1 Samuel 2:15 - Kaxinawá Bíblia (BR)

¹⁵ Hatũ beya haskabia hawẽ sheni txi tapu anu menukĩ taewariamabiakẽ Deusbe hãtxashunikã dayaru hushũ Senhor Deus kẽwãkĩ menukatsi ikaibu hatu yuikĩ: “Ẽ tsuma Deusbe hatu hãtxashunikã nami shui pikatsis ikikiki. Ha nami pasha ea inãwẽ. Matũ nami hua danãkĩ betxipaiamaki. Nami pasha besti bikiki”, aka

1 Samuel 2:15 Referencias Cruzadas

Êxodo 12:9

Pasha inũ huari hau pitaskayamashanũbũwẽ. Hakia hawẽ bushka inũ hawẽ pũyã dabe inũ hawẽ kishi dabe hawẽ yura dasibi taeyabis txi anu hau shuishanũbũwẽ.

Romanos 16:18

Haska habu parananãkĩ nukũ Shanẽ Ibu dayashunaiburã, hamẽ ikanikiki. Haska habũ xinaĩ besti abukĩ hatũ hãtxa hawẽrua txẽshwẽ besti hatu hãtxa wakĩ yura betsabu Jesus Cristokiri kakape unãhairariama beparamekanikiki. Haskakẽ hatuki kemama jatu dũkekubaĩkãwẽ.

Filipenses 3:19

Ha yurabu haskaburã, nukũ Deuskiri xinãma habũ deusrã, pikekĩ pi bestimisburã, ha inũ, hawẽ kẽmisburã, yurabu hawẽ dakebiaibũ habu dakeama hamapai txakabu na mai anua besti xinãkĩ abukĩ akubaĩmisbu hanu bari hawẽ heneaitiã habu benunũbarikanikiki, Deusũ hatu kupiarã.

Judas 1:12

Haska inũ, mã Jesus txibaĩbu itxatã duanamekĩ mã piaibũ ha parananãmisbu dakei hawa dateama matube naxui itã pike bestikĩ tsua duawama benimanikapaikĩ matu dakewamisbuki. Habu mekenikabia ibubis besti hawẽ yura xinaĩ mekemisbuki. Habũ yusĩanã, nai kuĩ hushupa nuyabainaya ui huama mai metxawaisma keskai habu hãtxahairakĩ yurabu merabewakĩ kuxipa waisbumariki. Ha inũ, hanu ni bimiyamisbutiã hi betsa betsapa bimibiamiskẽ habu hãtxãwaĩbu nĩkakĩ hawẽ merabewati hi bimiuma shanaxina betsea keskai parananãmisbũ tsua merabewaisbumaki.

1 Samuel 2:14

kẽti ewapaki kukatsa ikai anu pukushũ haratura nami betãkĩ nesheshũ hawẽ tsuma anu butã butãmisbu Siló anu bushũ Israelĩ enabu dasibibũ hatũ ina inãkuĩ beabu Elĩ bakebũ hatu itxakawakĩ habiaskas hatu wapaunibukiaki.

1 Samuel 2:16

hakia Israelĩ enabũ hatũ beya pepa kanekatsi ikama txibãkĩ kemakĩ yuikĩ: “Haskamaki. Ha dukũ hawẽ sheni hau menukĩ ea keyushunũwẽ. Haska washũ hawara betxipaiai mĩ tsuma Deusbe nuku hãtxashunikã bitiruki”, aka hakia hawẽ dayarũ kemakĩ yuikĩ: “Hamaki. Ikis hawaira ha dukũ ea inãwẽ. Mĩ ea inãma nĩkamas mia mebĩtã nũ bushuaiĩ”, aka