1 Samuel 2:35 - Kaxinawá Bíblia (BR)

³⁵ Hanushũ hawenabu ebe hãtxashunika shanẽ ibu betsa katukĩ ẽ kushipa washanaii. Hatũ pe shinãkĩ ẽ hãtxa inũ haska ẽ betxipaiai unãkĩ ea ashũkubaĩshanikiki. Haskawẽ taeshũ hawenabu shanẽ ibu kushipa ẽ katushanaii. Hau habũ ea dayashũkubaĩshanũbũ ha ebe hãtxashunika shanẽ ibu benã enabu pakubainaibu ẽ hatu hiwemakubaĩshanaii, niti akamarã.

1 Samuel 2:35 Referencias Cruzadas

2 Samuel 7:27

Enabu shanẽ ibu ikubaĩshanaibu miarã, Senhor Deus kushipa dasibi binuatũ mĩ ea tapĩmaiwẽ taeshũ ẽ mĩ tsuma bestibia dakeama ẽ mia yukaii.

1 Reis 1:45

Israelĩ enabu shanẽ ibuhaira hatu unãti wamakĩ Deusbe nukunabu hãtxashunika Zadoque inũ Deusũ hãtxa yuishunika Natãnẽ Salomão sheni ininipa maukai dasibibũ uĩtã benima txakayamai txĩtũbirãkanikiki, haskawẽ taea Jerusalém anu hiweabu sai sai itxakayamakubiranaibu mã nĩkairã.

1 Reis 1:8

hakia hawenabu Deusbe hãtxashunika Zadoque inũ Joiadã huni bake Benaia inũ, Deusũ hãtxa yuishunika Natã inũ, Davĩ haibuhaira merabewanika Simei inũ, Reí inũ, detenamenikabũ Davi merabewamisbũ habu kushipabũ Adonias betxipaikatsi ikabumakẽ

1 Reis 11:38

Haska ẽ mia yunuai mĩ akubainai inũ haska miãri betxipaikĩ txanima ẽ yunuti hãtxa inũ ẽ nemati hãtxa ẽ hatu yusini Davĩ txibãkĩ akubaini keska wariakĩ mĩ akubainai mia merabewai mibe ikũkaĩkĩ minabu ẽ mia shanẽ ibu wamakubaĩshanaii, hanua Davĩ enaburi hatu shanẽ ibu wariakubaĩkinã. Mĩ haska waya Israelĩ enabu ẽ mia hatu ibu wamashanaii.

Salmos 2:2

Mai anua shanẽ ibu kushipabu shanẽ ibu betsabube Deus inũ hawẽ Katuaki sinatai hatu maemanũ ika yubakai hatuki ha ikanikiki.

Êxodo 1:21

bake kaĩmanika aĩbuaibu Deusũ kushipaki meseaibuwẽ taeshũ hawenabus pawakĩ Deusũ hatu merabewakĩ pewakubainikiaki.

Hebreus 2:17

Hawẽ betsabu inũ hawẽ puibu keskatã hatũ yura bitã Deus dayashuni ha bebunua hawenabu hãtxashunika binua inũ ika hawẽ yura Deus inaĩ mawai hawa txĩtuãma pepa duapa iniki, yurabu Deus hatuki sinatamis hatu merabewakĩ hatũ txakabu buashunũ ikarã.

1 Samuel 10:10

hanua hawẽ dayarube Saul Gibeá ma kemai kai Deusũ hãtxa yuishunikabu benimabirani Saulki nukuabu Deusũ yushinĩ Saul betsa wakĩ kushipa wa nishi paewẽ paeã keska benimakĩ hatubetã Saulũ Deus kẽwãkubainaya

1 Samuel 10:9

—Ma ẽ kaii— abaini Saul kaya Deusũ Saul hawaira shinã betsa wamashũ haska hawẽ unãti Samuelĩ Saul yuishu Deusũ dasibi uĩmakubirãshu

