1 Timóteo 3:15 - Kaxinawá Bíblia (BR)

¹⁵ Ẽ yane katiruma xinãkinã, haskai Deus hiweatũ enabũ txanima hãtxa Jesus Cristokiri hatũ matu tsuma unãkĩ txanima hãtxa besti xinaĩ hawẽ nemakanaĩ haskai hiwei hau mekei penũbũ haskakiri mĩ hatu yusĩnũ bebũkiri ẽ mia kene bumaii.

Kashinawa : Diosun Jesúswen taexun yuba bena yiniki

¹⁵ En yane katiduma shinankinan, jaskai Dios jiweatun enabun chanima jancha Jesucristokidi jatun matu tsuma unankin chanima jancha besti shinain jawen nemakanain jaskai jiwei jau mekei penunbun jaskakidi min jatu yusinun bebunkidi en mia kene bumaii.

1 Timóteo 3:15 Referencias Cruzadas

1 Reis 2:2

“Ma ẽ mawa kemaii. Yura dasibibu imisbu keskai nukũ shenipabuki ẽ nukui kashanaii.

1 Reis 2:4

Senhor Deusũ bebũkiri ea yubaniwẽ taea mã ẽ bakebũ matũ shinã hirabiwẽ inũ matũ yushĩ hirabiwẽ mã enabu pakubaĩkĩ hawa txakabuwama txanima ibubis mekei pe hiwekũkaini mã enabu Israelĩ enabu shanẽ ibuhairai ikubaĩshãkanaii, hawa heneama ipakeirã, mã Senhor Deusũ hãtxa txibãkubainaiburã.

2 Reis 19:4

Assíria shanẽ ibuhairatũ hawẽ tsuma Rabsaqué yunushina nukũ mekenika Deus hiweaki hãtxa txakabui shetxakai hawẽ detenamenika shanẽ ibu hãtxai mĩ mekenika Senhor Deusũ nĩkashumẽkaĩ”, ishũ, “Ẽ shinaiĩ. Hawẽ hãtxa nĩkashĩshũ Senhor Deus mĩ mekenikatũ hau ibubis hatu kupishanũwẽ. Nuku eskarabes nũ hiweyuabu Assíria nawabũ nuku atxiriama hau nuku merabewashanũ Senhor Deus dayuikĩ nuku yukashũwẽ, akĩ ea yuishũtãkãwẽ”, atã hatu yunua

Salmos 42:2

Deusũ ea hiwea inãmis putakatsi ikama ũpash manuai keskai ẽ habe nikũkainaii. Hatiã ana txĩtũkirã Deus bebũ ẽ nishanai?

Salmos 84:2

Mĩ tari hiwe hemaĩtĩ kenekauana merã hanu hikia haska mia betxipaihairai ẽ hari hanus ikatsis ikaii. Benima txakayamai ẽ huĩti hirabiwẽ mĩ Deus hiwea kãtakĩ ẽ kẽwãmiski.

Jeremias 1:18

Judá enabũ mai pakea anu hiweabu hatũ shanẽ ibuhairabu inũ, hatũ shanẽ ibu yununika beshmasbu inũ, minabu ebe hãtxashunikabu inũ, yurabu mae anu hiwebaunabu bebũshũ mĩ hatu nemakubaĩshanũ mae mishkiwẽ kenebaũkĩ keyatapa wanibu keska mia wakĩ inũ, mane ferro txibu kushipa keska mia wakĩ bronzewẽ mae kenebaunibu keska mia watã ikis eã mia nitxĩkĩ ẽ mia yunuaii.

Daniel 6:26

Hanira ẽ hatu yunubaũmis anushũ Danielĩ mekenika Deus hawa danãma hau haki mesekĩ unãkubaĩshanũbũ matu dasibi ẽ hãtxa ẽ matu yunuaii. Danielĩ mekenika Deus hiweaki, ikibi ikarã. Shanẽ ibukũkainai tsuã keyukĩ yamawatirumaki, hawẽ kushipa hawa keyutirumarã.

