1 Samuel 2:2 - Kaxinawá Bíblia (BR)

² Senhor Deusuũ, tsua meribi mia keska hayamaki. Nukũ mekenika Deusuũ, mĩ nuku mekemis keska tsua hayamaki. Tsuã mia binua ana betsa hayamahairaki.

1 Samuel 2:2 Referencias Cruzadas

2 Samuel 7:22

Haska nuku dasibibũ nũ nĩkamis inũ nũ uĩmisrã, hawa mekenika Deus betsa mia binua betsa hayamaki, mia keskarã. Haskawẽ taea ẽ mekenika Senhor Deusuũ, miarã, mĩ pepahairaki, tsuã haska watiruma mĩ nuku ashũmisrã.

Salmos 73:25

Nai anurã, ẽ tsua hayamẽ? Mia besti ẽ hayaki. Na mai ana betxipaiama mibe besti ẽ hiwekatsis ikaii.

Êxodo 15:11

Ẽ Shanẽ Ibu Senhor Deusuũ, mekenika yushĩ betsa mia keska tsua hayamahairaki. Meribi pepahairakĩ dasibi mĩ binu keyuaki. Hamapai sharabu wakĩ: ‘Habaa!’ imakĩ mĩ hatu datemamiski. Haskabia hau mia kẽwãshanũbũ mĩ pepa ikũkainaii.

Isaías 40:18

Matubũ Deus mã unãti wakĩ shinanã, haratu keskamẽ? Haratu dami besu keskamẽ?

Isaías 44:6

Senhor Deus Israelĩ shanẽ ibu inũ hatũ merabenanika dasibi binuatũ yuikĩ: “Earã, ea dukũ ẽ hiweni inũ ẽ hawẽ henea debesekeaki. Tsuã ea binua Deus kayabi betsa hayamaki.

Isaías 44:8

Ẽ haskakẽ benimai dateyamakãwẽ! Nenumahairatiã yui ea ẽ txaninirã, matubunã, mã unaiĩ. Mã haska ekiri txanitirubuki. Deus kayabi betsa hayamẽ, mã unanã? Hayamahairaki. Hanu pashati betsa ẽ uĩsma ẽ hawa unãmaki.”

Isaías 6:3

Habu yuinamei hãtxabaũkĩ yuikĩ: “Meribi pepa, pepahaira Senhor Deus kushipahaira nukũ Shanẽ Ibuhairaki. Hatunã, mai hirabi dasibi hawẽ kushipawẽ atxi keyuaki.”

Romanos 15:4

Haska dasibi Deusũ hãtxa yuishunikatũ bebũkiri keneniburã, haska ha keneni tapĩkĩ xinaĩ nũ hawẽ hiwekubaĩshanũbũ nuku ashunibuki. Haskawẽ taea ha Deusũ hãtxa uĩkĩ tapĩ nũ txĩtuãma nuku merabewaya hawẽ taea benimai nũ hiweibi hiweshanai nuku manakamaikiki.

Romanos 4:8

Tsuara hawẽ txakabu Shanẽ Ibu Deusũ ana hakiri xinãmakẽ ha yura benimariamiski”, iniki, Davirã.

Deuteronômio 4:35

Matũ mekenika yushĩ pepa txanima kayabi Senhor Deuski. Tsuã Deus binua ha keska betsa hayama matu unãmaniki, haska matu shinãmakinã.

Deuteronômio 4:39

Haskawẽ taeshũ matũ shinãwẽ tsuma pewatã hakimayamakãwẽ, mistu pewakinã. Matũ mekenika Senhor Deusrã, nai inũ mai hirabi hawenaski. Mekenika ha keska Yushĩ Pepa betsã binuã tsua hayamahairaki.

1 Pedro 1:16

Deusũ Moisés yuikĩ: “Ẽ meribi pepawẽ taea maturi meribiri pepakubaini hiwekubaĩkãwẽ”, ikai nĩkatã keneniki.