsauwa uĩ e ikaibũ

Lucas 2:32

Harã, bĩ ewapa txasha keska nawa betsa betsapabũ uĩkĩ minabu Israelbu mĩ kuxipawẽ mĩ hatu duawai uĩriashãkanikiki”, akaya

Lucas 20:44

“Messias ẽ shanẽ ibuki”, Davĩ abianikẽ haskatã hawẽ shanẽ ibu hanubi hawẽ baba itirumẽ? Ea yuikãwẽ— hatu wa hawa yuiabumakẽ

Lucas 22:43

ha haskaitiã nai anua Deusũ nai tsuma tashnitã merabewakĩ kuxipa watuxiaya

Lucas 24:4

hani tsuã haskara waxina unãma hanua e iki keyutã uĩaĩbũ habianuri hawaira huni dabe hatu bebũ tashnia tari hushupa txashahaira sawea betxitã

Lucas 24:51

habu henemabaĩkĩ nai anu hawẽ Epã ainiaya

João 1:14

Hanua hawẽ Xinaĩ Hãtxati yura kayabi hayanũ ika aĩbu meranu naneima kaĩyã Deusũ bake bestitxai ewatã nuku anua yumetã ewani hiwea hawẽ Epa Deus itsa kuxipa duapahaira nũ uĩpauniki, nuikipa haya inũ txani txakatima hãtxa hayarã.

João 13:3

mai hirabi anua dasibi Epa Deusũ Jesus shanẽ ibumakatsi yununi Deus anua huni ana hawẽri txĩtũ kaĩshanai Jesusũ unaĩ

João 15:26

Hanushũ maturi danaĩbũ ẽ Epa anua mekenã betsa matu anu ẽ yunua hanua Yushĩ Txanima Unãmanika hushũ ekiri matu unãmai ea hãtxashũshanikiki.

João 16:28

Hamẽ ẽ Epa Deusũ besuuria kaĩkirani na mai anu yurabube hiwenũ ika ẽ huni haska ea yununi menetã natiã ana hawẽri kakĩ na yurabu ẽ henebainaii— nuku waya

João 17:5

Epaã, eskatianã, mai nũ damiwariama mĩ besuũbia ẽ shanẽ ibui taeaitiã ẽ txashakapa hawẽrua hayani keska habias ea inãshãwẽ.

João 20:12

nai tsuma dabe tari hushupa sawea hanu Jesus datãxinabu anu hariri bupĩxinabukiri betsa tsauwa hariri tashkũwãxinabukiri betsa tsauria hatu betxitanaya

João 6:62

Hanua ẽ huni anu hawẽri ẽ matũ Hutxi Kayabi Iuwa ẽ ana kai uĩkĩ mã xinã betsa washanaii.

Hechos 1:19

Jerusalém anu hiweabũ nĩkatã ha bai kenakĩ: “Aceldamaki”, akĩ kenakinã, hatũ hãtxawẽ yuiarã: “Himi baiki”, anibu kenamisbuki.

Hechos 10:34

hanushũ Cornéliõ hiwe anu itxabu Pedrõ hatu yusĩkĩ taewakĩ yuikĩ: —Natianã, txanima mai hirabi anu shukuabu tibi nuku damiwanirã, nũ habiaskas shabakabi ea ma uĩmaxinaki.

Hechos 14:27

keti itã mapekexinabũ hanushũri Jesus ikũwaĩbube itxashũ bukubauni haskatãxinabu inũ habu judeubumã hau habũri Jesus ikũwanũbũ natiã Deusũ hatu kenaya shabakabi haska hatu yusĩkubaũtãxinabu dasibi hatuki txanitã

Hechos 20:28

Haskakẽ ibubis mekekĩ Deusũ Yushĩ Pepatũ matu katua merabewakĩ ikũwaĩbu mekekubaĩshãkãwẽ. Deusunabu hatu wakatsi ikĩ hawẽ bake yunua mawashũkĩ hawẽ himiwẽ hawenawakĩ meribi hatu wani hatu putama hatu uĩrashũshãkãwẽ.

Romanos 10:12

judeubu inũ judeubumarã, tsuabũra Messias ikũwaĩ nukũ txakabu hatũ nuku buashũkĩ betsa tibiwẽ nuku ashuĩsmaki. Habias Shanẽ Ibu Deusũ hatũ dasibi meke keyua inãnanã txakaisma kẽwãkĩ mã ea akubainaibu hawa yauxiama matu duawakĩ inãkubaĩmiski.

Romanos 10:18

Hawara Deusũ hãtxa yuishunika Davĩ kenekĩ yusĩni matu ana yusĩnũ nĩkakãwẽ. “Yurabu mai hirabi anu manibaunabu Deusũ hãtxa yusĩmisbũ habũ hatu yusĩa ma habũ nĩka keyuabuki”, iniwẽ taeshũ Israelbũ dasibi ma nĩkakĩ keyunibu nũ unaiĩ.

