1 Pedro 3:11 - Kaxinawá Bíblia (BR)

¹¹ Hamapai txakabuki hari kemama haskai unãnumakĩ pe besti benakĩ haska txibãkubaĩkãwẽ.

Kashinawa : Diosun Jesúswen taexun yuba bena yiniki

¹¹ Jamapai chakabuki jadi kemama jaskai unanumakin pe besti benakin jaska jau chibankubainkanwen.

1 Pedro 3:11 Referencias Cruzadas

Jó 1:1

Mai pakea ewapa Uz anu huni betsa Jó hiwea huni pepa hawa Deuskiri txakabuismatũ Deuski mesekĩ dayashũkũkaĩkĩ hawa txakabu mekĩ tsua txakabuwakatsi ikama hiwepaunikiaki.

Jó 2:3

nĩkatã Senhor Deusũ yuikĩ: —Ẽ tsuma Jó mĩ uĩmisrã, haskara hakiri mĩ shinaĩ? Jó ea duawai txĩtuĩsma keska mai hirabi anu hiweabu tsua huni betsa haska keska hayamahairaki. Hakia Jó huni pepatũ hawa txakabu mekĩ txakabuwaismatũ tsua itxakawaismaki. Hawa txakabuwamabiakẽ Jó mĩ ea itxakawãbiashina Jó hawa shinã txakama hawẽ shinã pepa bestiwẽ taeshũ tsuã hakiri txakabu yuitirubumaki— aka

Salmos 34:14

Txakabu betsa betsapa danãkĩ pe besti akubaĩkãwẽ. Haratura hawẽ unanuma kati bai betxitã ha txibãkubaĩkãwẽ.

Salmos 37:27

Txakabu betsa betsapa henetã pepa besti akubaĩwẽ. Tsuara haska hiweairã, hawẽ hiwea pepa ma hayaki, hanu ipashanairã.

Provérbios 16:17

Huni pepabu hiwei pekaĩkinã, txakabu tibi ana akama henekubaĩmiski. Haskakĩ hatũ hiwea mekekĩ hatũ yura ibubis pe mekeriakubaĩmisbuki.

Provérbios 16:6

Hamapai txakabu tibi yura betsabuna hakimairã, Senhor Deusũ nuikipaiwẽ txanima atiki. Senhor Deus duawakinã, txakabu tibi mĩ heneakeakekubainaii.

Provérbios 3:7

Ibubis keĩ: “Ẽ unanepahairaki”, iwanã, shinãyamakubaĩshãwẽ. Hakia Senhor Deuski besti datekĩ ha besti duawai txakabu tibi hene keyutã ana meyamakubaĩshãwẽ.

Mateus 5:45

Hakia haska matũ Epa nai anuatũ yura pepabu inũ yura txakabubuwẽ nuikĩ hatu bari txashamashũmis inũ ui imashũmis keska wakĩ maturi yura dasibibuwẽ nuikĩ mã hatu merabewakubainaiwẽ taeshũ habũ uĩkĩ mã Deusũ bakebu unãshãkanikiki.

Mateus 5:9

—Ha inũ, tsuabura duapa unãnuma hatube hiwekatsi yura betsabu sinataibu hatu daewamisbu Deusũ hawẽ bakebu wakĩ hatu kenamiswẽ taea benimapaketi xinaĩ benimakubaĩkanikiki.

Mateus 6:13

Nuku mekekĩ hawẽ txakabuti tibi nuku kaĩmashũyamawe. Ha inũ, hawara txakabu tibi nuku nemashũriakubaĩwẽ, atiki— atã

Marcos 14:7

Nuitapai matube hiweabu merabewakĩ mã hatu duawapaketirubuki. Hakia earã, hawẽtxaĩs mã ea duawapaketirubumaki.

Lucas 1:79

Yurabu hatũ txakabuwẽ taea atimapanu mawai benui bupanãbũ mexu tẽ ikai anua bĩ txasha watã nuku inã keska wakĩ nũ habu hiweyuabu nũ hawẽ unãnuma hiwei kai nuku yusĩshanikiki”, inikẽ

Lucas 6:35

Hakia pepakatsis ikirã, eskatiki. Matuki sinataibuwẽ nuikĩ hatu duawãkĩ matũ pepa hatu uĩmakubaĩkãwẽ. Haskawẽ taeshũ tsuabũra mĩ hamapai biwãxĩshũ mia ana beshũmisbu besti ana ha xinãma mia yane beshuĩsbumari hatu inãriakĩ yura dasibibu hatu duawakubaĩshãkãwẽ. Haska wakĩ mã hatu binumamiskẽ matũ pepawẽ Deus dasibi binuatũ matu manakushanikiki, hawẽ bakebu matu wakinã. Hanũkaĩ habũ Deus kẽwaĩsbuma inũ huni txakabububiakẽ betsa betsapa inãkĩ Deusũ hatu duawamiswẽ taea

Lucas 6:9

hanushũ fariseubu inũ Moisés hãtxa hatu yusĩmisbu Jesusũ hatu yuikĩ: —Ẽ matu yukai haskaramẽkaĩ, ea yuikãwẽ. Moisés hãtxa pepa txibãkĩ huĩrukũti sábadotianã, haska watimẽ? Pewakĩ merabewatimẽ? Txakabuwatiraka? Yura betsã hiwearã, pashawakĩ meketimẽ? Nuitapawakĩ yamawatiraka?— hatu watã

João 17:15

Habiaskabiakẽ: “Ikũwãbuma anua hatu dapashkamabaĩwẽ”, iwanã, ẽ mia yukamaki. Hakia hau diabo Satanásã hatu parãyamashanũ hatu nemashũkĩ mekeshãwẽ.

