1 Samuel 6:6 - Kaxinawá Bíblia (BR)

⁶ Israelĩ enabu Egito anua tashnibaĩpanãbũ Faraó inũ hawenabu huĩti kushikĩ hatu nemakubainaiwẽ taeshũ Israelĩ enabu mekenika Deusũ hatu kupihairaya atimas ana hatu nemama ini keskai matũ huĩti kushi wayamakãwẽ.

1 Samuel 6:6 Referencias Cruzadas

Êxodo 10:3

Moisés inũ Arão Faraó anu bushũ Senhor Deusũ hãtxa yuishũkĩ: —Hebreubũ mekenika yushĩ Senhor Deusũ eska mia ana yuikiki. Nĩkawe: “Hatiã ana huĩti kushiama niti itã mĩ ea nĩkashanai, ea bebunua babuirã? Haska ẽ mia yuiai keska enabũ hau ea kẽwaĩ bunũbũ ana hatu nemayamawe.

Êxodo 14:17

Hakia eanã, hatu uĩmakĩ hau matu txibaĩ ianẽwã namakis hikibainũbũ Egito nawabu hatu nĩkaisma huĩti kushi washũ Faraó inũ, hawẽ detenamenikabu inũ, hatũ cavalo tarãti inũ, habu cavaloki katsaũmeabu dasibi yamawakĩ yura dasibi ẽ kushipa ẽ hatu uĩmashanaii, hau hakimama shinãkubaĩshanũbunã.

Êxodo 14:23

haska washũ Senhor Deusũ ana hatu nemama Israelĩ enabu pukei keyuaibũ Faraónẽ hatu uĩtã hatu yunua hawẽ detenamenikabu cavalo katsaumeabu inũ cavalo hawẽ tarãbaĩtiki mapubainaibu dasibitũ habũ atxitanũ ika buaibu hau hene haki dasiwakĩ namakis hikikaĩkĩ hatu txibaĩ pukebaini ianẽwã namakis anu buaibu penaya txi here buru tsaua inũ nai kuĩ kayãbis merãshũ Egito nawa detenamenikabu hatu uĩkĩ hatũ cavalo tarãbaĩti tae txakabuwakĩ hani katiruma wakĩ hatu bika tenemakĩ Senhor Deusũ hatu itxakawaya Egito nawa detenamenikabu yuinamei: —Hatũ mekenika yushĩ Senhor Deusũ nuku itxakawaikiki. Txĩtuĩ pasharinãkãwẽ— ikaibũ

Êxodo 4:21

txipu Senhor Deusũ Moisés ana yuikĩ: —Egito anu mĩ ma hikia hatu dateti dami ẽ mia amashina keska hakimama na habias dami ana akĩ Egito shanẽ ibu Faraó uĩmashãwẽ. Mĩ haska washũbia hawẽ huĩti kushi wakĩ nĩkaisma ẽ wakẽ Egito anua Israelĩ enabu hawaira Faraónẽ hatu nitxĩkĩ heneama ikũkaĩshanikiki.

Êxodo 7:13

haska Faraó ashũbiabu uĩbiatã hawa dateama huĩti kushitã haska Senhor Deusũ yuishina keska Moisés inũ Arão Faraóne hatu nĩkatã hawenabu heneshunama inikiaki.

Êxodo 7:14

Hanushũ txipu Senhor Deusũ Moisés yuikĩ: —Minabu bupanãbũ Faraó huĩti kushitxakayamatã hatu bashikiki.

Êxodo 8:15

hakia Senhor Deusũ heu yamawashuna ana hawẽ dateama hawẽ huĩti kushitã Moisés inũ Arãonẽ hãtxa Faraónẽ ana hatu nĩkama haska Senhor Deusũ Moisés yuishina keskakĩ Faraónẽ Israelĩ enabu ana hatu nemaniki.

Êxodo 8:32

Faraónẽ uĩ ana hawẽ huĩti kushitã Israelĩ enabu kẽwaĩ bupanãbũ ana nemakĩ hatu bashinikiaki.

Êxodo 9:16

Hakia mai hirabi anushũ ẽ kushipa inũ ẽ kena hau unãbaũshanũbũ ẽ kushipa mia uĩmakĩ ẽ mia tenãma ishiãki.

Êxodo 9:34

ui inũ barush ui inũ tĩ ikaĩkaini neseai uĩtã Faraó inũ hawẽ merabewanika shanẽ ibubu dikabi hatube huĩti kushitã ana txakabu shinãkĩ

Romanos 2:5

Haska inũ, mã hatiritũ txakabu betsa betsapa akĩ henekatsi ikama Deus xinãma txakabu ibubis matsãkeakebaĩkĩ Deus sinatamamisbuwẽ taeshũ yurabu dasibi unãti washanaitiã ana manama Deusũ matu kupishanikiki.

Hebreus 3:13

Haskama matuburã, haska Deusũ hãtxa natiã txaniaya natiã besti matũ xinã mã hawaira pewatirubuki. Haskawẽ taea manama benimarabe bestinãkãwẽ, bari tibirã, hau tsuã taska betsa matu parãyamanũbũ inũ txakabũ matu meshtea txĩtuĩ matũ huĩti mã kuxiyamanũbunã.