Mateus 16:16

Simão Pedrõ kemakĩ: —Miarã, Epa Deus hiweatũ bake mĩ nukũ mekenika Messias Cristoki— aka

Mateus 18:18

Txanima ẽ matu yuiaii. Nenushũ ikũwaĩbu yusĩkĩ mã hawara nemaya Epa Deusũri nemashanikiki. Hawara nenushũ mã nemashunamakẽ Epa Deusũri nemama iriashũshanikiki.

João 1:17

Haskawẽ taeshũ bebũkiri Deusũ Moiséswẽ hawẽ hãtxa nũ ha txibanũ nuku yununiki. Hakia txanima hãtxa haya inũ hawẽ nui abunameti kayabi huirã, hanua nũ binũ Jesus Cristowẽ taea besti huaki.

João 14:6

Jesusũ kemakĩ: —Hawẽ kati bai inũ hawẽ txanima unãti inũ hawẽ hiwekuĩtirã, habia ẽ eaki. Ea besti ikũwãkĩ txibaĩ Epa Deus anu mã hikitirubuki.

João 18:37

hanushũ Pilatõs ana yuikĩ: —Haskakenã, txanima mĩ shanẽ ibu kayabiraka— aka Jesusũ ana yuikĩ: —Mĩ haska hari yuiairã, ẽ Shanẽ Ibu kayabiki. Haskanũ ika yurabube hiwei ẽ tashnikiraniki, hatu txanima kayabi meshtãmairã. Tsuabũra txanima hãtxa abukĩ ẽ hãtxa nĩkamisbuki— aka

Hechos 1:2

Nai anu kariama Yushĩ Pepaki dasia nishũ hawẽ tsumabu kuxipayabu yusĩkĩ hau haska katushũ txanima akubaĩshanũbũ hatu yunuyabis shaba betsatiã nai anu inakainikiaki.

Hechos 14:15

—Hunibuũ, hawakĩ mã nuku haska wai? Nuku haska wayamakãwẽ. Nukurã, matu keskari nũ habias huniki. Ha yushĩ dabe mã kẽwãmistũ matu hawa washũtirumaki. Haskawẽ taeshũ mã kẽwãmis henetã Deus hiweatũ nai inũ, mai hirabi inũ, iãnẽwã dasibi inũ, hanu hiweabu dasibi damiwani matũ xinã betsa watã mã kẽwãkubaĩshanũbũ hakiri hawẽ bakekiri kakape matu yusĩtanũ ika nũ huxiãki.

Romanos 3:2

Shabakabi matu yuinũ nĩkakãwẽ. Ikũki. Ha dukũ mã judeubu hawẽ hãtxa Deus mã ashũtiru matuki txiti iniki. Matu haska wani pehairaki.

Romanos 9:26

Ha inũ, habianushũs ana hatu yuikĩ: “Maturã, mã enabuma ibiani hakia ẽ matu katukẽ: ‘Mã Deus hiweatũ bakebu’, matu kenashãkanikiki”, aka nĩkatã Oséiasĩ keneshuniki.

1 Coríntios 10:32

Haska hamapai tibi akĩ hawara danaĩbu hatũ berubi akĩ hatu uĩmatxakayamakãwẽ, judeubu kasmai judeubuma kasmai ikũwaĩ betsabu hiweaburã.

1 Coríntios 3:16

Haskawẽ taeshunã, matunã, mã unãmamẽ? Mã ikũwaĩbu Deus matubekẽ mã hawẽ hiwe keskawẽ taea Deusũ Yushĩ Pepa matuki dasia hiweaki.