Romanos 12:18

Ha inũ, yura betsabu duawanũ, iwanã, dasibi pepa mã akubaĩtirubu besti aki hatube unãnuma hiwei pekatsis mã ikairã, dasibibu daewakubaĩkãwẽ.

Romanos 14:17

Deus shanẽ ibuai nũ ikũwaĩburã, hawara nũ pikatsis ikai inũ, hawara nushuti nũ akatsis ikai xinaĩ hawẽ nuitimaki. Hakia nukuwẽ Deus shanẽ ibuairã, hawẽ Yushĩ Pepatũ haska abuai nuku kanemakatsi ikama inũ, nuku unãnuma hiwemai inũ, nuku xinã txãkãwãkĩ benimawakĩ nuku hiwemaikiki.

Romanos 14:19

Haskakẽ hawa txakabu ana piama merabenamekĩ ana hatu kuxipa wakĩ unãnuma hiweti benakubainãkãwẽ.

Romanos 5:1

Hawẽ hãtxa nũ ikũwaĩwẽ taeshũ Deusũ nuku pepa wakĩ xinãkubainikiki. Nukũ Shanẽ Ibu Jesus Cristõ Deusbe nuku haibunamemaya unãnuma hiwei nũ benimakũkainaii.

Romanos 7:19

Haskawẽ taeshũ hawara pe besti ẽ akatsis ikai ha akama ha txakabu ẽ danãmis ẽ pe akaitũ besumiski, natiã e iki ẽ hawẽ dakeairã.

Romanos 7:21

Ẽ pe bestibiakatsis ibiaya txakabu betsa betsapa ewẽ hiwea ha tashniai uĩkĩ ẽ xinã pema ẽ uĩkubainaii.

Romanos 8:6

Haska inũ, hawara txakabũ nuku amakatsis ikai nukũ huĩti babukĩ tsuabũra ha besti txibãkubaĩmisburã, hawẽ mawatã Deusbe hiweama ishãkanikiki. Hakia tsuabũra Deusũ Yushĩ Pepatũ bai txibaĩ unãnumati hawẽ nũ hiwenũ ikai ha besti xinaĩbu nuku duawakĩ hawama unãnuma nukũ hiwea nuku inãkubainikiki.

Gálatas 5:22

Hamẽ betsarã, heshe pepa banabu pepa hukũmis keskai tsuabura Deusũ Yushĩ Pepatũ mekeshũ amakĩ hatu pe hiwemabainairã, eska shabakabi hatu anua tashnimiski, abunamei hawenabuwẽ nuirã, benimakĩ Deus kẽwaĩnã, unãnuma hiwea tsuki sinatamarã, hĩ hĩ ikama hawara teneirã, hatu txikixwabu kũyã akamarã, hatu duawairã, yauxiama hawara pepa hatu inãkubainirã, hawara yubakashũ kaneama akirã,

Gálatas 6:10

Haskawẽ taeshũ hawara nũ hayawẽ dasibi nukubetã ikũwaĩbu nuitapaibu hatu merabewakubainãkãwẽ, ha katxu betsaburi ikũwãriabuma hatu merabewariakinã.

Colosenses 3:15

Hakia Cristõ unãnuma matu hiwemayarã, ha matũ huĩti uke merã shanẽ ibu wamakãwẽ. Matu haska wakatsi ikĩ Deusũ ma matu katunishũ habias yura matu wakatsis ikikiki. Dasibi ma hatũ matu ashuni xinãkĩ kẽwãkubaĩkãwẽ.

1 Timóteo 6:18

Haska inũ, hatũ hamapai mabu haya betsaburi pashkashũti xinãkĩ haska Deusũ abuai aki hau pepakubainũbũ hatu yunuriawe.

Hebreus 12:14

Ha inũ, tsuabura dasibibube mã unãnuma hiwekatsis ikairã, nuikipakĩ dasibi nukũ Shanẽ Ibũ yusĩa txibaĩ pepa besti hiwekubaĩkãwẽ. Hamẽ mã pepai hiweismarã, haskatã nukũ Shanẽ Ibuki dasitã mã hiwetirubumaki.

Hebreus 13:16

Ha inũ, Deus xinã txãkãwanũ, iwanã, ana matũ hamapaiwẽ nuiama pepakĩ ikũwaĩ betsabuwẽ nuikĩ hatu merabewai hawara mã haya itxapa kasmai eskarabes pashkashũ yauxiama hatu inãkĩ heneyamakubaĩkãwẽ, haska wakĩ Deus xinã txãkãwãkinã.

Santiago 4:17

Haskawẽ taeshũ tsuabũra hawara pepa Deusũ abumis unãbiakĩ mã akamarã, txakabukĩ Deus mã pashkaii.

1 Pedro 3:12

Pepabu mekekubaĩkĩ hawara yukaibu merabewakatsi iki Deus pashtishũ hatu nĩkamiski. Hakia habũ txakabuwaibu uĩ hatuki Deus sinatai hatukiri petximiski”, hatu watã keneniki.

3 João 1:11

Ẽ betsaã, ẽ miwẽ nuiairã, beya txakabu txibãma beya pepa besti akubaĩwẽ. Tsuãra beya pepa akaiburã, Deusũ enabuki. Hakia tsuãra beya txakabu akaiburã, Deus unãbumaki.