1 Samuel 6:3 - Kaxinawá Bíblia (BR)

³ habũ hatu kemakĩ yuikĩ: —Deusũ hãtxa aruni bau mã ana hatu inãkatsi ikai haska besti hatu bumayamakãwẽ. Senhor Deus daewakĩ inãkuĩti pepa bumashũkãwẽ. Mã haska wa mã shushashanaii. Senhor Deusũ matu kupikĩ heneai mã unãshanaii, ana matu kupiamarã— hatu wabu

1 Samuel 6:3 Referencias Cruzadas

Êxodo 34:20

Hakia jumento bake bene ha dukũ kaiã enabia ibu wakatsis ikĩ ha jumento bake shãtukũ txashuwã bake bene kasmai cabra bake bene maewatã ea inãkubaĩshãkãwẽ. Hamẽ txashuwã bake kasmai cabra bake mã ea inãkatsi ikamarã, jumento bake kaiãs tetush akubaĩshãkãwẽ. Ha dikabi matũ huni bake tue bena ha dukũ kaiã enabiakẽ mã ibuwakatsis ikĩ hawẽ shãtukũ txashuwã bake mã ea inãtiruki. Hamẽ hawẽ inãkuĩ mã ea beshuãma matũ huni bake hanu eki nukuti hiwe anu iweshũ mã ea uĩmatirumaki.

Êxodo 8:15

hakia Senhor Deusũ heu yamawashuna ana hawẽ dateama hawẽ huĩti kushitã Moisés inũ Arãonẽ hãtxa Faraónẽ ana hatu nĩkama haska Senhor Deusũ Moisés yuishina keskakĩ Faraónẽ Israelĩ enabu ana hatu nemaniki.

1 Samuel 5:11

Deusũ haburi kupikĩ su ika pawakĩ hatu isĩ tenemakubainaya ha maewã anu hiweabu datetxakayamakĩ hatũ shanẽ ibubu hau hatu yuishũtanũbũ hatu kenabu ma bei itxai keyuaibũ hatu yuikĩ: “Israelĩ enabu mekenika Deusũ hãtxa hatube yubakani aruni bau nenu mã beimarã, hatu bushũritãkãwẽ, ibubu anurã, hau nenushũ nuku dasibi tenãyamanunã”, hatu wanibukiaki.

1 Samuel 5:7

Asdode anu hiweabu dasibi isĩ tenehairakĩ ha isĩ mebauni yuinamekĩ shinaĩ: “Israelĩ enabu mekenika Deusũ nuku inũ nukũ yushĩ Dagom kupikĩ shaba itxapa nuku isĩ tenemakubainaiwẽ taeshũ hatũ mekenikã hãtxa aruni bau nukubũ nũ ana meketirubumaki”, ikeaketã

1 Samuel 5:9

Gate mae anu mistushinabũ hanushũ Senhor Deusũ habu dasibiri hawẽ hatu datekĩ kupikĩ bake mishtĩyãbis su imakĩ isĩhaira tenemakĩ hatu nuitapawaya

1 Samuel 6:8

Haska washũ Senhor Deusũ hãtxa aruni bau beshũ tarãtiki nanetã hawẽ daewati ouro mabu inãkuĩti bau betsa merã ha dapi datãshãkãwẽ. Haska washũ hatu heneshãkãwẽ, ina awa dabe ibubis hau butanũbunã.

1 Samuel 6:9

Israelĩ enabu mae Bete-Semeskiri hawa hikikaunama kai peairã, Deusũ hatũ nuku bika tenemai nũ unãshanaii. Hakia haskama hamakiri ha ina awa hikibainaiburã, hawãra nuku isĩ tenemakĩ kupiai nũ unãtirubuki— hatu wabu