2 Coríntios 3:3

Deusũ hawẽ yunuti inũ hawẽ nemati Moisés inãkĩ mixkiki Deusũ kenekĩ netãni keska wakĩ natiã shabakabi matu uĩnũbũ nukũ yusĩawẽ Cristõ hawẽ Yushĩ Pepawẽ txĩta tushkutimawẽ matũ huĩtiki kenea keska wakubainikiki. Hakia Deus hiweatũ Yushinĩ matũ xinã betsa wamakĩ matũ yuraki hawẽ kene netã keska waikiki.

2 Coríntios 6:16

Hanushũ Deus kẽwãti Templorã, hanushũ yushĩ dami betsa ha merãshũ kẽwãtirubumaki. Nukũ yurarã, hanushũ Deus hiwea kẽwãti Templo keskaki. Haska Deusũ hamebi ibubiskiri yuini nĩkakãwẽ: “Habu anu hiwei hatube nikũkaini ea ẽ hatũ mekenika Deus ikaya, haburã, enabu ishãkanikiki”,

2 Coríntios 6:7

Ha inũ, Deusũ kuxipa nuku merã nũ hayawẽ taea kaka txanima nũ yuimiski. Habias Deusũ kuxipa pepawẽ unãmakĩ nũ hatu atximamiski. Ha inũ, habiawẽri hakiri txakabu yuibiaibũ nũ hatu nemamiski.

Gálatas 2:9

Haskawẽ taeshũ ẽ hawa pepamabiakẽ ewẽ nuikĩ Jesusũ ea katushũ ea yununi ẽ hatuki txanikĩ meshtãma nĩkatã habu dukũ Jesusũ hatu katuni binuabu Tiago inũ, Pedro inũ, Joãonẽ ẽ haskamis txanima unãtã ea haibuwakĩ nuku danãma ea inũ Barnabébe ea habe metaka anibuki. Nuku haska wakĩ haibuwabu ea Barnabébe pashkakaĩ judeubuma anu nũ yusĩ kaya hanua haburi hawenabu judeuburi hatu yusĩnũbũ hatube yubakatã nũ ana dayai kaniki.

Gálatas 3:1

Galácia anua unaĩsmapa tatimabuũ, tsuã matu dauĩmẽkaĩ, parã paepa wakinã? Jesus Cristõ matu pepawanũ ika cruzkia matu mawashunikiri ẽ matu unãmakubaĩbiaya huni betsabũ hatũ yusĩa bena matu yusĩkĩ parãkubaĩkanikiki.

Efésios 4:21

Haskawẽ taeshũ bebũkiri Deusũ Katuakiri hawẽ kakape ẽ matu yusĩma haskai ha hiwenikiri tapĩkĩ mã nĩkaimarã, txanima Jesus anua ha besti yui kayaki.

Colosenses 1:5

Mã haskairã, Jesus Cristokiri kakape txanima nĩkatã benimakĩ matũ hiwea nai anu Deus anu mã haya mã manakaibu nũ matu unaiĩ.

1 Tesalonicenses 1:9

Ha inũ, mã haskaimabukiri ha mae anushũ nukukiri txanikĩ txanima haska mã nuku duawaima txanimisbuki. Ha inũ, damiwakĩ yushĩ itsa wabu mã kẽwãbiapauni ha henetã Deus hiwea kayabi ikũwãkĩ mã duawakĩ taewaimaki.

1 Timóteo 3:14

Ẽ hawaira samama mia uĩ kakatsis ibiai haskabia ẽ mia keneshũyuaii.

1 Timóteo 3:16

Dasibi Jesus Cristo nũ ikũwaĩwẽ Deusũ nuku duawai nũ unã keyutirumabia txanima shabakabi haska wani haska xinaĩ tsuabura haskakiri yui nũ hawẽ ha itirubumaki. Hakia hawẽ bake ikũwãkĩ Deus nũ benimawatiruki. Eskaki, mia yuinũ nĩkawe: Cristo huirã, hunĩ yura bitã tashniniki. Cristorã, hawa txakabu hayama pepa bestiki, iwanã, Deusũ Yushĩ Pepatũ hawẽ hiweakiri yuiniki. Bestẽkaina Deusũ nai tsumabũri uĩriakubainibuki. Ha inũ, nawa betsa betsapa anushũ Jesusũ tsumabũ kakape hakiri yusĩkubaunaibũ itxapabũ ikũwaĩbũ Deusũ nai anu ana hawẽri ainitã shanẽ ibu wani nũ unaiĩ.