Romanos 16:25

Nukũ Epa Deusũ matu abukĩ hawẽ kakape Jesus Cristokiri datã akĩ ẽ yusĩmis mã ikũwãriaibuwẽ taeshũ Epa Deusũ matu txĩtũmatiruma ha kẽwanãkãwẽ. Mai hirabi damiwariama na haskakiri Deusũ nuku mekei kai bari itxapa hunekĩ tsuabura yaneri unãmama ibiakũkaini

Romanos 16:26

natiã ha hãtxa hakiri hatu kenemakĩ shabakabi wama ini haska Deus ikibi initũ yununi txanima natiã yurabu shukua tibibũ nĩkatã tapĩ keyutirubu wani ma nũ unaiĩ, hau Deusũ hãtxa ikũwãkĩ txibãshanũbunã.

Romanos 3:4

“Haska mã xinãtirubumahairaki”, akĩ ẽ hatu yuimiskiri matu yuinũ nĩkakãwẽ. Dasibi yurabu hawara yui yubakatã txani txakabiamisbũ Deusũ hawẽ hãtxa kayabi matu yubaniwẽ taeshũ Deus txani txakakĩ betsa waismariki. Haskawẽ taeshũ Deusũ hãtxa yuishunika Davĩ Deus dayuikĩ: “Deusuũ, tsuãra mĩ pepawẽ hãtxa kaneama mikiri yuimisrã, mĩ hawa kaneisma unãshãkanikiki. Miki ha ibiamisbu mĩ hatu binu keyushanaii, hanu yurabũ mia unãti waitianã”, itã keneniki.

Romanos 8:3

Deusũ Moisés yunukĩ hawẽ hãtxa kenemanirã, yurabu hatũ xinã babuwẽ taeshũ haska washũ txibãtirubumakẽ haska bebũkiri yubani yurabu babubu hau hatũ txakabu hatu buashuni mawayunũ, iwanã, hawẽ bake yura babu nukuna keska bimatã Deusũ yununiki. Jesus haskakiranishũ hawẽ mawa kayabimati Satanásã kuxipa mebĩkĩ Deusũ bakẽ maemaniki.

Romanos 9:5

Habiari nukũ shenipabu Israelbu anua Messias Cristo yura kayabitã tashniniki. Nukũ mekenika Deusũ dasibibu mekei shanẽ ibuhairamisrã, kẽwãkĩ heneyamakubainãkãwẽ. Haskakirã.

1 Coríntios 15:47

Ha dukũ huni Adão wakĩ Deusũ mai mixpu bishũ hawẽ yura damiwanikiaki. Hamẽ yura Cristorã, nai anua hui huni kuĩ yura bitã kainiki.

1 Coríntios 2:7

Haska mai damiwariama Deusũ hawẽ unãnepati hawẽ xinã huneyunishũ nuku matu yusĩmairã, eskaki, nĩkakãwẽ. Txanima Deusũ hawẽ bakewẽ taeshũ nuku hawenabu wakatsi nukuki tana yubakaniki. Haskawẽ taea nukuburi hatuki dasitã nũ hatu keskari ipakeshanaii, hawẽrua kuxipa txashakapa buirã.

2 Coríntios 1:19

Ea inũ Timóteo inũ Silvanonã, Deusũ bake Jesus Cristokiri besti nũ matu yusĩmiski. Hawẽ bake Jesus Cristokiri yubakai hãtxani Deusũ betsa waisma haska menenishũ betsa wama akubaĩmiski.

Gálatas 2:8

Deusũ bake Jesusũ Pedro katushũ yunurianiki, hau hawẽ kuxipayashũ hawenabu judeubu hau hatu yusĩkubaĩshanunã. Habiaskari wakĩ Deusũ bake Jesusũ eari katutã hawẽ kuxipayawashũ judeubuma anu eari yununiki, haburi ẽ hatu yusĩriakubaũshanunã.

Gálatas 4:4

Deus yubakakĩ hanu hawẽ bake yunutiwani menekĩ Deusũ hawẽ bake yunua hua aĩbukia kaĩtã Moisés yusĩniwẽ yumetã hatũ Moisés yusĩni txibãkĩ ha yurabu hawẽ mekeaibu hatũ kupiti nuku bishuãyã txanima kayabi Deusũ bakebu benimai nũ pepashanũbũ hawẽ bake shabakabi dami watã tashnimaniki.

Efésios 1:9

Cristowẽ nukũ txakabu buakatsi bari itxapa hawẽ xinã Deusũ hunenishũ hawẽ duapawẽ ma shabakabi nuku tashnimashuniki, nuku unãmakinã.

