1 Samuel 6:5 - Kaxinawá Bíblia (BR)

⁵ Mã bika teneaiwẽ taeshũ su ika keska ouro dami inũ matũ mae anushũ dasibi shuyã pikĩ dasibi txakabuwakĩ keyuaibu keska ouro dami wakĩ keyuabu ha damiyabi inãkĩ Israelĩ enabu mekenika Deus duawakĩ pewakubaĩshãkãwẽ. Mã haska wai Senhor Deusũ uĩtã matu inũ matũ yushibu inũ matũ mai pakea ana kupiama matu heneshanimẽkaĩ.

1 Samuel 6:5 Referencias Cruzadas

Salmos 32:4

Hua barĩ kua hawẽ shanawẽ txushi txapumis keska wakĩ meshu merã inũ bariri ea shinãmakĩ ẽ txakabuwẽ hawẽ ea timakĩ e imakĩ mĩ ea tenemakubainiki.

Êxodo 12:12

Ha mã haska waitiã habias meshuki Egito mai hirabi anu iaketãkĩ hiwe tibi anushũ hatũ huni bake iyuabu inũ hatũ ina bene habu dukũ kaiãbu dasibi tenãkĩ Egito nawabũ hatũ dami yushĩ tibi ẽ kupi keyuaii. Ea ẽ hiwemis Senhor Deusũ haska ẽ matu yuiaii.

Êxodo 8:17

habias Senhor Deusũ hãtxa Moisĩ Arão yunukĩ ama hawẽ mestẽti sanãtã mai mishpu Arãonẽ bekushaya hanu Egito nawabu hiwebaunabu anuari mai mishpu dasibi dami shiutã yurabu dasibiki inũ inabukiri niri ikĩ hatu tsã tsãki akĩ hatu pikĩ hatu bika waya

Êxodo 8:24

ushashini penaya kashũ Faraó habias hãtxa Moisĩ yuibia ana nĩkamahairakẽ txupe mirimahaira nai kuĩ meshubiranai keska wakĩ Senhor Deusũ yunuaya Faraónẽ hiwe anu inũ hawenabũ hiwe tibi anu txupe mirimahaira niri ibirã hatu pikubaĩkĩ heneama Egito mai hirabi hawa tukã wãma txupewã matashũ hatu txakabuwaya

Êxodo 8:5

kashũ habias hãtxa Faraó yuibiabu ana hatu nĩkamahairakẽ hanushũ Senhor Deusũ Moisés ana yuikĩ: —Mĩ betsa Arão amariwe, hau hatũ hene inũ, hatũ pashku debu dasibi inũ, hatũ ianẽwã dasibi bemaki hau hawẽ mestẽti sanãbaũkĩ hanira Egito nawabu hiwebaunabu anu hau heu mirimahaira ishtxubirã hau dasibi hatu merã matai keyunũbũ dami wamariwe— aka

Isaías 42:12

Ianẽwã kesha mai pakea tibi anushũ Senhor Deus pepawakĩ shabakabi duawakĩ hau kẽwanũbũwẽ.

Joel 2:25

Senhor Deusũ matu ana yuiai nĩkakãwẽ: “Ha baritiã hau shini mesebũ matũ yunu txakabuwanũbũ matu anu ẽ hatu yunua beshũ matu yamawaĩmabunã, eã ẽ ana matũ yunu inãkĩ hayawashanaii.

Jonas 3:9

Nũ haska wakubainaya nukũ txakabuwẽ nukuki sinatabiashina Deusũ hawẽ shinã betsa washanimẽkaĩ. Haska waya nũ mawama ishanaii”, hatu wa bushũ mae hirabi anu hatu yuikubaunaibũ

Malaquias 2:2

Ea Senhor Deus kushipa dasibi binuatũ matu yuikĩ: Matubunã, ea nĩkakĩ ikũwã kayabikĩ ea duawakubaĩshãkãwẽ. Mã haska ea wamakẽ ẽ matu yupushanaii. Shinãkĩ txanimawẽ mã ea duawamawẽ taeshũ matunabu mã ebe hãtxashunika ikubainai haska matu duawabiamisbũ betsa wakĩ eã ẽ matu txakabuwashanaii, yupukinã.

João 9:24

hanua ana yuinametã shushawaxina ana kenashũ yuikĩ: —Txani txakamahaira Deusũ besuubi nuku yuiwe. Nukũ nũ uiaĩnã, ha hunirã txakabuki, Deusũ hãtxa txibãmarã— akabu

Josué 7:19

Ma unãmawẽ taeshũ Josué Acã yuikĩ: —Ẽ haibuũ, ea nĩkawe. Nukũ shenipabu Israelĩ mekenika Senhor Deus pepawẽ duawakĩ kẽwãkĩ mĩ haska washina huneama ea yuiwe— aka

Apocalipse 11:13

ha haskabaini nesebainaibũ patxa sakuaya ha mae décima parte pake betsa di akaya 7.000 yurabu debuaibũ dasibi yura betsabu habu hiweyuabu datehairai damapaikĩ Deus nai hirabi shanẽ ibu kuxipahaira ikũwãmabia kẽwaĩbu haskashanaibu nĩkakĩ ẽ uĩshuki.

Apocalipse 14:7

hui kuxipawẽ yuikĩ: “Deusũ nai inũ mai inũ iãnẽwã inũ ũpash txatxa tibi damiwanitũ yura dasibi unãti watã na habiatiã hatu kupikĩ taewaikiki. Haskakẽ menã haki dãti itã Deuski datekĩ kẽwãrikãwẽ”, ikainaya

Apocalipse 16:9

hawẽ kupiti txakabu tibi Deusũ yunukĩ hatu tenemaiwẽ taeshũ ha kuhairaiwẽ menubiakĩ haska xarabu mebiai Deuski shetxakakĩ kẽwãnũ ishũ xinã betsa wabumaki.

1 Samuel 5:11

Deusũ haburi kupikĩ su ika pawakĩ hatu isĩ tenemakubainaya ha maewã anu hiweabu datetxakayamakĩ hatũ shanẽ ibubu hau hatu yuishũtanũbũ hatu kenabu ma bei itxai keyuaibũ hatu yuikĩ: “Israelĩ enabu mekenika Deusũ hãtxa hatube yubakani aruni bau nenu mã beimarã, hatu bushũritãkãwẽ, ibubu anurã, hau nenushũ nuku dasibi tenãyamanunã”, hatu wanibukiaki.

1 Samuel 5:9

Gate mae anu mistushinabũ hanushũ Senhor Deusũ habu dasibiri hawẽ hatu datekĩ kupikĩ bake mishtĩyãbis su imakĩ isĩhaira tenemakĩ hatu nuitapawaya

1 Samuel 6:8

Haska washũ Senhor Deusũ hãtxa aruni bau beshũ tarãtiki nanetã hawẽ daewati ouro mabu inãkuĩti bau betsa merã ha dapi datãshãkãwẽ. Haska washũ hatu heneshãkãwẽ, ina awa dabe ibubis hau butanũbunã.