1 Timóteo 3:2

Na eska yunua daya birã, hau eska tibi ikubainũbũwẽ. Duapa hakiri txakabu yuisbuma inũ, aĩyãkatsi ikĩ aĩbu bitã heneisma betsawẽ kemuisma inũ, hawẽ hãtxa kayabi binumakĩ kaneama pe xinãkĩ akubaĩmisbu inũ, haki kasheisbuma inũ, bai mapuabu hatu itã hatu ushãmisbu inũ, yusĩnanaĩ pekũkaĩmisbu itirubuki.

1 Timóteo 3:5

Tsuãra habe hiweabu hatu meke pewaismatunã, ikũwaĩbu Deusũ enabu haska washũ hatu pe meketirubumariki.

1 Timóteo 4:10

Haskawẽ taea dayakĩ Deus hiweatũ yura betsa betsapabu merabewakatsis ibiaya tsuabũra hawẽ bake Jesus Cristo ikũwaĩbu besti hatu mekekubaĩshanaiwẽ taea nũ habe hiweshanai manakakĩ habias hawẽ hãtxa nũ yusĩayã nuku itxakawabiabu hatu ikũwãmanũ ika nũ dayakũkainaii.

1 Timóteo 6:16

Ha ibubis mawatiruma inũ, ha besti hiwemis shaba txashakapa hiweaki tsua hari haki kematirumarã, tsuã uĩtiruma inũ tsuã uĩnakama hiweaki. Haskakẽ hawẽ kuxipa pae nukaisma duawakĩ hau kẽwãpakenũbũwẽ, niti ikamarã. Haskakirã.

2 Timóteo 2:19

Hatu haska wabiaibũ ma meribi Deusũ hawenabu kuxipa wakĩ mestẽwani hawa ana betsa wama ishanai ma Deusũ hãtxa kaneama kenenibu hayaki. Haskakẽ: “Nukũ Shanẽ Ibũ haratura hawenabu ma unaĩkiki”, ha inũ: “Tsuabũra nukũ Shanẽ Ibũ kenawẽ Deusbe hãtxakinã, hatũ txakabu txitetã hau henekubainũbũwẽ”, ariani kenenibu hayaki.

2 Timóteo 2:20

Haska inũ, huni mabuyatũ hiwe ewapa merã hawẽ mabu tibirã, ouro inũ prata hawẽrua besti hayamaki. Hakia ha dikabi hi mabu inũ mai mabu pepa beshmas hayariki. Ha mabu dabe haska keska dabes hayamaki. Betsa hawa husiama hawẽ pepahaira besti atiki. Hanua betsa hawẽ hamapai wakĩ pepa beshmas dasibibũ metirubu hayariki.

Hebreus 10:21

Natianã, nukũ Deusbe nuku hãtxashunika kayabi Deus bebũ ma niaki.

Hebreus 12:22

Maturã, nukũ shenipabu na mai anua Deuski nukua datenibu keskama txanima kayabi Mati Sião inũ Deus hiweatũ maewã Jerusalém pepa txasha txasha ikai nai anu hanu hawẽ nai tsumabu hanu haki dasia tsuã hati tanatiruma habũ Deus kẽwaĩbu haskabu anu mã ma ikũwaĩ haki kemaki.

Hebreus 3:12

Haskawẽ taea ẽ betsabu inũ ẽ puibuũ, matũ huĩtinĩ txakabu xinãkĩ ana ikũwãti kuxiwama txĩtũtã Hamebi Hiwemis Deus henebaĩkatsi ikama matu tibi ibubis mekekĩ xinã pewarikubaĩkãwẽ.