Efésios 6:19

Eska ẽ matu yukaii. Hau Deusũ ea merabewakĩ hari hãtxati ea inãkĩ inũ ẽ hãtxa ea kuxipa waya haskawẽ taeshũ haska Deusũ uatiã huneni shabakabi hawẽ bakekiri ẽ hatukiri txanikũkaĩnũ ekiriri Deus yukashũkubaĩkãwẽ.

Colosenses 1:23

Mã haskakatsi ikairã, matu tibirã, Deusũ kakapekiri nĩkatã mã ma Cristo ikũwãni henekĩ putai txĩtuãma huĩti mestẽtã haska mã ikũwaĩbu manakakubaĩkãwẽ. Haska Deusũ hawẽ bakekiri hawẽ kakape yurabu mai pakea itxapa anuabũ hau unãnũbũ yusĩkĩ ea ẽ Paulõ ẽ hatu merabewakubaũmiski.

Colosenses 1:27

Tsuabura mã judeubuma Deusũ hawẽ xinã duapa haska bebũkiri Cristokiri yubakabiatã huneni ha shabakabi wakĩ matu unãmakatsis ikikiki, hau mai hirabi anuabũ matũri mã unãnũbũ haska ha hawẽ xinã dasibikiri hunenirã, harã, Cristo aniki. Haska matũri mã Cristo ikũwaĩwẽ taea mã judeubumabia Cristo ma matuki dasiaki. Haska inũ, nai anu Deusũ mae pepahaira anu Deus inũ Cristobe maturi mã hiweshanaii, mã haskakiri xinãkĩ manakaiburã.

Colosenses 1:6

Haska inũ, mai hirabi anushũ Deusũ kakape hawẽ bakekiri nĩkatã ikũwãbauni pakĩ yurabũ hatu uĩmabaunaibu keskai mã ikairã, txanima habias habiaskari matu anuri tashniai mã hayaniki, haska Deus duapakiri hãtxaibu nĩkai: “Txanimaki”, itã mã ikũwãniburã.

Colosenses 2:2

Hau mã xinã txãkaĩ henetima binũbũ inũ, hawa betsa xinãma ikũwaĩ betsabube ketashamei nuinamei mã abunamenũbũ inũ, unãnepakĩ Deusũ hawẽ yuba betsa huneni Cristokiri natiã hau shabakabi mã nĩka pehairawanũbũ ẽ matu dayai heneshunamaki.

2 Tesalonicenses 1:10

Haskakẽ hawara nukũ Shanẽ Ibukiri nũ matu yusĩ txanitanima mã ikũwaĩwẽ taeshũ hatiãra nukũ Shanẽ Ibu hanu huaitiã dasibi mai hirabi anushũ nũ ikũwãbaunaibũ txanima uĩtã duawakĩ nũ kẽwãshãkanaii.

2 Tesalonicenses 2:7

Ha huni txakabu Satanásã kaĩmashanairã, ma hune yubakai dayaikiki, yurabu parãkĩ txakabu ewawairã. Haskabiaya hatũ nemakubaĩmisshũ henea hanua ana nemamakẽ tashnishanikiki.

1 Timóteo 3:9

Ha inũ, Deusũ yununi hawẽ bakẽ kakape txanima unãhairai haskawẽ hiwekaĩkĩ ikũwaĩ hatũ xinã pepaya hau ikubainũbũwẽ.

Hebreus 1:3

Hawẽ Epã kuxipaya txashakapa hawẽrua keskaritũ dasibi betsa betsapa damiwani hawẽ hãtxa kuxipawẽ mekekubaĩmiski, hau hawa benuyamanũbunã. Ha inũ, hawẽ Epa nuku daewashuni mawakĩ nukũ txakabu buatã hawẽ Epa kuxipahaira dasibi binu keyuatũ yusiuri tsauwa nai anua ma habe shanẽ ibukũkainikiaki.

Hebreus 12:2

Cristo nuku ishuni hakiri dukũ unãkĩ xinãkubainãkãwẽ. Habũ nũ ikũwaĩbu nũ haki txiti ikabu hatunã ma nuku pewashũkubainikiki. Haskawẽ taea Jesus cruzkia nuitapairã, ha itxakawakĩ nuitapawaibu hawẽ dake xinãma nuku mawashuniki. Haskairã, nuitapawabiabu mawakĩ binutã benima paepayabi hawẽ Epã shanẽ ibu tsauti yusiuri habe shanẽ ibui tsaushanai unaĩ iniki.

Hebreus 7:7

Tsuara kuxipa beshmas hau Deusũ duawanũ betsã binuatũ Deus yukashũmisrã, haska nũ unaiĩ.