1 Samuel 12:3

Na habiatiã ẽ nenuki. Haskara ẽ matu akubirãshinamẽkaĩ, ea yuikãwẽ. Tsuã ina awa kasmai jumento ẽ biaĩmamẽkaĩ, bika tenemakĩ tsua ẽ itxakawaimamẽkaĩ, hawa txakabu hau hatu unãyamanũ hune hatũ pei ẽ biaĩmamẽkaĩ, Senhor Deus bebũ inũ matũ shanẽ ibuhaira Senhor Deusũ katuima bebũ ẽ tsuara haska waimarã, shabakabi ea yuikãwẽ, mã huni betsa ẽ haska waima ẽ diriarã, hawara pepawẽ ẽ matu pakairã— hatu waya

1 Samuel 16:13

haska wa Samuelĩ nĩkatã sheni bua hawẽ kapãkãkia bitã hawẽ epa Jessé inũ hawẽ betsabũ uiaĩbũ berunã hawẽ kena Davi piti sheniwẽ Samuelĩ mashu akĩ hau Israelĩ enabũ shanẽ ibukũkaĩshanũ katuaya habiatiãri Senhor Deusũ Yushinĩ Davi kushipa wakĩ taewaya hawa ana manai niti ikama hatu yuibaini Ramá anu hawẽ hiwe anu Samuel txĩtũkainikiaki.

1 Samuel 2:36

Minabu tesheni eskarabes hiweabũ hatũ piti binũ ika pei heshe bestitxai benai inũ misi ture besti binũ ika daya benai ebe hãtxashunika shanẽ ibu bena anu bushũ dãti itã yukashãkanikiki’ ”, akĩ Deusũ hãtxa yuishunikã Eli yuibaini kakẽ

1 Samuel 3:1

Elĩ yunua Samuel Senhor Deus dayashũkũkainaya habiatiãri haska tashnimakĩ Senhor Deusũ tsua hawẽtsaĩs hãtxa waisma inũ hatiraki tsuara shabakabi namai keskawẽ hatu uĩmakĩ hawẽ hãtxa hatu yuisma

1 Samuel 7:9

txashuwã bake bene pishta txutxu heneriama Samuelĩ atxitã tesẽshũ txiwẽ hirabi menukĩ Senhor Deusũ hau hatu merabewanũ Samuelĩ yukakubainaya hatu detenũ ika Filisteu nawa detenamenikabu kemaibũ Samuelĩ hãtxa Senhor Deusũ nĩkatã hatu merabewakĩ habu anu kana tũ ima txakayamakĩ hatu dateaya nĩkai datei Filisteu nawabu kushibainaibũ

1 Samuel 8:3

hatu haska wakĩ hawẽ bakebu hatu katushũbiaima hatũ epa pepakũkaĩmis keskama hakia ibubis kemuhairai shinã txakakĩ pei hune binũ, iwanã, hatu yukakubaĩkĩ hawara yunuti pepa txibãma ikubainaibuwẽ taea

1 Samuel 9:12

txipashbũ kemakĩ yuikĩ: —Heẽ. Na habianua mã haki nukutiruki. Mananã meribi harishũ Deus kẽwãmisbu anushũ nami hatu pimai nukũ mae anu ma huaki. Menã hawairabaĩ haki nukuritãkãwẽ.

1 Samuel 9:13

Mananãshũ hatu pimai kariama hikishũ hawaira benatãkãwẽ. Huriamakẽ nukunabũ piama manayumisbuki. Inabu tesẽshũ hawẽ sheni menu keyutã hawẽ kẽwãti nami huabu hamaki pitirubumaki. Hakia ha unãhaira hushũ ha piti ma hatu Deus kẽwãkĩ ma hatu pewashũkẽ tsuabura hatu kena bei itxashũ pimisbuki. Haskawẽ taea hawairabaĩritãkãwẽ, ikis hanua mã haki nukuairã— akeakeabu