Hebreus 9:14

Haska wapaunibu pebia haska binumakĩ Cristõ hawẽ himi habanirã, kuxipa paehairaki. Haskakẽ Deusũ Yushĩ niti ismatũ merabewaya inãkuĩti hawa txakabu hayama keskakĩ Jesus Cristo ma ana bestẽkĩ Deus nuku daewashuniki. Mawai hawẽ himi habaniwẽ taea natiã nukũ xinã txakabũ nuku kanemakĩ hawẽ nuku tenãmis nuku buashũtã nukũ kupiti bitã hiwekuĩa nuku inãkĩ pewaniki, Hamebi Hiwemis Deus besti duawai ha dayashuni nũ hiweshũkubaĩshanũbunã.

Josué 3:10

hatu yuikĩ: “Uĩkãwẽ. Mai hirabi hatũ dami wani hawẽ ibu hatube yubakani hãtxa aruni bau matu bebũ bebũkiri Hene Jordãokiri pukui bukanikiki. Ha bau iabaini bui Hene Jordão anu Deusbe matu hãtxashunikabu pukutanaibũ hene dami hamebi pashkai ha hene manãkiria kushibirani niti ika pes daka uĩkĩ Senhor Deus hiwea matube nia kakũkainai mã uĩshanaii. Hanushũ hatũ matu merabewakĩ Canaã nawabu inũ, Heteu nawabu inũ, Heveu nawabu inũ, Ferezeu nawabu inũ, Girgaseu nawabu inũ, Amorreu nawabu inũ, Jebuseu nawabu matũ berubi nitxĩkĩ hatũ mae tibi matu mebĩshũkĩ matu ibuwamashanai mã uĩshanaii. Haskakẽ mã shukua tibi anua huni bestitxai tibi katukãwẽ, 12 huni kushipaburã. Ebe buaibu daya betsa ẽ hatu yunushanaii”, hatu wa

1 Pedro 2:5

Mã haskakũkainaya mã Jesus ikũwaĩbu dasibi mixki hiwe keska wakĩ hawẽ kẽwãti kayabi matu wakubainikiki, haskai duanamei mã ma haki dasiaburã. Matu dasibi mã Deusbe hãtxashunikaburã, mã hawenabu meribiki. Jesus Cristo mã ikũwaĩbuwẽ taeshũ haska Deusũ abuai akĩ mã Deus benimawakubainaii.

1 Pedro 4:17

Jesus Cristo ikũwaĩ nũ hawenabuwẽ taeshũ natiã bika betsa tibi memakĩ nuku tenemakubaĩkanikiki. Haska nũ tenebiamiskẽ Jesus ana huaya habũ Deusũ kakape danãmisburã, habu Deusũ kupiarã, haskarara Deusũ hatu kupiaitiã yumãkĩ tenetxakayamashãkanimẽkaĩ?

Apocalipse 7:2

hanua nai tsuma betsa bari huaikiria lestekiria hukĩ nukũ Epa Deus hiweatũ hawenabu unãti washũti hayatũ hui kuxipawẽ ha nai tsuma dabe inũ dabe habu kuxipa mai inũ iãnẽwã daũti hayabu hatu

1 Samuel 17:26

nĩkatã hari mapuabu Davĩ hatu yukakĩ: —Ha Filisteu nawã matu kashe wakubainai tsuara habe detenamekĩ tenãkĩ yamawakenã, ha huni detenamenika Saulũ hawa inãshanai yuishinamẽ? Deus hiweatũ detenamenikabu kashe wakĩ bika tenemakubainai tsua ikimẽkaĩ, hawa Deus ikũwãmarã— ikaya

1 Samuel 17:36

Haskakĩ leão inũ urso detekĩ ẽ amis keska ha huni Filisteu nawa Deusuma ẽ habiaskari watirumamẽ? ha Deus hiweatũ detenamenikabu hatu mesewakubainairã.