Hebreus 8:1

Nũ haska hakiri hãtxairã, nuku Deusbe hãtxashunika binua nũ ha xinã kaya wairã, nai anu hawẽ ibu Deusũ tsauti yusiuri nuku tsaushunaki.

1 Pedro 1:12

Ha Messiaskiri hatu txanimakĩ hau Deusũ hãtxa yuishunikabũ ibubis Deusũ yusĩa nĩkatã hakiri hatuna besti watirubuma Deusũ habu txipu hiweshanaiburi hau habũri hakiri unãshanũbũ, iwanã, habu matu kenemashuniki, matu merabewakinã. Messias Cristokiri kakape matu unãmakatsi ikĩ hawẽ Yushĩ Pepa naiuria yunua hanushũ Jesuskiri yusĩnã betsabũ hakiri datã akĩ matu unãmakubaunibuki. Na habias kakape matu yusĩaĩbu Deusũ nai tsumabũri ana tapĩpai iriakanikiki.

1 Pedro 1:20

Ha inũ, nai inũ mai damiwakĩ taewariama Messias Cristo yununũbarikatsi Deus bebũkiri yubakanikẽ hanu ma bari hawẽ heneaitiã ma kemaya matu merabewanũ ika Jesus tashninikiaki.

1 Pedro 1:21

Haskakirã Cristõ hawẽ Epã hãtxa matu unãmaiwẽ taeshũ mã Deus ikũwãnibuki. Haska matu wabiaya tenãbu Deusũ ana bestẽwãkĩ Shanẽ Ibu wani na habiatiã matũ xinãwẽ hakiri ikũwãkĩ Deusũ hiwekuĩa matu inãshanai mã haki txiti ishũ manakakubainaii.

1 Pedro 3:18

Hakia Cristo pepabia nũ txakabuwẽ taea nukuwẽ nui nukũ txakabu buanũ ika bestiwai ana mawatimai nuku mawashuniki. Cristo hawa txakabuwamabia Deus yurabu mekemanũ ika nukũ txakabuwẽ nukuwẽ taea nuitapaniki. Hawẽ yura babu mawabiatã habias hawẽ yuraya ana mawatirumai hawẽ yushĩ besteni hiwekũkainikiki.

1 Pedro 3:22

Hanua Jesus mawa ana besteã nai anu ka hawẽ Epa Deusũ yusiuri tsauwa Deusũ nai tsumabu inũ shanẽ ibu kuxipa dasibibu Deusũ Jesus yununi Jesus shanẽ ibukĩ dasibibu hatu mekekubainikiki.

1 João 1:2

Ha hiwearã, hamebi hawa huneama ikũkainai nukũ uĩnishũ hakiri shabakabi txanikĩ hawẽ kaka matukiri hiwea ikibi ika haya nũ matu yuikubainaii. Hawẽ Epabe dasia nuku shabakabi uĩmakubainai nukubũ nũ uĩkubainiki.

1 João 3:5

Yurabũ txakabu buanũ ika Jesus Cristo na mai anu tashnitã Deusũ yunua kanei txakabuwama inirã, mã unaiĩ.

1 João 3:8

Hakia tsuãra txakabu akubainaiburã, Satanás txibãkĩ akanikiki. Bebũkiri Satanásã Deus nĩkama hatũ dukũtũ hakiri txakabuwanishũ hatũ hatu amakubainikiki. Haskawẽ taea Satanásã haska hatu amakubaĩmis yamawakĩ keyunũ ika Deusũ bake tashniniki.

Apocalipse 17:5

inũ, hawẽ betũkuki hawẽ hunea kena kenea: “Babilônia mae ewapa mesehaira ea ẽ hatũ ibu hininipaki. Ea anu aĩbu hininipa dasibi inũ hamapai xarabu mai hirabi anushũ pepa danãkĩ txakabuwamisbu hiweabuki”, ika netãki.

Apocalipse 17:7

nai tsumã ea yuikĩ: “Haskai e iki mĩ hawẽ dateai? Ha aĩbu inũ ha yuinaka atimapa mese sete bushkaya inũ dez mashũyã aĩbu haki tsauwa ha dabekiri hunea shabakabi mia yuinũ nĩkawe.

Apocalipse 7:9

Hanushũ ana uĩbaũkĩ yurawã hati tsuã tanatiruma ẽ uĩshu matu yuinũ nĩkakãwẽ. Nawabu mai pakea tibi anuabu inũ, yura betsa shukua tibi anuabu inũ, dasibi hãtxa tibi anuabu inũ, mae tibi anuabu Deus shanẽ ibu haki tsauti inũ txashuwã bakẽ besuuri habu nishũ tari hushupa txaipa saweshũ shẽpã tsuma nishũ